دخول


descriptionمن حياة الفلاحين الفلسطينيين Emptyمن حياة الفلاحين الفلسطينيين

more_horiz
زبده ومش خايف :ــ
واحد
بلدياتنا بقت شخصية مرته طاغيه عليه، ممنوع يوكل لقمه من الدار إلا بإذنها
وتفويضها ، والدار من خير الله عامره ، وما يتبحبح إلا إذا طلعت عند جاره ،
وبقت دونا عن النسوان ما دامه في الدار ما تتحرك، والله الزلمه يوم روّح
لقي مرته عند وحده من هالجارات ، دغري هو على مرتبان هالزبده ويكبش ملا
إيده ، وقبل ما يديرها على ثمه سمع حركتها بره ، يَمّ شلح الطاقيه وحط
كعبول الزبده على راسه ، وحط الطاقيه فوقه ، ما فاتت ولاَّ الزبده صارت
تسيح على وجهه ، نفرت فيه : ولك فلان ، شو اللي سايح على وجهك ..؟؟ قال
الها : زبده ومش خايف ...!!!

الله يقطع اللي ما بحترم
نفسه :ــ

وبقى
أخونا بس يخلص شغل الدار يقعد يهز هالولد في الحِذِل، يوم تقاتل جارهم
ومرته ، وبلش الضرب والصياح ، بده يقوم ، نفرت فيه وقالت له : إنكسح هز
بالولد، وراحت هي تشوف المسأله ، لقت جارهم حاطط مرته ونازل فيه جبد بقلب
ورب ، المهم فكوها منه وصاروا الجيران يهدوا عليهم ، وهي رجعت عَ الدار ،
سألها : شو في ؟؟ قالت : جارتنا حاطه جوزها ونازله فيه ضرب لمّا نهنهته !!
هون شد إيده بهز الولد وهو يقول : إخص على اللي ما بحترم نفسه ...!!!!

بريد صرامي :ــ
وحده
الها بنت متجوزه في قريه ثانيه ، مشتريتلها كندره وبدها توديلها اياها ،
راحت عل مجمع السيارات ، وسألت عن صاحب الدور ، قال الها : اطلعي يا حجه ،
قالت أنا ما بدي أطلع ، بس فلان من بلدكم ، ابتعرفه يا خالتي ؟؟ قال الها :
آه بعرفه ، قالت : هذا متجوز بنتي ، وشريتلها هالمداس ، إذا بتوصللها إياه
..!! هون الزلمه زعل وقال : حدا قالك يا خاله إني بريد صرامي ..؟؟

صلاة الصبح :ــ
من
تقاليد أيام زمان ، لمّا واحد يروح يشهد في قضيه يسأله القاضي : إنت بتصلي ،
إن قال : لأ ، برفض شهادته وبطرده ، وان قال : آه ، بسأله عن عدد الركعات ،
واحد من بلدياتنا جاحد عمره ما دار وجهه عَ القبله ، وبده يشهد في قضيه ،
طول الليل وهمه يعلموا فيه ، لإن سألك عن صلاة الصبح ، قول ركعتين ، والظهر
أربعه ، والعصر أربعه ، والمغرب ثلاثه ، والعشا أربعه... المهم حفظهن مليح
قد ما عادوهن عليه ، على مبدأ التكرار بعلم لِحمار ، مع انه لِحمار أكرم
عند الله من مسلم تارك الصلاه ...!!

ولمّا
مثل قدام القاضي سأله : إنت بتصلي ؟؟ قال له : أي نعم يا سيدي ، سأله : طيب
قديش ركعه صلاة الصبح ؟؟ قال له : (14) ركعة ، فشاط القاضي من الغضب وقال
أطردوه برّه ، وهون عاتبوه ، ما احنا قلنالك صلاة الفجر ركعتين ، قال وهو
يضحك من عقولهم: إذا ب (14) ركعه ما رضي ، بده يرضى بثنتين ...؟؟!!!!!

الغزل :ـ
واحد
بقى شاطر في الغزل ، ويظل طول النهار يتغزل في مرته ، وهز شخصية جارهم
قدام مرته اللي بقى يرميها بأنعم كلمه مثل الدبشه ، والغزل هذا موهبه ،
ويوم جارهم بقول لمرته : هاتي السكر يا عسل ، قالت له مرته : سامع الحكي
الحلو اللي بفتح النفس على الحياه ؟؟؟ قولك كلمة غزل الله يقطع زريعة أمك
..!! ، قام قال الها : هاتي الحليب يا بقره ...!!!

طريق الحردانه :ــ
ووحده
بقت حردانه من جوزها ، إجا جوزها بعد فتره يترضاها تيرجع فيها على الدار
يمارسوا حياتهم الطبيعيه ، ولعل وعسى أسباب الخلاف تزول من بينهم ، المهم
اتفقوا ، واحتفال بالمناسبه السعيده عملت مرته صينية هيطليه ، وصبت على
وجهها شوية سمنه بلديه ، وقعدوا أبوها وجوزها وهي يوكلوا ، بحَرَت لقت
السمنه سايله قدام أبوها ، مسكت هالمعلقه وغرزتها بصينية الهيطليه وحزت
هالحز وهي تقول لجوزها : شوف يا فلان ، انا بدي أروح معك من هذي الطريق ،
وجرت المعلقه وفتحت للسمنه طريق اتسيل قدام جوزها ، وتابعت : ظليت مليح هذا
احنا ملاح ، بتحكي معي برجع الطريق هيذ ، ووسعت طريق السمنه اللي سالت
كلها قدام جوزها ، أبوها اللي ما خيلت عليه الحركه على أساس جدي ما بضحك
على تيس ، مسك المعلقه وقال : اسمعي إنتِ واياه ، هلقيت بتقوموا تروحوا على
داركم ، وإذا اتهاوشتوا بمسكك انت واياها وبحرككم هيذ هيذ هيذ ، وحرك
صينية الهيطليه تتوزعت السمنه عليها جميعها بالتساوي ...!!

descriptionمن حياة الفلاحين الفلسطينيين Emptyرد: من حياة الفلاحين الفلسطينيين

more_horiz



هههههههههههههههههههههههه



ما احلاها حياة الفلاحين

وعلى فكرة احسن حاجة عجبتني

الاخيرة بتاع صينية الهيطلة دي

الا بالحق شو معني صينية الهيطلة ؟


هههههههه

تسلمي يا هموسة




من حياة الفلاحين الفلسطينيين %D9%8A%D8%A7%D8%B1%D8%A8

دعوتك وسأظل أدعو لك فمن يعلم بحالى غيرك .......


من حياة الفلاحين الفلسطينيين 9777ee-5c9ac6f1d6b4

descriptionمن حياة الفلاحين الفلسطينيين Emptyرد: من حياة الفلاحين الفلسطينيين

more_horiz
مهلبية بالزبيب والسمنة البلدي

مشكور يا عبدو
صلاحيات هذا المنتدى:
لاتستطيع الرد على المواضيع في هذا المنتدى