شفت امتحان السفارة المصرية للحصول على الجنسية المصرية؟؟

صباح الفل حبايبى الأعزاء




يشترط لدخول الامتحان ان المتقدم يكون معاه كل أدواته اللازمة

(قلم رصاص_ أستيكة_ اثبات شخصية )

فى حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ماهى مش فارقة هتنجح هتجح)


السؤال الأول: اختار من بين الأقواس الكلام الصح

1_حنان ترك اتحجبت يعنى........(لبست جزمة_لبست ساعة_لبست ايشارب)

2_اللى بنى هرم خوفو.............(طلعت مصطفى_المقاولون العرب_مقاول أنفار_خوفو)


3_اللى بنى مصر كان فى الأصل.......(حلاق_نجار_تاجر مخدرات_صلاح_حلوانى)


4_البرنامج اللى بيجى ع القناة الاولى كل يوم الساعة7.00 صباحا ومحدش بيتفرج عليه برنامج صباح الخير...........(ياماما_يابابا_ياخالو_ياريس_يامصر)


بص فى ورقتك ياحيوان!!


5_مصر هى أمى نيلها جوا.........(بطنى_رجلى_جيبى_دمى)


6_رئيس جمهورية مصر القادم السيد........... (جمال مبارك_جمال مبارك_جمال مبارك_كل ما سبق)


السؤال الثانى: أكمل الجمل الاتية بكلام م الاخر

1_انتبه من فضلك السيارة ترجع الى............

2_ماما زمانها...............

3_طلعت أدب نزلت أدب لقيت الدب بيأزأز............

4_اسم والد اللاعب وائل جمعة الحاج...............
(لوبتشجع أى فرق من الفرق الأجنبية"ريال مدريد ولا برشلونة" والله ما انت واخد الجنسية)


السؤال الثالث:ضع علامة صح أو غلط أمام الكلام الجاى

1_بابا فين؟؟ بابا هنا..قوله مين؟؟قولو عمو ( )

2_الشرطة دائما فى خدمة الشعب ( )


3_اذان المغرب فى رمضان بصوت طارق نور ( )
_صح يااهبل, كل حاجة فى رمضان بصوت طارق نور

4_شاى الجوهرة حتة سكرة ( )

5_يحكم مصر النظام الملكى ( )



ايه رأيكوا ياجماعة ..
هتمتحنوا علشان تخدوا الجنسية؟؟؟

عدل سابقا من قبل ابو تريكه في السبت نوفمبر 21, 2009 1:20 pm عدل 1 مرات

ههههههههههههههههههههههه


هنمتحن ايه بس

دة امتحان صعب اوى يا تريكة

شوف يا استاذ تريكة طبعا انا عارف الموضوع فكاهي انما لو امتحان اي جنسية في العالم كدا وانا محتاج لها الجنسية دي لا مش عايزها بسبب امتحانها اذا كان امتحانها كدا ازاي هيكون تفكير شعبها هههههههههههههههههههههه لا اريد ان امتحن

ياستاذ هو اجابه السؤال الاول
لبست جزمه طب فرده واحده ولا الاتنين
ولا لبست ساعه

هو السؤال ده بس