( مسحراتى مصر البهيه للشاعر\ جمال بخيت)
مسحراتى مصر البهيه
اصحى وسبح رب البريه
مشيت ارتل وأنشد وأجود
وصوتى يجرى بين النواصى
هنا بانقر..هنا باعود
هنا باحود عن النواصى
لو كنت بحرى
لازم أقبل
إن كنت قبلى..لازم ابحر
ولحد اخر نفس فى صدرى
هاشد قلبى وتر وأسحر
يا مصر قومى وشوفى نيلك
يا مصر قومى وضمى سينا
نهر المحبه بينتمى لينا
يا مصر قومى وشوفى سينا
مصر البهيه ..بالعقل هيه
ف الذكر آيه..فى العشق غيه
اصحى وسبح رب البريه
مسحراتى ويقينى
بين الليالى بيهدينى
أسرى ف درويها كأنى براق
وكأن ربى موصينى
خطوه حنان بتحركنى
نظرةآمل بتودينى
على بحيره طبريه
مريم بإيدها بتسقينى
وإما يوحنا يعمدنى
جبريل..بنفسه يوضينى
فى الناصره وبيسان وجنين
أزرع وأحصد فدادينى
أعود ف حضن القدس جنين
وأوهب حياتى فدا.. دينى
أختار ملامحى وأكدها
على شكل أرض فلسطينى
.....
وحسى أول أغانيها
من أول الله ما خلقها
قبل الشيطان ما يخطيها
أنا كنت آدم جنتها
وكنت قوه عزوتها
وكنت زيتون شجرتها
صحاريها كانت بستاينى
أختار ملامحى وأكدها
على شكل أرض فلسطينى
مشيت على أرضها إنسان
وعرقى فرحان بحصاها
ورفعت فيها بقلبى أذان
ولسه قبلتى أقصاها وأعدائى هم أعداؤها
أعضائى بتلبى نداءها ودمى اللى سال من شهدئها
لسه حنانه ف شراينى
أختار ملامحى وأكدها
على شكل أرض فلسطينى
....
مريم يا كل محبينها
جيالى شايله بشاير نور
ولا كانش فيه بينى وبينها
ولا نفق ولا سلك وسور
من بوابتها ..من المساعيد
عمرو اللى قال إن المسا ..عيد
بيقول يا مصر دا حلم جديد
وإنتى اللى بكره هتحمينى
أختار ملامحى وأكدها
على شكل أرض فلسطينى
....
دم المقاومهف شعر فصيح
شعر المقاومه فى دمى يعيش
حتى النهارده قريت لسميح
توفيق زياد..محمود درويش
الشعر كان مكتوب بالدم
والهم كان موصول بالهم
تمشى معايا فى سكتى..أم
هاتروح بعيد وتخطينى؟!
أختار ملامحى وأكدها
على شكل أرض فلسطينى
....
مسحراتى ف الذكر هايم
والنسمه حلوة ولا حد نايم
والكل صابح معانا صايم
ف الفجر يدعى ويقول يارب
ومضان يا أكرم من الشمس ذاتها
أرواحنا عندك تبدأ حياتها
والنفس راضيه تلحق ما فاتها
تطلب هدايه وتقول يارب
المصرى بنا فلاح وجندى
وعندى جامع..وكنسيه عندى
الرحمه من دا..والحب من دى
ومن قلبونا بنقول يارب
...........
مسحراتى مصر البهيه
اصحى وسبح رب البريه
مشيت ارتل وأنشد وأجود
وصوتى يجرى بين النواصى
هنا بانقر..هنا باعود
هنا باحود عن النواصى
لو كنت بحرى
لازم أقبل
إن كنت قبلى..لازم ابحر
ولحد اخر نفس فى صدرى
هاشد قلبى وتر وأسحر
يا مصر قومى وشوفى نيلك
يا مصر قومى وضمى سينا
نهر المحبه بينتمى لينا
يا مصر قومى وشوفى سينا
مصر البهيه ..بالعقل هيه
ف الذكر آيه..فى العشق غيه
اصحى وسبح رب البريه
مسحراتى ويقينى
بين الليالى بيهدينى
أسرى ف درويها كأنى براق
وكأن ربى موصينى
خطوه حنان بتحركنى
نظرةآمل بتودينى
على بحيره طبريه
مريم بإيدها بتسقينى
وإما يوحنا يعمدنى
جبريل..بنفسه يوضينى
فى الناصره وبيسان وجنين
أزرع وأحصد فدادينى
أعود ف حضن القدس جنين
وأوهب حياتى فدا.. دينى
أختار ملامحى وأكدها
على شكل أرض فلسطينى
.....
وحسى أول أغانيها
من أول الله ما خلقها
قبل الشيطان ما يخطيها
أنا كنت آدم جنتها
وكنت قوه عزوتها
وكنت زيتون شجرتها
صحاريها كانت بستاينى
أختار ملامحى وأكدها
على شكل أرض فلسطينى
مشيت على أرضها إنسان
وعرقى فرحان بحصاها
ورفعت فيها بقلبى أذان
ولسه قبلتى أقصاها وأعدائى هم أعداؤها
أعضائى بتلبى نداءها ودمى اللى سال من شهدئها
لسه حنانه ف شراينى
أختار ملامحى وأكدها
على شكل أرض فلسطينى
....
مريم يا كل محبينها
جيالى شايله بشاير نور
ولا كانش فيه بينى وبينها
ولا نفق ولا سلك وسور
من بوابتها ..من المساعيد
عمرو اللى قال إن المسا ..عيد
بيقول يا مصر دا حلم جديد
وإنتى اللى بكره هتحمينى
أختار ملامحى وأكدها
على شكل أرض فلسطينى
....
دم المقاومهف شعر فصيح
شعر المقاومه فى دمى يعيش
حتى النهارده قريت لسميح
توفيق زياد..محمود درويش
الشعر كان مكتوب بالدم
والهم كان موصول بالهم
تمشى معايا فى سكتى..أم
هاتروح بعيد وتخطينى؟!
أختار ملامحى وأكدها
على شكل أرض فلسطينى
....
مسحراتى ف الذكر هايم
والنسمه حلوة ولا حد نايم
والكل صابح معانا صايم
ف الفجر يدعى ويقول يارب
ومضان يا أكرم من الشمس ذاتها
أرواحنا عندك تبدأ حياتها
والنفس راضيه تلحق ما فاتها
تطلب هدايه وتقول يارب
المصرى بنا فلاح وجندى
وعندى جامع..وكنسيه عندى
الرحمه من دا..والحب من دى
ومن قلبونا بنقول يارب
...........