![تعالَ جنبى Bsm](https://2img.net/h/www.3deeel.com/vb/images/bsm.gif)
شحات
بيسأل محترم:.. ماتجيب جنيه؟.. يجعل نهارك مفترج ولونه بمبى.. قاله يسهل
ربنا.. سيبنى فى عذابى والضنا.. سيبنى فى غلبى.. سيبنى فى ديونى ومحنتى..
عمال أدارى فى دمعتى.. وأكتم وأخبى.. عيال بياكلوا ويشربوا.. وفلوس دروس
بيطلبوا.. وازاى هارِّبى؟.. جمعية عايزة تتدفع.. والنور ده قرب يتقطع..
والذنب ذنبى.. كان عيبه إيه بس السفر؟..
مش كان زمانى فى قطر؟.. مش لسه باحبى.. مش لسه عايش ع السلف.. أجوع وألصّم
فى الشرف.. وأتعب فى قلبى.. قاله يا عم المحترم.. كوز النزاهة لو اتخرم..
اهبش وعبىّ.. قاله بخاف من ربنا.. ده العمر لو كان ميت سنة.. هارجع لربى..
قاله ما دام هتعيش شريف.. آدى مكانك ع الرصيف.. متكونش سلبى.. روّح وغير
بدلتك.. الحق وصلح غلطتك.. وتعال جنبى!!