مع احترامي ليك انا مكملتش للاخر احنا بنحتفل بالنصر ده كل سنه و حبيت بس اقدم موضوع للناس الي بتحب بلدها و عاوزه تشوف اننا لينا دوله جامده و بعدين اعمل و قول زي ما انت عاوز برضه انت غلط و لازم الي فات يذكر انت لما هتتحاسب قدام ربنا هيحاسبك علي الي عملته في الماضي مش الي هتعمله لسه فهمتني ؟
غير كده لو فيه ماتش كوره بين الاهلي و الزمالك و الاهلي كسب المره الي بعدها الزمالك هيحاول يشوف غلط في ايه و هيحاول يكسب بس هيحاول يتجنب قوه الاهلي و نفس الكلام للاهلي هيحاول يقوي نفسه و يشوف اخطاءه في الماتش ده و هيعالحها و يحاول يكسب تاني انت بقي الي مش فاهم حاجه انت حر بس انت غلــــــــــــــــــــــــــــــــــــــــــط و الي يقول ان اكتوبر كلام فاضي يبقي سفيه كفايه انها قامت فيها اكبر معركه دبابات في التاريخ
بص من الاخر كده محدش هيقتنع بوجهت نظرك الي اساسا غلط و لو واحد اقتنع يقولي انا اقتنعت
من جهلنا نخطئ و من اخطائنا نتعلم
يعني الحرب دي نتعلم منها و بتدي دفعه للاجيال
الاجيال الي فاتت حرروا البلد و عيشوك حر
انت بقي متنكرش جميلهم
و تحاول تاخد منهم عبره و دفعه هما ضحوا بحياتهم انت ضحي باقل حاجه و قول الله يرحمهم عيشونا في سلام
لو زي ما بتقول كده نسيب الماضي خلاص منفكرش فيه و بلاش فلسطين تحصل فيها انتفاضه عشان
يجي واحد يقول كلام في الهوا و يقول ده حاجه قديمه يعد ما هو يعيش حر
و بتتريق علي بوفون علي الاقل بوفون ادالهم حقهم و اعترف انهم حرروا البلد و ماتوا رجاله
انت بقي عملتلهم ايه ؟. بتنكر جميله عملوهالك و خلوك تقول ههههههههههههههههه
و اطلال ايه هو انت لما الحاكم بتاعك يامرك ولا لما مستعمر يجي ينيمك بمزاجه
و يغتصبوا و يهتكوا اعراض الناس
الحرب دي حررتك من كل ده
الحاكم بتاعك مش بيهتك عرضك دلوقتي
بدل ما تقول الحمد لله علي الحريه و النصر
لا مش عاجبك
شوف في فلسطين بيعملوا ايه و بيبكوا كل يوم
الي ابوه مات قدام عينه و الي ابنه مات في حضنه
و مش لاقين الي يادفع عنهم من سنه 48
كل يوم بيستغيثوا و بيطلبوا الرحمه من رب العباد الي وهبهالك في رجاله ماتوا عشان انت
متعملش كده و تنزل دمعه
ده مش واقع ؟؟
ده خيال
و كمان بتقول
بلاش شعارات فاضيه وكلام عالفاضى رحم الله امرىء عرف قدر نفسه
انت ناسي انك معاك ربنا ولا ايه
دي مفيهاش رحم الله امرئ عرف قدر نفسه
دا دي لو انت اقل حاجه لازم تتفاخر انك كسرت مناخيرهم في يوم من الايام و بيعملولك حساب دلوقتي
رحم الله امرىء عرف قدر نفسه
لما تكون بتضرب اخوك و تسيبه عشان انت اجمد منه و هو بيحترمك
مش امه بحالها و شعب تقوله رحم الله امرىء عرف قدر نفسه
انا اسف جدا ليك و بجد زعلان عليك لان ده مش كلام انسان عاقل
انا كان اهون عليا اني معملش موضوع زي ده ولا اني اشوفك انت بتقول كده
انت عارف انت عندي اكتر من اخ و برضه انت برضه اكتر من اخ بس لو انت غلط لازم اواجهك
تحياتي
JAGUAR
عدل سابقا من قبل Jaguar في الخميس سبتمبر 10, 2009 12:26 am عدل 1 مرات