بسم الله الرحمن الرحيم
اثبت يامصري ومتخليش حاجة تسيطر عليك
مش هتكلم عن احداث ولا هتكلم عن افعال ولا هتكلم عن مشاكل
هتكلم عن حاجة مرة عليكم في الفترة الصعبة دي
ايووه هتكلم عن حاجة حصلتلكم انتم وحصلتلي بردوه
حاجة دايقتني عشاان طلعت مننا كلنا
الحاجة دي هي
>>>الغضب <<<
ايووه الغضب اللي بقا مسيطر علينا ومبقناش في وعينا بسببه
عن عطيه السعدي قال : قال رسول الله (ص) : (( إن الغضب من الشيطان , وإن الشيطان خلق من النار , وإنما تطفأ النار بالماء , فإذا غضب أحدكم فليتوضأ ))
كلكم امتلكتكم لحظة غضب شديدة
صدر من بعضكم اقوال لحظة غضب في منها اللي صدمتني بجد
في منكم اللي حسسني اننا شعب تاني مش المصريين بتوع الثورة
في منكم اللي شتم في بلده وهي مالهش ذنب
في منكم اللي طلع منه الفاظ وحشة لحظة عضب
في منكم اللي خون اخوه المصري علي حاجة معملهاش من غير تفكير منه
في منكم اللي شتم في التاني عشاان اختلف معاه في رأيه
عاارفة انه طبيعي اي حد يتعصب من الموقف اللي احنا فيه
عاارفه ان من الطبيعي تحسو ان الخوف مالي قلوبكم
المشكلة مش في الغضب المشكلة في اللي بيجي من الغضب
تعرفوا ان ممكن بكلمة واحدة ساعة الغضب توقعنا في مشكلة كبيرة ؟؟؟ تخيلو كلمة وااحدة
تعرفوا ان ممكن بكلمة واحدة نكره نفسنا في بعض
تعرفوا ان ممكن بكلمة واحدة نفرق بعض
مش كل شوية حد يتكلم وهو متعصب و يغلط ويغلط ويعتذر
المبداء ده مرفوض طول ما في ايديك انك ماتتكلمش وتسيطر علي نفسك
المبداء ده مرفوض طول ما فأيدك تراجع نفسك وفي كلامك
قال النبي صلى الله عليه وسلم قال : ( من كظم غيظا وهو قادر على أن ينفذه ، دعاه الله تبارك وتعالى على رؤوس الخلائق ، حتى يخيره من أي الحور شاء )
لان الكلام ده مش لعبة
الكلام عن ناس مش لعبة
الكلام عن بلد ووطن مش لعبة
احنا ربنا ادنا العقل عشان نتحكم في اقولنا في افعلنا في كل حاجة
فياريت بجد محدش فيكم يسيب نفسه تحت سيطرة الغضب
سيطرة علي نفسك يامصري واثبت
الغضب مش من جراءة منك ولا قوة ولا حتة شجاعة
الجراءة والقوة والشجاعة بجد هي انك تقدر تسيطر علي نفسك لحظة غضب
ليس الشديد بالصرعة . إنما الشديدالذي يملك نفسه عند الغضب
لو كلنا هنتعصب ونتكلم كلام مش مدركينه عمر ما البلد هتقوم
لو كلنا هنتعصب ونتكلم كلام مش مدريكينه عمرنا ما هنتجمع مع بعض
لو كلنا هنتعصب ونتكلم كلام مش مدركينه عمرنا ما هنبقا ايد واحدة
لو انت متعصب من الحصل صدقني كلنا متعصبين
لو انت متعصب من الحصل صدقني العصبية مش هتجيب نتيجة
مش هترجع حقك ولا حق اخوك ولا حق اختك ولا حق المصريين
لو انت متعصب ومش مسيطر ع نفسك
افتكر انك لو اتكلمت ناس كتيرة هتتاذ بكلامك وفي الاخر هتندم
ما تلجاش للغضب لانه مش هيحميك من اللي انت فيه مش هيفك ازمتك مش هيسببلك حاجة غير الاذية واذية الناس اللي حوليك
نصيحة ماتلجاش للغضب والجاء للربنا وادعي لان النفوس بيد الله
يقول الله تعالى : { وقال ربكم ادعوني أستجب لكم }
لو متعصب وعلي اخرك روح استغفر ربنا لان محدش هيبقا جنبك غير ربنا وجنب كل المضلومين
بس عايزة اوضح حاجة انا بتكلم عن الغضب الزايد عن حده اللي صاحبه بيخرج
عن شعوره وضبط فكرة وكلامه ونفسه
إنما الغضب الطبيعي مستحب ومطلوب وضروري لنخوة الانسان عشان يتخذ موقف من الازمات
ولو الانسان فقد كل شعور الغضب هيبقا بارد عديم الاحساس لا بياخد موقف ولا بيتحرك بالمشاكل
عشاان كده كل حاجة بالاعتدال كويسة لكن لو زادت عن حدها بتبقا شر
وقال عروة بن الزبير رضي الله عنهما :
"مكتوبٌ في الحِكم: يا داود إياك وشدة الغضب ؛ فإن شدة الغضب مفسدة لفؤاد الحكيم "
مش مهم دلواتي انت اتعصبت قبل كده ولا لاء
المهم دلواتي لو اتعصبت تقدر تسيطر علي نفسك
وطلب اخير لو غلطت قبل كده مع حد فيكم او غلطت في اي حاجة سمحوني