دخول


descriptionأنتى مرتبطة.؟! طب بتحبي في قصة حب ؟! Emptyأنتى مرتبطة.؟! طب بتحبي في قصة حب ؟!

more_horiz
أنتى مرتبطة....؟؟؟؟؟
******

للى مش عارفه معنى الكلمة ..أحب أوضح أكتر..

كلمة مرتبطة معناها
إن البنت بساطة بتعرف شاب غالباُ بيكون فى السر
و بيكون بينهم ما يسمى بعلاقة عاطفية

و ممكن يتقابلوا و يخرجوا كمان..
اه عادى و ماله


******


و ايه المشكلة لما تتقابل بنت مع ولد و يخرجوا؟

إذا كانت مش عاملة حساب لربنا ..
حتعمل حساب لأهلها؟؟


******


أنتى .... منزعجة من كلامى؟
هو انا بقول حاجة غلط لا سامح الله؟

آآآه انتى مافهمتيش قصدى لما قلت مش عاملة حساب لربنا صح؟

طيب أنا حوضحلك


******

هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟

مش عاوزة تردى عليا؟

تحبى أرد عليكى انا؟

حرد عليكى و لكن بكلام ربنا اللى شايفك و مضطلع على كل افعالك

قال تعالي : { بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ... }
(إلى أخر الآية فى سورة
النساء:25)
ها..عرفتى الرد؟


******


المسافحات يعنى اللى بيرتكبوا فاحشة الزنا

و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر من ورا أهلها

يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان..

عرفتى حجم الغلط بتاعك قد ايه؟


******


طيب انتى قريتى كلام ربنا فى الآية الكريمة

قال تعالي : { وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا } الإسراء:

لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا


******


ده يعنى ايه؟؟

يعنى نبعد عن الأسباب اللى تؤدى إلى الزنا علشان لا نقع فى الزنا

طيب يا ترى ايه الأسباب اللى تخالينا نقع فى الزنا؟؟

أفندم؟؟

انتى حتعملى نفسك مش عارفة؟

هو انتى بتعملى ايه زيادة عن اللى مكتوب؟


******


أيوة طبعا حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية

مش بتخضعى فى القول ؟
يعنى بتكلمى بدلع معاه...
ما تنكريش و خالليكى صريحة مع نفسك

و لما يسمع صوتك و انتى بتدلعى بيطمع فيكى و زى ما ربنا قال

قال تعالي : { فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا }


******


تعرفى يطمع فيكى يعنى ايه؟


يعنى شهوته تقوم عليكى لانك بتشجعيه على كده

طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟

إهدى بس شوية و اسمعينى لحد الآخر و ماتكابريش آآآه عارفة ..الجرح لما حد بيلمسه.. بيألم !


******


لما بتخرجوا مع بعض مش بيحاول يمسك إيدك ؟

طبعا فى مناسبات كتير لكده..بيعديكى الشارع مثلا؟

ها.. حصل مش كده؟

كل اللى بقوله ده و مش شايفة أى أسباب تدعو للزنا فى المستقبل؟


******


ده حتى الحكمة بتقول نظرة..فابتسامة..فموعد..فلقاء

مش ماسكة إيد و كلام بدلع؟؟!!



كل اللى بقوله ده و مش شايفة أى أسباب تدعو للزنا فى المستقبل؟


******

طيب تعالى بقة نجمع الكلام كده و نلخصه و نبص للصورة من بعيد

إنتى تعرفى شاب من ورا أهلك؟؟

بتكلميه بدلع و بيحصل بينكم كلام غرامى فى السر

بتخرجوا سوا و ساعات بيمسك اديكى أو على الاقل بيلمسها

يا ترى عندك تعليق على الكلام ده؟

قال تعالي : { مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ }


و انتى متخذة خليل فى السر

قال تعالي : { فَلَا تَخْضَعْنَ بِالْقَوْلِ }


******

و انتى بتكلمى معاه فى كلام غرامى من نوعية بحبك وحشتنى !!

