مفيش دليل ...؟

أنا الدليل ... أنا الدم إللي سال ع الأرض ما إستكفِت
... أنا العين إللي صابها الغدر وإتصفِت ...
أنا الأم إللي حرقوا فؤادها ع الغالي
ولبست شال محَنِّي بدمه وإتدفت

أنا الدليل
أنا المخنوق بسم الغاز على الكوبري
أنا المضروب ب100 خرطوش على ضهري
أنا إللي العمر راح محنة ورا محنة
وقلت شاريكي ولا مره نفَد صبري
أنا المجني عليه واليوم بقيت جاني
وإللي قتلني بريء وعيونه نكراني
خرجوا الديابه من القفص أحرااااار
وأنا إللي لسه سجين محبوس في أكفاني
يا نكسة كات في التاريخ واليوم بقِت وكسة
يا قلوب ومتلونة بالغدر والخسِة
لو كنتوا فاكرين حلمنا ممكن يموت
متفرحوووووووووووووووش
نار القصاص والدم هتشتعل لسه




مفيش دليل؟!!! 369808544