دخول


descriptionرسالة شهيد ... لوالديه ...  Emptyرسالة شهيد ... لوالديه ...

more_horiz

رسالة شهيد ... لوالديه ...  PwgredroseWead
متزعلش عشاني يابا وانتي يامه وحياتك متبكيش
والله مكنت رايح قاصد الموت ولا فكرت فيه
انا نيتي كانت خير لينا كلنا لمصرنا
لشعبنا الطيب الغلبان اللي اتحمل فوق ميتحمل انسان
سنين طويلة
واحنا بنجر في رجلينا وبنتعذب ولا حد داري بينا
كان نفسي اشوف مصرنا حلوة احلي من اي مكان في الدنيا
والانسان فيها له قيمة له كرامة
ميتهنش بره وجوه يابا
كان نفسي احرك ولو طوبه
من جدار الخوف اللي انسجنا جواه
واطلعه من جوف الجوف
وأمشي وراه
عارف يابا
انا كنت كتير اووي بحس اني مش محسوب
مليش وجود اسم علي ورق
شبح ماشي من ضمن الماشيين
كنت بخفي روحي مني في أي كلام
في اي هجايص تشغلني وانا تعبان
كنت بهرب من نفسي علشان تمشي الأيام
ومكنتش عارف رايحه لفين
شايف كل اللي قدامي سراب
كل احلامي علي الورق
اللي اتحرق من كدبي عليه
من عجزي عن تصديق نفسي
في اي امل يفتح بس عينيه
افرحلي يابا وانتي يامه زغردي
دمي مرحش هدر
أنا دلوقتي سعيد
انا بحبكم اووي يابا وبحب امي اووى واخواتي واصحابي وولاد حتتي
والناس اللي شفتهم حواليا في لمتنا الغالية
في وقفتنا اللي اتخطفت منها بدري
بس بعد ماحركت الطوبة
ورفعت راية بلدي
عاشت مصرحرة
وفداها دمي
سينا


رسالة شهيد ... لوالديه ...  31385568
رسالة شهيد ... لوالديه ...  128874263111

descriptionرسالة شهيد ... لوالديه ...  Emptyرد: رسالة شهيد ... لوالديه ...

more_horiz
نحسبهم عند الله شهداء

ضحوا من اجل رفع رايه الحق

ولكن مازلت عند رأيى , هناك المنافقون اللذين يرقصون على دمائهم

واخشى ان نخرج من الفساد الحكومى الى فوضى الشارع المصرى

رسالة شهيد ... لوالديه ...  Sigpic77338_10


رسالة شهيد ... لوالديه ...  Ta3melbyotcu3dg3

رسالة شهيد ... لوالديه ...  Jb13120944831
صلاحيات هذا المنتدى:
لاتستطيع الرد على المواضيع في هذا المنتدى