غسيل الكيبورد

غسيل الكيبوردالسبت فبراير 13, 2010 8:42 pm

فى ليلة لطيفة كان يحومها الهدوء والطمأنينه
الجميع ملتفت لما هو مهم
كل فى مكانه يستذكر دروسه

وفجأة وبدون مقدمات

مهندس اتصالات: الكيبورد اتوسخت
رفيق غرفة1: عادى اقلبها ونفضها
رفيق غرفة2: اشترى واحده جديدة
مهندس اتصالات: معنديش استعداد دلوقتى انى اشترى واحده جديده
عباس (مازحا): حميها؟!!

وخرج عباس لبرهة ليعود ويرى مالم يكن يتوقعه حينها

عباس: ايه اللى انت بتعمله ده
مهندس اتصالات: ابدا فكيت الكيبورد علشان اغسلها
عباس: طيب يافقيق ممكن تشتغل تانى بعد العملية دى
مهندس اتصالات: الله اعلم انا اول مرة اجرب العملية دى ومسمعتش من حد انه عملها قبلى
عباس: طيب وليه تقرف نفسك يابنى انته فى بكالريوس ومحتاج الوقت اللى انت بتلعب فيه ده
مهندس اتصالات: ياسيدى ادينى بجرب
عباس: ابقى قابلنى لو اشتغلت تانى
مهندس اتصالات: ايزى بس اهو رضيت نفسى وخلاص

ذهب مهندس الاتصالات الى المطبخ واحضر ماء فى طشط غسيل ثم بدأ التشطيف المبدئى

كل من فى الغرفة: اغسلى يا أروبه
مهندس اتصالات: النهارده يوم غسيلى يافرحتى ياهنايا
عباس(مستهجنا): والله يابنى لانشر اللى انت بتهببه ده اون لاين
مهندس اتصالات: اوكى بس بلاش صور أشخاص
عباس: اتفقنا

هل تتوقعون بعد كل هذا ان تعود الكيبورد للعمل ثانية