يا وزارة التعليم.. ارحمينا.. كسرتى ضهرنا.. وتعبتينا.. خمسين كتاب فى الشنطة.. على كتافنا عبء يوماتى.. وعقولنا مليانة تخاريف.. دا طبعا من الحشو العاتى.. و«بعبع» باسمع عنه.. مش عارف ازاى هافلت منه؟.. بيقولوا عليه «ثانوية»!!..
باين كده «دى غولة» أذية.. نفسنا ف تمارين رياضية.. تقوى لياقتنا البدنية.. دا على حدودنا «الشرقية».. لباقة الطفل دى أساسية.. وبيضربوا لها ألف تحية.. دا عدو مصر «أيامنا الجاية».. يا مصر.. يا مصر.. خايف بكرة تندهى.. الحقوا يا ولادى العدو جاى للغدر بينا.. صدقينى يا مصر هانلبى الندا.. والسلاح موجود.. بس ازاى هاتشيله إيدينا؟!
