عم عوضين بتاع الفول كانت قاعد مع عم متولى بتاع المخلل على كوفى شوب ابو نسمه للمشروبات الدسمه
عم متولى :- شفت الطماطم بقيت بكام.
عم عوضين :- الخيار جاله بكتريا الحبشتكنات الالمانيه.
عم متولى :- هو الراجل اللى فى التلفزيون ده مش من كام شهر كان بيغنى بحبك يا مصر.
عم عوضين :- اه مهو اليومين دول غير الاغنيه خالها بحبك يا ام الدنيا.
عم محمد البقال دخل فى نص الحوار :- حد فيكم شاف ماتش الزمالك , الحكام ولاد التيييييييييييت هيضيعوا الدورى ويدوة لمعسكر الاعداء .
عم صبحى الموظف ساب الجرنال وقالهم الحقوا الحقوا
كله بيبص لعم صبحى
عم صبحى :- حد قرا خبر القاء القبض على حموده الجعر علشان سرق حبل غسيل ام السيد
حد فاهم حاجه ؟
معلش كان لازم ابدا كده اصلى حاسس انى مش فاهم اى حاجه
الفتايين بيشجعوا مصر واحنا مش معاهم !
يقولو ثورة وبنحب مصر ونلاقى الاستادات والمحلات والعربيات بتتكسر
يقولو كلنا فداكى يا مصر وكل شركه عامله اضراب
عايزينك بخير يا مصر والحلم الاول ان الشباب يطفش
الواد اخويا بقى من شباب الفيس بوك وهو عنده 10 سنين
اللهم صلى على النبى
رحت ادى صوتى فى الاستفتاء الاخرانى لقيت كام انسه سن 18 سنه قلت خير الشباب بقى واعى اتارى باين خالتى ام كمال كانت باعته العيال يمكن واد من اللى فى طابور الرجاله تعجبه البنت سنيه ويتقدملها ويجيلها عدالها.
بقولكم ايه هو فين بيودى لفين
والحدق يفهم ويفهمنى
ملحوظه للى مفهمش الموضوع :- مش شايف اننا محتاجين وعى وثقافه اكبر قبل ما نقدر ناخد الخطوات الصح فى حياتنا