حبيبتى مين
ا ميت أهلا وسهلا تفضــل اقعد على اي طرابيزة انت تحبهــا., بس شكلك أنت اول مرة تنورنــا..]خد بالك القعدة بمشاريب ...] ,اه صح بقلك ايه... أنت لازم تسجــل عندناعلشان تبقي حبيبنــا , بالزوق بالعافية هتسجــل ..ماتبصليش كده بقلك على الطلاق لتسجل يلا دووس هنا وسجل ولازم تشارك.كمـان.هينزلك خصم عالمشاريب لما تشارك معـانا
فريق الاداره
magic.......ابو تريكه
اضـغـط [URL="http://vvv3vvv.blogspot.com/"]هـنـا[/URL] لـدخـول فـى [URL="http://vvv3vvv.blogspot.com/"]عـالـم غـريـب[/URL]اضغط هنا لدخول فى عالم غريب

حبيبتى مين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دخول


descriptionاواخر الشتا لاليسا فى امتحان لغه عربيه Emptyاواخر الشتا لاليسا فى امتحان لغه عربيه

more_horiz
من قصيدة (أواخــر الـشـتــا)



للشاعرة/ إليسا أبو ماضى

فى امتحان لغه عربيه

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات





أجب عن الأسئلة التالية :



1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟


2- فى أى فصل من فصول السنة كتبت هذه القصيدة؟ (مستدلا على ما تقول)


3- علام يدل التعبير (أنا كنت باخد بعضى وأروح له من سكات)؟


4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟


5- اختر الإجابة الصحيحة مما بين القوسين:

- الجمال فى قولها (عشنا - معاه): (تصريع - جناس - حسن التفات)

- (أروح له من سكات) المقصود بها: (دكاكينى - دحاليبى - ذرابيئى)

- مصدر كلمة (أتونس): (تَوَنًّس - تُونِس - تَنَاسَى)

- (زى اليومين) مجاز مرسل علاقته: (الكلية - المدرسة - الحضانة)



**************************************************

والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات




أجب عن الأسئلة التالية:



1- هات من الأبيات مضاد (النهار), وكلمة تؤدى معنى (معاه)


2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.


3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)


4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!


5- أيهما أفضل (ولحد) أم (ولغاية)؟ ولماذا؟



**************************************************


على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات




أجب عن الأسئلة التالية:



1- اختر الإجابة الصحيحة مما بين الأقواس:


- (على سهوة) تفيد: (السرعة - العجلة - الموتوسيكل )

- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)


- المقصود بـ (يوميها) فى الأبيات: (يوم العاركة - يوم الخناقة - يوم الكرامة)

2- اشرح الأبيات شرحًا مفصلا باختصار.


3- أيهما أفضل (ياقلبى) أم (يانضرى)؟ ولماذا؟


4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.


5- ا ستخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.

- زألطنى الحب زألوط، نمت فى بنها صحيت فى أسيوط.



**************************************************




وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين




أجب عن الأسئلة التالية:




1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح


2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.


يالا عشان هالم ورق الاجابه كمان شويه اواخر الشتا لاليسا فى امتحان لغه عربيه Biggrin

واوعى حد يزعل من الفانز بتوع اليسا ابو ماضى



أنا من ذبت في نغمات شعري ....... فذابت من تناغمها القلوبُ.


وطفت بباب أبيـــاتٍ عـــــذارى ....... فبي عرفت أماكنَها الدروبُ.


أنا بين السطور قضيت عمري ...... وليــلي منــبرٌ وأنا الـخـطـيب ُ.

