السلام عليكم
يا جماعة عندي سؤال للاباء حيرني امبارح
صار معي موقف وعم بفكر ليش هيك صار وليش هيك تعامل هاد الشخص
كنت امبارح بعزومة عند عمي
ما فيه كتير اشخاص لكن شفت شخص ( حسين) وامرأة (بسمة ) وولاد انا ما بعرفهم من قبل اطلاقا
لما كنا قاعدين قبل الفطار سألني انتي مين؟؟
قلت انا سلام بنت اخوه لأبو محمد
سأل شو بتشتغلي ووين ساكنة و
و
و
بس مابعرف ليه ما سألته انت مين
يمكن لأنو الأمر ما بيعنيني
سمعته بحكي مع بسمة بقولها
خدي بنتك قعديها هناك
خدي ابنك غيري له ال...لأنه طلعت ريحته
قلت يمكن اخوها ومشيت المعلومة اللي انا توصلتلها بمخي انها اخته
بعد بشوية
بيقولها ...بسمة_ _ _رح يأذن المغرب هلأ اطعمي ولادك اللي مش صايمين قبل الفطار عشان ما يتعبوكي ويعذبوكي...
قلت اكيد اخته
رجع قال لواحد من ولادها كان عامل فوضى
يا ولد اقعد هادي شوية وروح عند امك...وبيقول وهو بيتطلع ببسمة..ضبي ابنك شوية عيب احنا عند الناس
رجعت بقول لالالالا اكيد اخته
رحنا نجهز السفرة واجت معانا للمطبخ فصارت تنادي
حسين شوف ولادي وين راحو.. انتبه عليهم الله يخليك
قلت ..لا حول الله يارب..يمكن اخته..هههههه بصراحة يا جماعة دخل الشك لقلبي بس ما عرفت لسا هو مين وهي مين
حطينا الفطار ووزعنا الكراسي واجينا نقعد فقالها ::بسمة نيمتي سمير الصغير
يقبر قلبي شو امور بالليل ما بخلينا ننام
رجعت لحيرتي وقلت يمكن مرته والولاد ولادها من زوج سابق
بس مش باين انها متزوجة من قبل حسين
لالا في سر
كملنا الاكل وعملنا شاي وقعدنا فبيقولي.. شايفة ولادها بيزعجو الناس لما نروح عليهم
دايما بيعذبو بسمة بالبيت الله يعينها على تربيتهم..حتى لما بطلع عالشغل بيكونو صاحيين قبلي وعاملين ازعاج وهي نايمة ولا على بالها
هون قطع الشك باليقين انو مش ولاده اكيد ولادها وانها زوجته
قلت معلش هم هيك الاطفال دايما اعزرهم
ونفسي اسأله انت شو بتقرب لبسمة بس ما قدرت احكي معاه ولا كلمة مابعرف ليه كمان ههههههه
وكتمت السؤال لحد ما روحت
وانا بالطريق وصلتني بنت عمي بقولها هو حسين شو بيقرب لبسمة
قالت زوجته
قلت اهااااااا عرفت هلأ نص الاجابة
طيب هي متزوجة من قبل قالت لأ هو زوجها الاول
سألتها طيب والولاد لمين
قالت ولادهم
قلت جد وبقيت مستغربة
ضحكت بنت عمي باستغراب من حيرتي
قلتلها طيب ليش هيك بيتعامل معاهم
بيحكيلها يا بسمة وكل شوية خدي ابنك وخدي بنتك واطعمي ابنك وروح لعند امك ليش هيك كان يحكي
قالت بصراحة مابعرف بس احنا تعودنا عليه
الولاد ولادهم الاثنين
ودايما بيقول هيك ولا مرة قال يابني ولا يابنتي
بيعتبر انو هم ولادها واقرب الها لأنها باستمرار معهم وهو بالشغل
فما بيحس انو قريب منهم او من بسمة
وزادت حيرتي اكتر
وجاية هون اسألكم
انتو بتقولو لزوجاتكم خدي ولادك وانتبهي على ولادك وشوفي ابنك
بتحسسو ولادكم انكم قريبين منهم
بتقولو لهم يابني ويا بنتي ويا روحي ويا قلبي
بتعترفو فيهم قدام الناس
بتخجلو تحكو مع زوجاتكم قدام الناس ولو حتى كلام عادي وحوار بسيط مافيه اي خصوصية بينكم تنتشر عالملأ؟؟؟؟؟؟؟؟؟
بتخجلو من كلمة يابني
؟؟
وضليت اسأل
طيب ليه كمان بيقول للبنت وين ما امك بتقعد اقعدي عندها والولد معلش وين ما راح يروح
ليه التمييز؟
ليش كمان بينتقد وبيحكي عن زوجته قدامنا وهي ما بتقول شي
ليه هي كمان قالت ولادي وما قالت اولادنا
بصراحة حيروني
يمكن هاد الشخص عنده مشكلة انه ما بيعطي اهمية لأهل بيته سواء بالبيت او برا البيت
من تعامله حسيت انو مش منيح ولو انو كان بالعزومة هو الوحيد الظاهر وبيحكي ونافش ريشاته
فلوس وعمارات وشغل ومحلات ......وناسي اهم شي
ناسي يقول لأبنه يابني
ولزوجته يا ام رامي
ولسا محتارة بامره وبقول يمكن فيه كتير متله هيك
انتو شو رأكو
طولت بعرف بس نسيت حالي وانا بكتب
مشكورين حبايبي
يا جماعة عندي سؤال للاباء حيرني امبارح
صار معي موقف وعم بفكر ليش هيك صار وليش هيك تعامل هاد الشخص
كنت امبارح بعزومة عند عمي
ما فيه كتير اشخاص لكن شفت شخص ( حسين) وامرأة (بسمة ) وولاد انا ما بعرفهم من قبل اطلاقا
لما كنا قاعدين قبل الفطار سألني انتي مين؟؟
قلت انا سلام بنت اخوه لأبو محمد
سأل شو بتشتغلي ووين ساكنة و
و
و
بس مابعرف ليه ما سألته انت مين
يمكن لأنو الأمر ما بيعنيني
سمعته بحكي مع بسمة بقولها
خدي بنتك قعديها هناك
خدي ابنك غيري له ال...لأنه طلعت ريحته
قلت يمكن اخوها ومشيت المعلومة اللي انا توصلتلها بمخي انها اخته
بعد بشوية
بيقولها ...بسمة_ _ _رح يأذن المغرب هلأ اطعمي ولادك اللي مش صايمين قبل الفطار عشان ما يتعبوكي ويعذبوكي...
