هحكى موقف حصل لصاحبى
و انا قلتله رأيى .. و عاوز اعرف رأيكم !
واحد و واحده بيحبوا بعض
روحهم ف بعض و بينهم حاجات كتير
ف يوم من الايام عملوا خلاف عادى جدا
بيحصل اكتر منه بكتير بين الاحبه ...
فضلوا يومين ميكلموش بعض ولا يعرفوا حاجه عن بعض
حصلت مشاكل كتير للولد ف اليومين دول
و اعصابه كانت بايظه ع الاخر
و اما رجع بعد اليومين يكلمها
ترد عليه و بكل برود و تقول ...
اهلى غصبوا عليا انى اتخطب !
امى تعبت و كانت هتروح مننا !
كان لازم اقبل و اوافق
الظروف اقوى منى
العريس جه و شافنى و خلصنا كل شئ
فاضل الرسميات بس !!!
طبعا الولد سمع دا ف وسط الى هو فيه
ف الاول ضحك و خد الموضوع بهذار
و قعد يحاول معاها و يقفش انها بتشتغله
لكن كل مدى كانت بتأكدله جديه الموضوع
بعد كدا لما لقاها بتتكلم بجد فعلا
اتصدم و مقدرش يتمالك اعصابه
قفش و شتم فيها و لعن الحب و لعنها
و كانت مكالمه فيها تهذيق اد كدا ليها
و الى يغيظ انها كانت بتتكلم بكل برود
و مقدرتش الولد الى معاها و لا ظروفه الحاليه !
و ف اخر المكالمه لما قاللها
متتصليش ع الرقم دا تانى و انسى انك تعرفينى
روحى لخطيبك يا خاينه يا غداره
تخيلوا تقولوا إيه !!!
بهذر معاك يا حبيبى عشان اشوفك هتعمل ايه
و مفيش اى شئ حصل و لا حد خطبنى !
بس كويس انى عرفت رد فعلك
و متهيألى برده كدا مينفعش نكمل !!!
بعد الكلام الوحش الكتير الى قلتهولى !
هل الولد يحاسب ع اى كلمه قالهالها ف الوقت دا !
تفتكروا دى يترد عليها بإيه !
هو ف هذار ف الكلام دا !
خصوصا انهم راجعين من ذعل و الاعصاب مش مستحمله !
يا ترى مين الغلطان فيهم !
لو علاقتهم باظت .. مين السبب !
العلاقات بتبوظ و تضعف من الكلام الى ذى دا
ليه نأثر ع قصه طويله بحوار تافه
تحت اى مسمى ملوش لزوم !