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
التعبير بصيغه الماضى لان الموضوع حدث وانتهى اختصت قبل اللى فات قبل ما لانه
اخر شتاء قبل ما يموت حبيبها


2- فى أى فصل من فصول السنة كتبت هذه القصيدة؟ (مستدلا على ما تقول)

فى الشتاء لان فى الكليب الدنيا كانت بتمطر


3- علام يدل التعبير (أنا كنت باخد بعضى وأروح له من سكات)؟

كانت بتروح فى الدرى (فى الخباثه) يعنى من وراء اهلها

4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟

انا كنت باخد بعضى لان التاكسى غالى وبعدين هما كانوا جيران

- الجمال فى قولها (عشنا - معاه): (تصريع - جناس - حسن التفات)
حسن التفات وتوكيد


- (أروح له من سكات) المقصود بها: (دكاكينى - دحاليبى - ذرابيئى)

دكاكينى

- مصدر كلمة (أتونس): (تَوَنًّس - تُونِس - تَنَاسَى

تونس الاولى (ونس)

(زى اليومين) مجاز مرسل علاقته: (الكلية - المدرسة - الحضانة)
بالنسبه ليا الكليه

1- هات من الأبيات مضاد (النهار), وكلمة تؤدى معنى (معاه)

الليل - جنبه


2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك

لان عز الدخيله هو اللى ماسك السوق اليومين دول

- إلى أى مدرسة شعرية تنتمى الشاعرة؟ وما أهم سماتها؟ (بدون غلط
مدرسه لبنان العامه
امورة عسوله صوتها حلو ملابسها شياكه

- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟

هو حديد بس الدخيله احسن ما بيصديش


5- أيهما أفضل (ولحد) أم (ولغاية)؟ ولماذا؟

لحد طبعا لان الغايه تبرر الوسيله

- (على سهوة) تفيد: (السرعة - العجلة - الموتوسيكل

تفيد انها ما كنتش واخده بالها معاها سابته فى البيت علشان السقعه

- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
الحيرة فى اتخاذ القرار فى السقعه

- المقصود بـ (يوميها) فى الأبيات: (يوم العاركة - يوم الخناقة - يوم الكرامة)

يوم الكرامه ده فيلم جامد



2- اشرح الأبيات شرحًا مفصلا باختصار
كله واحد يخلى باله لان الدنيا بضرب على سهوة ودلوقتى ما فيش حاجه ببلاش
علشان تاخد حاجه لازم تدفع

يا قلبى لان قلبى على ولدى انفطر وقلب قطر على البحرين

4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
اه مالهاش امان بس المرور هيمسكها فى يوم علشان الحزام وبتضرب 100 قلم على سهوة
البيت الاول فى القطعه

5- ا ستخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.

- زألطنى الحب زألوط، نمت فى بنها صحيت فى أسيوط


لا اعرف السؤال ده ما خدنهوش فى الكلاس

1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح

هى هبله لانه مات بعد الشتى اللى الفات واللى بيموت ما بيرجعش
اعمل لاخرتك
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
هى ما تعرفش قواعد المرو ر وبعدين فى الكليب م كنش فى اشارة مرور
والدنيا كانت بتمطر والناس مش شا يفه



يرعى مراعاه الخط لانى مش انا اللى بكتب دى الكيبورد

شكراااااااااااا

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
هههههههههههههههههههههههههه

موضوعك رائع يا ماجيك ويارب تكون اجابتى صحيحه
وافوز

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
هههههههههههههههههههههههههههههههههه

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
غالبا صح يا اسكا بس محتاجين مصحح لغوى
ههههههههههههههههههههههههههههههههههههههه

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
مبروك يا اسكا نجحت

15. من 30

تقديرك

مقبول جدا
ههههههههههههههه
مبروك



أنا من ذبت في نغمات شعري ....... فذابت من تناغمها القلوبُ.


وطفت بباب أبيـــاتٍ عـــــذارى ....... فبي عرفت أماكنَها الدروبُ.


أنا بين السطور قضيت عمري ...... وليــلي منــبرٌ وأنا الـخـطـيب ُ.

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
مبروك ياسكا حد يوصلو النتيجه

descriptionاواخر الشتا لاليسا فى امتحان لغه عربيه Emptyرد: اواخر الشتا لاليسا فى امتحان لغه عربيه

more_horiz
براااااااااااااااافو اوي
ممكن تفصلنا اغنيه
العب بعيد يا شاطر
صلاحيات هذا المنتدى:
لاتستطيع الرد على المواضيع في هذا المنتدى