عشانك يا غاليه عبرت خوفي وهمي
عديت كل الحدود
قبل النهارده جيت
يوم الثوره العظيم....ثورة شباب شجعان
نديت بأعلي صوت.....بحبك يا أمي
وحبك في دمي وروحي وكياني
خوفي عليكي صحاني....وصحي كل اخواتي
اهلي وصحابي.... جيراني
الكل في لحظه قام....بعد غفلة سنين
ما كلهم ولادك
راضعين لبن حنانك
عايشين في حضن أمانك
مدفين في شالك....ومن نيلك شاربين
وخرجنا ايد في ايد...نحارب الفساد
وعشانك اتعاهدنا عن كل حته فيكي بدمنا نفديكي
ويومها اتفقنا ما نرجع الا بيكي
شايلينك فوق كتافنا وبنهتف مصرنا
بلدنا....أمنا
حبيبتنا كلنا
بروحنا ودمنا
نحميها....تعيش لنا
ولولدنا بعدنا
ونحررك يا امي م الظلم والعدوان
م القهر والطغيان
ومن فساد السلطه
ومن فساد الزمم
خارجين عارفين يا امي ان فينا الشهيد
ان فينا المفقود
خارجين شايلين كفنا....ولا شئ في الكون هاممنا
عايزين ناخد حقوقنا....وحقك قبلنا
ونعيش جوا بلدنا
بحريه وامان
وشبابك الثوار....وولادك الاحرار
بيهتفوا باسمك..... منهم من لبس علمك
ومنهم مات يا امي في سبيل حريتك
شهداء الارض الطاهره....دمائهم في الميدان
يشهد بيها الزمان
وعلي مر الاجيال....تفضل صورة ولادك الشجعان
ضحية الاحتيال....ضحية الفساد
ضحية عدم الامان
يا بلدي لو هموت..... عشانك مستعده
ولا يوم تتألمي
عشتي يا بلدي حره
وعاشو ولادك الشجعان
ارفعي راسك يا غاليه
أن اوان النصر أن
سينا
