ايه الاخبار .. ؟
يارب الكل يكون بخير
رمضان كريم يا جماعه
وكل سنه وانتوا طيبين
موضوع كدا فى السريع قبل رمضان
فى اليومين اللى فاتوا حصل معايا اكتر من موقف
خلانى افكر اعمل الموضوع دا
من 5 ايام كدا
كنت خارج مع واحد صاحبى فا لقيته ماشى باصص فى الارض
بقوله مالك يا على
قالى انا زعلان منك يا مصطفى
قولتله ليه بس يا صاحبى
قالى عشان مش ملتزم
فا قولتله ازاى يعنى .. !!
قالى يعنى بتخرج وبتسهر وبتلعب وناسى ربنا
قولتله لا يابنى دا انا بصلى
قالى الصلاه مش كل حاجه انت لازم تقرب اكتر من ربنا
قولتله عشان رمضان يعنى .. ؟
قالى لا من قبل رمضان لازم تبقى كويس وتتعدل كدا عشان حرام اللى بتعمله فى نفسك
لازم تقرب من ربنا بقى بجد
طبعا علوه كبر فى نظرى واحترمته جدا وقولت والله هحاول انفذ اللى قالى عليه
تانى يوم بسال الرجاله عليه يقولولى علوه فى كباريه
فين يا جدعان .. !!
فى كــــبـــــاريــــــه
بلاش علوه
امبارح بليل كنت مع واحد تانى اسمه مصطفى
وقاعدين لا بينا ولا علينا
جاتلى رساله من اللى مرتبط بيها فا عادى يعنى شوفت الرساله وحطيت الموبايل ف جيبى
لقيته بيقولى دى منها صح .. ؟
قومت ضحكت
قالى حراااااااااااااام يابنى حراااااااااااااام
قولتله صلى ع النبى بس يا درش فى ايه
قالى بتكلم بنات يا مصطفى .. !! بتكلم بناااااات .. !!!!!
قولتله لا وربنا هى واحده بس
طبعا ادانى درس مواعظ وحكم
واقتنعت شويه بكلامه
جينا النهارده الصبح بتصل بيه مش بيرد
قومت مكلم واحد تانى صاحبنا بقوله مصطفى فين يابنى .. ؟
قالى بيقابل
قولتله نعم .. ! بيقابل مين .. !!
قالى هايكون بيقابل اخته يعنى .. ! بيقابل اوكشه معرفه كدا
طبعا اتصدمت
من المثالين دول اكيد فهمتوا الموضوع بيدور حوالين ايه
الناس دلوقتى بقت كلها حكيمه
وكلو بيدى نصايح
وتيجى تشوف اللى بيعمل كدا دا بيعمل بالنصيحه اللى بيقولك عليها .. ؟
لا
يعنى انا بكلم بنت وانت بتكلم بنت
تيجى تقولى ماينفعش كدا وابعد عنها
اقولك ماشى
طب انت بتكلم بنات ليه .. !!
نفرض انا بعيد عن ربنا
ييجى واحد يقعد يقولى لازم تقرب من ربنا وحاول تصلح من نفسك
عشان الطريق اللى انت فيه دا نهايته مش كويسه
اقوله ماشى
اجى اشوفه واتابعه الاقيه مابيعرفش يصلى اصلا .. !!
واحد ييجى يقول ماتلعبوش ببنات الناس
وحرام ولو ليك اخت ماترضاش يحصل فيها كدا
اقوله ماشى يا حيلتها
اجى اشوفه
الاقيه ليه سوابق وضحك على بنات كتير وعيشهم الوهم تحت مسمى الحب .. !!
من الاخر اللى بيته من ازاز
مايحدفش الناس بالطوب
اعرف انت بتتكلم عن ايه
وشوف انت ايه من اللى بتتكلم عليه
وماتخليش غباوتك تعميك ومش اى جيبه تمحيلك عقلك
ركز كدا يا بومبو وشوف اللى انت بتعمله دا صح ولا لا
وخلى بالك من سنك وانك كبرت ع الحركات القارعه دى
الحوارات دى مش بتاعتك انت ومش سنك
خليك فى حالك احسن
عشان المره الجايه
مش هاتكلم كتير
واى حد ينصحنى الا انت يا كرومبه
دا لو انا فيا اصلا اللى انت بتطلعه عليا
ولــــســـه الــــلــى جــــاى احــــلـــى
الاسئله
ايه رايك فى الناس دى .. ؟
اتعاملت مع منافقين قبل كدا .. ؟
خليك صريح شويه .. حاولت تنافق قبل كدا عشان تتجمل .. ؟
لما بتعرف ان فى حد كان بينافقك بيكون ايه رد فعلك .. ؟
وكل سنه وانتوا طيبين جميعا