قلت اكيد اخته
رجع قال لواحد من ولادها كان عامل فوضى
يا ولد اقعد هادي شوية وروح عند امك...وبيقول وهو بيتطلع ببسمة..ضبي ابنك شوية عيب احنا عند الناس
رجعت بقول لالالالا اكيد اخته
رحنا نجهز السفرة واجت معانا للمطبخ فصارت تنادي
حسين شوف ولادي وين راحو.. انتبه عليهم الله يخليك
قلت ..لا حول الله يارب..يمكن اخته..هههههه بصراحة يا جماعة دخل الشك لقلبي بس ما عرفت لسا هو مين وهي مين
حطينا الفطار ووزعنا الكراسي واجينا نقعد فقالها ::بسمة نيمتي سمير الصغير
يقبر قلبي شو امور بالليل ما بخلينا ننام
رجعت لحيرتي وقلت يمكن مرته والولاد ولادها من زوج سابق
بس مش باين انها متزوجة من قبل حسين
لالا في سر
كملنا الاكل وعملنا شاي وقعدنا فبيقولي.. شايفة ولادها بيزعجو الناس لما نروح عليهم
دايما بيعذبو بسمة بالبيت الله يعينها على تربيتهم..حتى لما بطلع عالشغل بيكونو صاحيين قبلي وعاملين ازعاج وهي نايمة ولا على بالها
هون قطع الشك باليقين انو مش ولاده اكيد ولادها وانها زوجته
قلت معلش هم هيك الاطفال دايما اعزرهم
ونفسي اسأله انت شو بتقرب لبسمة بس ما قدرت احكي معاه ولا كلمة مابعرف ليه كمان ههههههه
وكتمت السؤال لحد ما روحت
وانا بالطريق وصلتني بنت عمي بقولها هو حسين شو بيقرب لبسمة
قالت زوجته
قلت اهااااااا عرفت هلأ نص الاجابة
طيب هي متزوجة من قبل قالت لأ هو زوجها الاول
سألتها طيب والولاد لمين
قالت ولادهم
قلت جد وبقيت مستغربة
ضحكت بنت عمي باستغراب من حيرتي
قلتلها طيب ليش هيك بيتعامل معاهم
بيحكيلها يا بسمة وكل شوية خدي ابنك وخدي بنتك واطعمي ابنك وروح لعند امك ليش هيك كان يحكي
قالت بصراحة مابعرف بس احنا تعودنا عليه
الولاد ولادهم الاثنين
ودايما بيقول هيك ولا مرة قال يابني ولا يابنتي
بيعتبر انو هم ولادها واقرب الها لأنها باستمرار معهم وهو بالشغل
فما بيحس انو قريب منهم او من بسمة
وزادت حيرتي اكتر
وجاية هون اسألكم
انتو بتقولو لزوجاتكم خدي ولادك وانتبهي على ولادك وشوفي ابنك
بتحسسو ولادكم انكم قريبين منهم
بتقولو لهم يابني ويا بنتي ويا روحي ويا قلبي
بتعترفو فيهم قدام الناس
بتخجلو تحكو مع زوجاتكم قدام الناس ولو حتى كلام عادي وحوار بسيط مافيه اي خصوصية بينكم تنتشر عالملأ؟؟؟؟؟؟؟؟؟
بتخجلو من كلمة يابني
؟؟
وضليت اسأل
طيب ليه كمان بيقول للبنت وين ما امك بتقعد اقعدي عندها والولد معلش وين ما راح يروح
ليه التمييز؟
ليش كمان بينتقد وبيحكي عن زوجته قدامنا وهي ما بتقول شي
ليه هي كمان قالت ولادي وما قالت اولادنا
بصراحة حيروني
يمكن هاد الشخص عنده مشكلة انه ما بيعطي اهمية لأهل بيته سواء بالبيت او برا البيت
من تعامله حسيت انو مش منيح ولو انو كان بالعزومة هو الوحيد الظاهر وبيحكي ونافش ريشاته
فلوس وعمارات وشغل ومحلات ......وناسي اهم شي
ناسي يقول لأبنه يابني
ولزوجته يا ام رامي
ولسا محتارة بامره وبقول يمكن فيه كتير متله هيك
انتو شو رأكو
طولت بعرف بس نسيت حالي وانا بكتب
مشكورين حبايبي
