دخول


descriptionكلمتين لمصر Emptyكلمتين لمصر

more_horiz
ل عين تعشق حليوة

وإنتي حلوه ف كل عين

يا حبيبتي

قلبي عاشق

واسمحي لي

بكلمتين

كلمتين يا مصر يمكن

هما آخر كلمتين

حد ضامن

يمشي آمن

أو مآمن يمشي فين ؟

شابه يا أم الشعر ليلي

والجبين شق النهار

والعيون

بحرين أماني

والخدود

عسل ونار

واللوايي فى إبتسامتك

يحكوا أسرار المحار

يا للي ساكنه القصر عالي

إمتى يهنا لي المزار

كلمتين يا صبيه


طال على الانتظار

كلمتين يا مصر يمكن

هما آخر كلمتين

حد ضامن

يمشي آمن

أو مآمن يمشي فين

قصرك المسحور غيلانه

أغبي من دود الغيطان

بعد مص الغصن لاخضر

ينحتوا عضم العيدان

وإللى خلا الارض خضرا

وإللى خلا الدار أمان

عاش بجوعه ملو جوفه

مات بخوفه م الغيلان

روح الغلبان ما قالشي

عن شقا العمر إللى كان

كلمتين لمصر يبقوا

هما آخر كلمتين

حد ضامن يمشي آمن

أو مآمن يمشي فين

آدي كلمه من عذابي قلتها لك

باقي كلمه


من حنيني صنتها لك

فى الضلوع من دنيا ظالمه

كنت خايف يلمحوها

يقتلوها ف سكه ضلمه

شقشقت والنور بشاير

زهرة الصبار يا سلمى

يا نسيم الشوق يا طاير

خد لمصر الصبح كلمه

طول ما يبقي الركب ساير

بالبصاير والعنين

يبقي ضامن

يمشي آمن

يبقي شايف

يمشي فين
4125451425 [u]

descriptionكلمتين لمصر Emptyرد: كلمتين لمصر

more_horiz
كلمتين لمصر Get-6-2010-qnnelo53


كلمتين لمصر Ta3melbyotcu3dg3

كلمتين لمصر Jb13120944831
صلاحيات هذا المنتدى:
لاتستطيع الرد على المواضيع في هذا المنتدى