دلوقتى بقة فهمتى لما انا قلت من شوية انك مش عاملة حساب لربنا؟

كان عندى حق مش كده؟

عارفة... الولد اللى تعرفيه ده لو كان فعلا ابن ناس و محترم و مؤدب و بيحبك

زى ما هو مالى دماغك كان عمل ايه؟

كان قالك إحنا لازم علاقتنا تكون فى النور

و ماينفعش نكون فى السر من ورا أهلك...انا لازم أخطبك

لكن طبعا هو مش فى دماغه كده..إذا كان قدر يوصلك و بيسمع الكلام اللى بيحبه

و ضحك و دلع يبقى ياخد خطوة رجالة ليه بقة؟

******

طيب أقولك على معلومة حتضايقك أوى ؟

الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى

عارفة ليه؟

لإن بالمعاير الواقعية أخته أغلى منك عنده

مهما قال و ضحك على عقلك بكلام معسول .. انما الواقع حاجة تانية

******

شايف فى عنيكى سؤال بيقول بس إزاى حتجوز واحد من غير ما يكون بيننا حب؟

عاوزانى أرد عليكى؟

انتى تعرفى القاعدة اللى بتقول ما بنى على باطل فهو باطل؟

إنتى عندك علم إن أكتر من 70% من اللى بيدخلوا فى علاقة غير شرعية قبل الزواج (مرتطبين عاطفيا) بيحصل بينهم طلاق؟

من ضمن الإحصائيات الكتيرة فى الموضوع ده

فى أستاذ فى علم الإجتماع فى فرنسا إسمه الدكتور سول جور دون

عمل دراسة ميدانية و توصل إلى نتيجة صادمة
حوالى 85% من الزيجات اللى تمت عن طريق علاقات غرامية قبل الزواج انتهت بالطلاق !!

بينما لا تتجاوز تلك النسبة ( 5 % ) في الزيجات التقليدية التي تعتمد على العقل
والتريث ولا تستند الى الإندفاع العاطفي فتنهار عند أول منعطف ..سبحان الله

دى نتيجة بحث من متخصصين فى مجال علم الإجتماع

يعنى بإختصار شديد انتى بتعملى غلط بيغضب عليكى رب السموات و الأرض

و علاقتك دى ربنا لا يبارك فيها

بل غالباً ما سوف تنتهى بفشل ذريع و مؤلم و لو مش مصدقانى افتحى عنيكى كويس

و شوفى الناس و اعرفى اخبارهم حتسمعى قصص كتيرة أوى غرام و حب و كلام من ده و فى النهاية

نكد و قرف و خناق و طلاق فى سنوات الزواج الأولى
(فى خلال 5 سنوات)
عادةً

تعرفى ليه؟؟... لسببين


أولاً.. لإن ربنا لا يبارك فى علاقة غير شرعية و يكون الجزاء من جنس العمل

ثانياً .. علاقات ما قبل الزواج تكون مبنية على أقنعة كاذبة و ردود أفعال معظمها مصطنع غير صادقة
لشخصية الطرفان مهما كانت درجة العلاقة و بينخدع
الطرفين و بيعتقد إن دى الشخصية الحقيقة و بيفتكر انه يعرف كل عيوب الطرف التانى

و لإنك مش عايشة معاه و لا تعرفى حاجة عن عيوبه إلا اللى ظاهر منها..و ما خفى كان أعظم

******

و طبعا بيحصل الصدمة فى الزواج بعدها لان العِشرة بتبين
اللى دايما كان بيبقى مستخبى عنك فى الشارع أو الكافيه اللى كنتوا بتقابلوا فيه.
لإنه مش بيظهر ليكى غير اللى هو عاوزك تشوفيه او تعرفيه عنه

******

يقول د. سول : إن الإندفاع العاطفي يعمي عن رؤية العيوب ومواجهتها ويوهم الشاب والفتاة أن الحب يصنع المعجزات بينما يعمل الطرفان في الزواج
التقليدي على انجاح ارتباطهما ويعرفان أن الزواج مسؤولية وأعباء وتسامح وتنازل ،

في الوقت الذي يعتقد العاشقان أن الزواج رحلة حب لا نهائية تخلو من المشاكل

******

لو بتحبى ربنا اقطعى علاقتك بالشاب ده و استغفرى لذنبك و ربنا غفور رحيم

و الشاب ده لو محترم بجد حيخبط على بابك و يخطبك زى الرجالة من أهلك..

أنا بقول الكلام ده لإنك غالية ..و شايفك مش حاسة بقيمتك لإنك لو حاسة فعلا بقيمتك

كنتى قولتى لنفسك أنا جوهرة غالية ماحدش يقدر يقرب منها

إلا راجل واحد بس يستاهلها.. زوجى.

