مهند : يرجع من الشركة .. يروح لـ نور .. يبوس راسها .. وبحنان يحضنها .. زى عصافير الجنة .. يقولها : ( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )
الشاب المصرى : يرجع من العمل .. يروح لـزوجته .. وهو مكشر والشمس واكله راسه .. يخش على زوجته لا سلام ولا كلام .. يغير هدومه ويحدفهم على السرير او على الشماعة .. ويزود برودة المكيف ان كان موجود لو مش موجود يزود سرعة المروحه
مهند : نور حامل .. يا سلام على الدلع ! خايف عليها من نسمة الهوا .. ويقولها : ( كلّي حبيبتي عشانك وعشان ابننا ! وديري بالك على صحتك .. وما تزعلي ابـــداً عشان البيبي ما يزعل
الشاب المصرى :مرات المصرى حامل ! وياعينى المسكينه بتتوحم على تفاح احمر .. يروح يقولها : ( اووووووووفففف !! شوفي ما تزنيش فوق راسي !! ابلعي التفاح الاخضر وانتي ساكته .. مش لازم احمر ! اهو كله تفاح .. ما تتأمريش عليا وحياة ابوكى )
مهند : طالع مع نور السوق يشترون لهم هدوم ودار الحوار التالي
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتيك شو حلوه !
الشاب المصرى : طالع مع زوجته السوق .. لم يدر بينهم اى حوار .. ليه ؟! لانه هو يمشي قدام .. وهي وراه بتجرى .. وكل اللي قاله ( بسرعه خلصي .. يلا بسرعه عايز الحق شوبير قبل ما ينهى البرنامج ) !
مهند : قام من النوم نص الليل .. ما شاف زوجته جنبه .. قلق عليها .. فراح يدورعليها .. ولقاها رايحه تشرب مايه بالمطبخ .. قال لها ( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )
الشاب المصرى : قام من النوم فى نص الليل .. ما لقاش مراته جنبه اقعد ينادى عليها
يصرخ ويقول : ( مناااااااااااال انتى فين يا مناااااااااااال مناااااااااااال ما تردى عليا ردت الميه فى زورك مناااااااااااال الهى تكسر رقبتك ياشيخه انتى رحتى فين؟؟!!
خليتي باب الاوضه مفتوح نص سنتيمتر .. وادى الهوى بتاع المكيف كله طلع برا والدنيا بقت حرررر .. انتى مش بتحسى .. دمك بارد .. الله ياخذ اليوم اللي اتجوزتك فيه ) ..
مهند : قاعد يقرا كتاب .. وفجاه نور جايه .. لابسه فستان جديد ..
وصار الحوار الاتى
نور : حبيبي شو رأيك بالفستان الجديد ؟!
مهند : بيجنن عليكي ! هياكل منك حته
الشاب المصرى : قاعد يشوف مباراه الاهلى والزمالك و زوجته فرحانه بالفستان الجديد .. وعايزاه يشوفها .. عدت من قدامه عشان يشوفها
وصار الحوار الاتى
الزوج : قوووووووووووومي قامت عليكى حيطه ! انتى مش شايفانى بتفرج على الماتش ؟!
الزوجه : حبيبي مالك .. كنت عايزاك تشوف فستاني الجديد .. ايه رأيك ؟!
الزوج : جيتى خربتى عليا الماتش .. عاجبك كده ادينى ما شفتش الجون لما دخل كله منك !
الحمد لله اني اول واحد ارد عليكي واقولك جميل جداا جداا مع اني شاب مصري بس تعليقتاك جميله اوي وعجباني بعيده كل البعد عن اساس الموضوع علشان لو هبص للموضوع نفسه يبقي هموت مهند ده خالص علشان انا مش اسيب مهند في التلفزيون القيه في المنتدي ولو اعرف انو هيكون موجود معانا هنا مكنتش داخلت هنا بس برافو عليكي يا رنيا جميله اووووي