وشوش البشر

وشوش البشر وراها حكايات
بتطوى السنين فى عز الالم
وحكم القدر يطول السكات
وجرح الحنين يصحى الندم

وعايشة تدارى انين الاهات
وتضحك وتفرح فى عز الهموم
وزى القمر ينور ساعات
وشايل فى قلبة ضلام الغيوم

وشوش البشر وراها حكايات
عجيبة وغريبة وصافية وبريئة
ووقت الخطر تدق الساعات
تلاقى ابتسامة تدارى الحقيقة

وعايشة تداوى جراح السنين
وتصرخ وتبكى فى وسط الشموع
وخايفة فى لحظة ياخدها الحنين
وتعرف عنيها طريق الدموع
وشوش البشر حكاية طريق
وصورة بترسم وشوش الضمير
ومين الظالم ومين البريئ
ومين اللى يملك لنفسة المصير
وكل البشر تبص فى عنيهم
تحس ان فيهم كلام وحكايات
ولما تحاول تدور عليهم
تبص تلاقيهم يادوب ذكريات

ولما تحاول تدور عليهم
تبص تلاقيهم يادوب ذكريات


فعلا فى ناس كتير فى حياتى بقى مجرد ذكرى
واحيان بيكونو ذكرى مؤلمه مش عاوز حتى تفتكرها




جميله اوى القصيده جزاك الله خيرا