مناقيش بالزعتر...سهلة ولذيذة

اولا السلام عليكم عليكم

تانيا

اليوم خطر ببالي موضوع وطبقته بالبيت وكنت بدي اصورو وانزلو بالقسم هون بس قلت بيني وبين حالي

بلا فضايح يا هموسة ههههه

المهم اتمنيت تاكلو معي اللي اكلته

جيت على جوجل وكتبت مناقيش بالزعتر

ودورت ولقيت موضوع جاهز من موقع فلسطيني بحبه كتير

المهم خدو الموضوع المنقول

المقادير:

طبعا عملت مقدار نوعا ما صغير مو كتير ...

كاستين طحين...ملعقتين كبار حليب بودرة...ملعقة كبيرة سكر....

ملعقة كبيرة ملح..ملعقة كبيرة بس مو مليانة كتير خميرة فورية...

ملعقتين كبار لبن زبادي... ربع كاسة زيت...تقريبا تلتين كاسة مي

دافية للعجن أو حسب التقدير ... وفيكن تضاعفو الكمية لو حبيتو...

الطريقة :

نعجن كل المقادير سواء ليصير عنا عجينة متماسكة وبنغطيها كويس وبنتركها لتختمر ...

وهاي خلطة الزيت والزعتر ..(بخلطهم سوا وبعدين بحطهم أسهل )..

وبعدين بنقطعها دوائر حسب الحجم اللي بدنا ياه وبنرقها شوي وبنحشيها زيت زيتون وزعتر ...

وهيك بعد ما نحط عليها الزيت والزعتر..

وهيك بتكون الصينية جاهزة للخبز وبيكون الفرن حامي ...

وهيك بيكونو لما استوو منيح ..

وهدول كمان بس عملتن كبار شوي..

وأحلى شي مع المناقيش مج شاي بالنعنع ...

إن شاء الله تكون عجبتكن ..وأتوقع إنو ما في حدا ما بيحب المناقيش

وجبت كمان شوية صور لفتح الشهية

المهم طعمه لذيذ انتو حرين متجربوش

ماشي

صحة وهنا على قلبي