و افتكرى كلام ربنا

قال تعالي : { يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ }


ما تنزعجيش من كلامى بس فعلا انتى كنتى محتاجة اللى يفوقك من اللى انتى فيه
واحد يكون كلامه مباشر من غير دبلوماسية و مجاملة
و ربنا يهيدكى و يهدينا جميعاً إن شاء الله

بقلم الاخ : أحمد يسرى

******


المقال للنشر فى جميع الصفحات لتعم الفائدة إن شاء الله

....

ها شايفين المقال بقلم احمد يسرى .. يعنى رجل اللى كتب المقال !!

يعنى دى نظرة الشباب لينا ..

يعنى كل بنت لازم تعرف انها جوهرة ثمينة ..

ولازم .. لازم ..

تبعد عن اى شاب .. مرتبطه بيه

لو بيحبك بجد ..

هيقولك فين طريق ولى امرك ..

فين اهلك ..

فين الناس اللى بيخافوا عليكى اكتر من نفسهم ..

اصحى قبل ما يجى وقت تموتى من الصدمة فيه




اخت تريكا
فتاه الرحمان




تـمر ] اللحظـة بغيابك ..
                          عشر سـاعات ..
   
وعشر سآعات e]بحضورك ]
                                       .. مثل لحظـة ..



 اللــــهَم "
   إنَك تَـرِآه , وآنآ لآ آرَآه ..
   
        فـ إنِ رأيتَـه فرِحاً / فـ أتممِ عليَه فرحتِه
   

وإنِ رأيتـهُ مهوُماً / فـ فرِج هممممهِ



”~
تدريّ متىَ آ̷̷حس أنهإ
 ضّإقت بيا
   
               يوُم آدري ٱنَ آلدنييآ ضآيقققه بيگ . .
   وُ مَ ب يديّ حيله

descriptionأنتى مرتبطة.؟! طب بتحبي في قصة حب ؟! Emptyرد: أنتى مرتبطة.؟! طب بتحبي في قصة حب ؟!

more_horiz
الله ينور عليكي يا فتاة لو كنت داخلة من حساب تريكة طبعا

وينور عليك يا مصطفى لو انت برضو كتبت الموضوع
اقصد نقلته


عجبتني نقطة مهمة
مع انو كله عجبني

طيب أقولك على معلومة حتضايقك أوى ؟

الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى

عارفة ليه؟

لإن بالمعاير الواقعية أخته أغلى منك عنده

مهما قال و ضحك على عقلك بكلام معسول .. انما الواقع حاجة تانية


لو كل بنت فكرت كويس في الحتة دي ما كانت قربت اصلا من اي شاب مهما كانت المغريات

الموضوع كبير والعبرة اكبر بكتير

الله ينور قلبك يااااااااااارب

descriptionأنتى مرتبطة.؟! طب بتحبي في قصة حب ؟! Emptyرد: أنتى مرتبطة.؟! طب بتحبي في قصة حب ؟!

more_horiz
من اروع ما قرات



بجددددددددد تسلمىىىىىىىىى عالموضووووووع ده
وجزاكى الله كل خير
وعندك حق فى كل كلمه
وربنا يبعدنا عن كل شئ وحش يااااارب

وانا بقرا والله كنت مستغربه ان ده موضوع مصطفى هههههههههه
معلش بقه يا مصطفى بس انا صريحه

تسلم ايدك يا زوزو


أنتى مرتبطة.؟! طب بتحبي في قصة حب ؟! 1324314631862
أنتى مرتبطة.؟! طب بتحبي في قصة حب ؟! 1324314631341 أنتى مرتبطة.؟! طب بتحبي في قصة حب ؟! 36_3_14

alt
I Love You

descriptionأنتى مرتبطة.؟! طب بتحبي في قصة حب ؟! Emptyرد: أنتى مرتبطة.؟! طب بتحبي في قصة حب ؟!

more_horiz
أنتى مرتبطة.؟! طب بتحبي في قصة حب ؟! 4aa4d2f3203fe1181604aa4d2f3207f50


أنتى مرتبطة.؟! طب بتحبي في قصة حب ؟! Ta3melbyotcu3dg3

أنتى مرتبطة.؟! طب بتحبي في قصة حب ؟! Jb13120944831
صلاحيات هذا المنتدى:
لاتستطيع الرد على المواضيع في هذا المنتدى