يوم الانتخابات

3 مشترك

حبيبتى مين :: أعتـــرافـــات :: يوميات الاعضاء

يوم الانتخاباتالأربعاء مايو 23, 2012 6:02 pm

انهارده يوم محصلش فمصر من 7000 سنه
بجد عيد وفرحه موجوده فقلوبنا كلنا
تحيه واجبه لكل شخص بسببه احنا وصلنا لليوم دا تحيه لكل شهيد ومصاب بسببه احنا بنختار انهارده
كنت مبسوطه وانا رايحه المدرسه وداخله انتخب
دا بعيد يعنى عن ان الجو كان حر جدااااااااا وكان فى طابور
بس الحمد لله وصلت وانتخبت
وبعد ماخلصت لونت صباعى
بس اكتر حاجه غاظتنى يوم الانتخابات ELeBDa3_708

بعد مخلصت وطلعت واحده منتقبه مع كل الاحترام يعنى جت سالتنى انتخبتى مين ؟!؟!؟
بصتلها بازبهلال او بمعنى تانى تنحت
و قلتلها ابو اسماعيل
يوم الانتخابات ELeBDa3_717

وسبتها ومشيت

غير كدا الحمد لله اليوم عدى ع خير
يارب ربنا يكتبلنا الخير

رد: يوم الانتخاباتالخميس مايو 24, 2012 7:45 pm

هههههههههه
اة فعلا يا فيروز يوم جميل اوى حتى بصى صباعى كان لونه ازرق بعد ساعة بقى لونه بنى

واغسل فيه يا عم اطلع مش راضى يا اطلع مش راضى واغسل فى صبعى واجيب بيريل واجب برسيل

مفيش هههههههه

بس الحمدل الله انى حطيت صوتى حسيت بحرية شوية احسن من شغل الفراخ الى كنا عايشين عليه
من الاشياء الجميلة الى عجبتنى اوى انكم تبقو مايشين فى الشارع شايفين الناس كلها ناس رايحة وناس جاية زحمه اة بس حسيت انى مش لوحدى

بجد يوم جميل

رد: يوم الانتخاباتالخميس مايو 24, 2012 8:32 pm

امبارح قولت هروح النهارده وقررت امشى بعد العصر اروح
اللجنه بتاعتى جبت رقمى من على النت ورقم العيله كلها
علشان نطلع نصوت
المهم انا طالع سعيد جدا ومعايا اصلا توكيل من احد المرشحين
قد مكان اليوم سعيد قد مكنت مستفز
من الى بيحصل الاخوان
بيلمو الناس بطريقه قذره
بيستغلو جهل الناس هما وانصار شفيق
والله تحسى ان الاتنين عجينه واحده

روحت اللجنه كل محد يشوفنى ياخدنى بالحضن منا مبخرجش كتير بس حسيت انو يوم عيد
قابلنى اخ بيقولى مستنياش الميزان

قولتلو متدخل بدالى
احلى وبلاش اوسخ صباعى ولا اوجع ايدى وامضى واعلم
المهم وانا طالع
اصحابى مسكو فيا
شويه ركبت اخواتى عربيه رواحو
وانا قعدت مع اصحابى
حسيت ان ارداتنا لسا بتتزور
بس كفايه اننا خدنا خطوه وعارفين ان صوتنا ليه قيمه
كان نفسى
المتعلم يبقا بصوتبن من الاميين علشان الامى يحس بنقص
ويتعلم
يعرف انو سبب تخلفنا وجهلنا واى رئيس هيجى هيهيصو وراه عاش الملك ومات الملك
قدمنا متفائل ببكرا
قد منا حاسس بانكسار فى تزوير ارداه الناس الغلابه واستغلالهم

ربنا يولى من يصلح
على فكره موضوعك
حلو اوى يافيروز
تسلمى بجد