يا ريس قوم وشوف شعبك حزين.. داحنا شعبك محتاجين.. ناس جديدة تحس بينا.. راسها عالية مش فى طين.. قوم ورجع فرحتنا.. اللى ياما لازمتنا.. قوم يا ريس طوف وشوف.. طوف برجلك.. شوف بعينك.. حط النقط على الحروف.. شوف شباب البلد ماله.. شباب شوارع نايمة فيها.. مش لاقية لقمة تكفيها.. شباب اتغيرت أحواله.. شباب كان عامل حسابه.. أول ما يخلص كلامه.. يجرى على طول لأحبابه.. وأوام يكتب كتابه.. بس العمل قافل أبوابه.. والقلب تنزف جراحه!!
قوم ياريس شوف دموعنا.. دموع أنين.. تسقى والله الملايين.. مش حرام أرض طاهرة.. يدوسها ناس.. متعرفش مصاروة كانوا أو برابرة.. ليه يا ريس تحكّم فينا.. ناس غبية مش أمينة.. قتلوا فينا كل عزة.. كل همة.. سرقوا منا حياة كريمة.. قوم يا ريس.. حس بينا شيل بإيدك كل فاسد.. إحمى طفل.. ولا بنت كل شوقها حياة سعيدة.. احمى أب.. احمى أم.. كل خوفهم.. بعد موتهم.. ييجى يوم ابن ليهم.. ما يلاقيش شبر فى مدينة.. قوم يا ريس مد إيدك.. معاك إيدينا.. معاك هنبنى.. بس ابدأ.. قوم وطهر.. والله شاهد.. نهديك قلوبنا والله علينا.
