حرية اكتر من كده ..جامدة هاهاهاه

من طرف جامد قوى في الجمعة أكتوبر 29, 2010 5:55 am

لسنوات طويلة كنا نظن ان هامش الحريه فى مصر اكبر من باقى دول المنطقه فقط ، ولكن اليوم ثبت انك تتمتع بحريه اكثر من كل الدول العالم ، والا فاذكر لى مكان واحد فى العالم تتمتع فيه بالحريات التالية
• تستطيع ان تركن سيارتك فى اى مكان على الرصيف الايمن او الايسر او حتى فى منتصف الطريق اذا كنت مستعجلا، لن يعترض احد على حريتك فى اغلاق الطريق حتى لو تعطلت مصالحهم ، لانهم اعتادوا ان يفعلوا مثلك كثيرا!!

• تستطيع ان تركن السيارة طوليا او عموديا او بالورب ، والكل سعيد بالحريه

• تستطيع ان تركن صف اول او تانى او تانى مكرر....... برحتك، حتى لو كنت راكن صف تالت وقفلت على حد مش مشكلة ما هو كمان راكن صف تانى وقافل على حد راكن صف اول ، والصف الاول راكن وقافل على الناس اللى راكن على الرصيف ! حرية ياراجل!

• للسيارات حريه الركن على الرصيف –والسير عليه احبانا – وللمشاة حريه السير فى منتصف الطريق-والوقوف او الجلوس او المسامرة لو ارادوا ، تقدر تعمل كده فى امريكا ان شاء الله اللى هى بلد الحريه؟؟؟؟؟؟؟؟؟؟؟

• للتاكسيات او الميكروباصات حريه الوقوف فى اى لحظه و فى اى مكان من الطريق لالتقاط راكب طائش، سواء على جانب الطريق او فى منتصفه، او مطلع كبرى او منزل نفق ، وكل الشارع بيحترم حرياتهم فى البحث عن لقمه العيش.

• وطبعا سر هذا الاحترام هو تمتعهم بحريه استخدام قاموس الشتائم اللذيذ، وبردوا محدش بيعترض على الحريه دى ، ولو حاولت تودى واحد منهم القسم وتقول لحد هناك ان السواق قليل الادب وبيستعمل ألفاظ ابيحة، حيقول لك : معلش يا توتو اصلهم سواقين ولا.................. وتسمع كلمه العن من اللى قالها السواق.

• تستطيع ان تستمتع ببعض حريات سائقى الميكروباصات ، فيمكنك ان تقف فى اى مكان فجاءة وتفتح باب سيارتك على وسعه وتنزل واحد صاحبك علشان لقى كشك عاوز يشترى منه علبه سجائر او باكو لبان بيطرقع !

• تستطيع ان تسير فى اى حارة من حارات الطريق او بين اى حارتين ، وهو انت بردوا وش حوارى

• لو انت صاحب محل او كشك تقدر تفرش بضاعتك على الرصيف ، ما انت بردوا اولى من العربيات وكمان انت حر تمنع الانتظار امام محلك او تسمح بيه حسب حالتك المزجيه ، او تقل دم سواق العربيه اللى هتركن ، يعنى لو بنت كويسه ومش مرتبطه يكون افضل !

• تستطيع ان تنحرف يمينا او يسارا فى اى وقت تشاء دون ان تزعج نفسك بحكايه الاشارات والكلام الفارغ ده

• تستطيع ان تسير فى الحاره اليمنى من الطريق علشان تدخل شارع شمال، لان كل العبط اللى داخلين شمال بيقفوا فى الشمال فى صف طويل ، لف انت حواليه وعدى قبلهم.

حرية اكتر من كده

موضوع جميل اوى يافؤش وتسلم عليه
وتقبل مرورى

من طرف **abdo** في الجمعة أكتوبر 29, 2010 7:53 pm

اية يابني دة

دا انت قطعت اصحاب السيارات في مصر والعالم العربي

وعلى المقيمين خارجها مراعاة فروق التوقيت

ههههههههههه

مش قوي جدا ياجامد قوي

ههههههههه

منور ياحبيبي

من طرف **βěβǿ** في السبت أكتوبر 30, 2010 8:43 am

ههههههههههههه
تسلم يا معلم

من طرف **سينا** في السبت أكتوبر 30, 2010 4:52 pm

• لو انت صاحب محل او كشك تقدر تفرش بضاعتك على الرصيف ، ما انت بردوا اولى من العربيات وكمان انت حر تمنع الانتظار امام محلك او تسمح بيه حسب حالتك المزجيه ، او تقل دم سواق العربيه اللى هتركن ، يعنى لو بنت كويسه ومش مرتبطه يكون افضل !

هههههههههه
جميل اوى الموضوع دى

تسلم يا جميل والله

حرية اكتر من كده ..جامدة هاهاهاه

حرية اكتر من كده ..جامدة هاهاهاه

رد: حرية اكتر من كده ..جامدة هاهاهاه

رد: حرية اكتر من كده ..جامدة هاهاهاه

رد: حرية اكتر من كده ..جامدة هاهاهاه

رد: حرية اكتر من كده ..جامدة هاهاهاه