كــــبرت وفكيت الضفيره
لبست الكعب العالى والجيبه والبلوزه
فرحت بنفسى وانوثتى
كبرت يا دنيا كبرت
بس نسيت اخد مصل البروده
ليه يادنيا ليه !!!
الاخ بيبيــــع اخــــوه
والصـــديــق بيخــون صديــقه
والحبيب بيبيع ويخون ويغدر ويهجر حبيبه
ليه يادنيا ليه !!!
كنت ليك ملهوفه سعيده
وقلبى ليك مفتوح
ليه يادنيا ماتت القلوب
وضاع الامان فيك
كنت بحلم بيك يادنيا وانا طفله بريئه
كنت بحلم تضمينى وبالحنان تخدينى
واحس معاك الامان
واتريك حلم وخيال لطفله بريئه
حلم وخيال الطفوله
ياريتنى ارجع بضفيره
