مدخل //
أوعدني لو تغيب عن بالك ماغيب ..
أوعدني بالسؤال لو يعني البعد طال
أوعدني بكلمتين مو أكثر من كلمتين ..
أرضي فيهم حنيني مر السنين !!
حبيبي اوعدك ..
لوعطاني البعد من عمره قساوة ؟؟
بسكنك باوطان عمري عن قساته !!
اوعدك تبقى ..
هوى بالي .. ودفا بردي .. ونبض احساسي وقلبي
اوعدك
.. تبقى حبيبي واوعدك ببقى احبك
قلتها لك:
بصوت دافي
من جرات البعد خافي
قلتها لك:
قبل ارحل .. قلتها بدموع عيني ..
قلتها بنفاس صبري .. قلتها باحساس دافي
قلتها قبل اذوق للفراق الف طعم والف لون
لون ظلمه .. لون جرحه
.. وطعم قسوة امنياته
في وعودي ماخلفت .. وبغرامي لك وفيت
وبعد هذا الوقت كله للأسف خابت ظنوني ؟؟
كيف جا له قلب يقسى من عطيته صدق حبي
ليه صار الغدر طبعه من سقيته احساس قلبي
بالخيانه ليه طعني يوم ارويته وفائي
يعني حبه واشتياقه كلها كذبة جنون
يعني عشقه كان خدعه يعني قلبي كان لعبه
يعني معقوله !!
وعودي كلها صارت ظنون
مخرج//
كنت اظن اني حبيبك وان لامن غبت توله
واني في الدنيا نصيبك واللي عيوني بكوله
ما دريت ان الليالي غيرت قلبك علينا
وما خطر لحظه في بالي تنسى كل اللي عطينا