السلام عليكم ورحمة الله وبركاته
منورين يا شباب ويابنات
دلوقتى انا عايز اتكلم معاكم في موضوع
التسرع<<<
كتير مننا بيتسرع اوى في حياته
زى مثلا اتخاذ بعض القرارات في شغله او في حياته عموما
وكمان بنسرع في كلامنا وده بالذات اللى انا عايز اتكلم فيه
طب ازاى يعنى
انا اقصد اننا ساعات مابنفكرش في الكلام قبل اما نقوله
ومابناخدش بالنا ان الكلام اللى قولناه ده ممكن يجرح مشاعر غيرنا
وهييبقى صعب انك تعتذر بعدها لأنك هتكون سببت جرح للأخرين
انت ماكنتش تقصد الجرح ده
بس ده كان نتيجة تسرعك لأن لسانك كان سابق عقلك
فكر قبل اما تقول اى كلمه لأنها زى ماممكن تعليك اووووى في نظر
الناس
ممكن بردو تنزلك لسابع ارض
فكر اذا كان كلامك ده هيزود حسناتك ويكون ليك الاجر عند ربنا
والا هيغرقك ذنوب
فكر قبل اما تغتاب ده وتسب في ده وتطلع القطط الفطسانة في غيرك
هههههههههههه
لان مش انت لوحدك اللى شايف عيوب الناس
الناس كمان شايفة عيوبك
لما تكون غضبان ومخنوق ومش طايق نفسك
اسكت احسن لأنك ممكن تقول كلام في لحظة غضب من غير ماتحس بيه
فكر وماتخليش عواطفك تتكلم عنك
اتكلم بعقلك وبعدين اوزن الكلام بقلبك لأن مش كل الناس ليها قلب
زى قلبك
ولا ليها عقل زى عقلك
ودلوقتى عايز اسئلكم
ياترى انت في معظم اوقاتك بتفكر قبل اما تتكلم؟ ولا بترمى الكلام
وزى ماتيجى؟؟
وايه رأيك في الشخص اللى لسانه سابق عقله؟ وتحب تنصحه بأيه عشان
يبطل العادة دى؟
ومع السلامو عليكو