عنوان موضوعك سر نجاح ليك وللمنتدى ...

انتو
عارفين يا جماعة انو اهم شي بالموضوع هو العنوان

يعني العنوان هو سر نجاح اي موضوع ممكن يكون ناجح

من ناحية تفاعل الاعضاء الو

او من ناحية تانية انو يجذب اكبر عدد ممكن من الزوار عن طريق محركات
البحث متل جوجل مثلا


لهيك لازم يكون العنوان مميز ومعبر عن محتوى اي موضوع


لما نيجي بدنا نكتب عنوان للموضوع

لازم انحط حالنا محل الزائر

انو كيف ممكن يدور الزائر ع الاشياء اللي جوا موضوعي

شو ممكن يكتب بـجوجل ليجي لموضوعي

يعني وصف دقيق للموضوع اللي لما يتأرشف الموضوع وينزل بجوجل

نستفيد منو بأكبر عدد من الزوار وما ننسى يكون في شي يجذب العضو برضو

وهاد سر نجاح اي موقع ع فكرة ، لأنو 95% من زوار اي موقع بيجو عن طريق محركات البحث

او بالتحديد عن طريق قلب المواقع وقلب الانترنت والشبكة العنكبوتية حبيبنا جوجل .

لهيك لازم نهتم بهاي الشغلة كتير !

والدور عليكم انتو

:: بأنكم تحاولو تزبطو عناوين المواضيع تاعتكم لشي يعبر عن محتوى الموضوع ::


ونبعد عن العناوين الفارطة متل : ابو
شنب دقيقة من فضلك ، او ام شفايف تعي هون ، او ابو شنب تعال هون .... الخ ..

اللي ما بتقدم ولا بتأخر ولا الها خص بالموضوع بالمرة ..


شوفو مثلا هاد الموضوع :

http://www.usp1.ps/vb/showthread.php?t=17167

كان عنوان الموضوع هيك :

حذف من منهج الثانوية العامة 2009


انا غيرتو وخليتو هيك :

المحذوف من مقررات امتحان شهادة الدراسة الثانوية العامة - المحذوف من المنهاج - التوجيهي - 2009 - فلسطين


وهيك صار معبر اكتر عن المحتوى وفي فرصة اكبر انو الناس يوصلولو اكتر

لأنو العنوان في كلمات وصفية شاملة اللي ممكن انوالزائر
يستخدمها وهو يدور .

او متل هيك

http://www.usp1.ps/vb/showthread.php?t=14910

شفتو كيف العنوان !

- - - - - - - - - - - - - - - - - - - - - - - - - - - - - - - - - - - - -

المهم


انو احنا من يوم وطالع رح نحاول انغير عنوان
اي موضوع
لشي بنشوف انو مناسب هيك وهاد كلو لمصلحتنا
ومصلحتك .

وازا اتكرر الخطأ وكتابة العناوين بشكل مش مناسب الموضوع
رح يتجنزر (( يضيع يعني))

الله عليكى بجد هايل
سلمت الايادى

اشمعنى يعني


عكلن تسلم يا تريكة على ثقتك هي