أسئلة مشكلة
أغلب البنات هيقولوا لا احنا مش كده
و بلاش تعمم كده
احنا ملايكه و ناقصنا أجنحة
طيب تعالوا نشوف الأسئلة
س1 : ليه الأبلة أو المعلمة أو المدرسة أو الميس في حضانة و ابتدائي بتضرب الولاد بس او بتضرب الولاد جامد و البنات بشويش!!؟
كان الواحد من صغره بيشوفها بعينيه و لما كبر بيسمعها بودانة من أي طفل صغير..هتلاقيه بيقولك الابلة بتضربنا جامد و البنات لأ
دي ليها تفسيرين مالهاش تالت
التفسير الأول انها بتعوض الضرب إلي بتاكله كل يوم من جوزها في الولاد بتوع الحضانة....طب ذنب الواد الصغير ايه دلوقتي..ما هو كدا الواد لما هيكبر هيعوض الضرب دا في مراته (و تستمر السلسلة الغذائية)
التفسير الثاني هو إنها بتعامل البنات الصغيرين على إنهم قوارير فبتضرب القارورة بشويش لكن الولد مافيش عليه توصية فبتضربه جامد... مع العلم إن تحمل الأطفال من الجنسين بيكون شبه بعضه
س 2 : ليه البنت بتمثل دور انها بتتقرف..يعني لو عرفت إن في حد شرب من الكوباية قبلها ممكن يجيلها توعك معوي و تبات في الحمام طول اليوم من كتر الترجيع
مع العلم انها لما بتخلف كل يوم بتغير للواد البامبرز مرتين تلاته..يعني بتيجي على الحاجه الي تقرف فعلا و تعملها عادي
و دي مالهاش غير تفسيرين برضو
التفسير الأول هو إن البنت بتشتغل نفسها و بتتوهم دور الرقة و القرف و بتخلي العامل النفسي يسيطر عليها بقناعتها
التفسير التاني هو إن هرمون القرف افرازه بيقل مع التقدم في السن
أغلب البنات هيقولوا لا احنا مش كده
و بلاش تعمم كده
احنا ملايكه و ناقصنا أجنحة
طيب تعالوا نشوف الأسئلة
س1 : ليه الأبلة أو المعلمة أو المدرسة أو الميس في حضانة و ابتدائي بتضرب الولاد بس او بتضرب الولاد جامد و البنات بشويش!!؟
كان الواحد من صغره بيشوفها بعينيه و لما كبر بيسمعها بودانة من أي طفل صغير..هتلاقيه بيقولك الابلة بتضربنا جامد و البنات لأ
دي ليها تفسيرين مالهاش تالت
التفسير الأول انها بتعوض الضرب إلي بتاكله كل يوم من جوزها في الولاد بتوع الحضانة....طب ذنب الواد الصغير ايه دلوقتي..ما هو كدا الواد لما هيكبر هيعوض الضرب دا في مراته (و تستمر السلسلة الغذائية)
التفسير الثاني هو إنها بتعامل البنات الصغيرين على إنهم قوارير فبتضرب القارورة بشويش لكن الولد مافيش عليه توصية فبتضربه جامد... مع العلم إن تحمل الأطفال من الجنسين بيكون شبه بعضه
س 2 : ليه البنت بتمثل دور انها بتتقرف..يعني لو عرفت إن في حد شرب من الكوباية قبلها ممكن يجيلها توعك معوي و تبات في الحمام طول اليوم من كتر الترجيع
مع العلم انها لما بتخلف كل يوم بتغير للواد البامبرز مرتين تلاته..يعني بتيجي على الحاجه الي تقرف فعلا و تعملها عادي
و دي مالهاش غير تفسيرين برضو
التفسير الأول هو إن البنت بتشتغل نفسها و بتتوهم دور الرقة و القرف و بتخلي العامل النفسي يسيطر عليها بقناعتها
التفسير التاني هو إن هرمون القرف افرازه بيقل مع التقدم في السن
س 3 : ليه البنات بيقطعوا قميص تامر حسني في كل الحفلات..و تلاقي البنت مبسوطة انها حضنته!!
طب لما ولاد يعملوا كدا و يتحرشوا في مطربه أهو بنقول اصل الولاد قليلي الأدب و بيكون دا دافع جنسي و الغرض منه الهزار و الصياعه و لو تسأله ترضى تتجوزها هيقولك لأ
لكن الملايكه بقى ليه يعملوا كدا!!
طب هو الراجل مش عايز يتجوز و لسه بيكون نفسه..ليه ظروفه أكيد
يعني لسه بيبني القصر بتاعه إلي بمليار جنية فلسه ظروفه المادية ما تسمحش و ربنا يفتحها عليه أهو مسلسل في رمضان ب80 مليون (اشاعة طبعا)
و أكيد برضو مش لاقي بنت الحلال الي يعجب بيها و هي بتقطعله القميص بتاعه
طيب البنت تعمل كدا ليه بقى
يعني انتوا جربتوا كذا مره و مش عايز يتجوز..ارحموه بقى..برضو مصممين يقطعوله قميصه
دي مالهاش غير تفسيرين
التفسير الأول هو إن البنات لازقة و بيحبوا يلزقوا في الشاب إلي مش متجوز على أمل إنها تتوهم بيه في أحلامها
التفسير التاني هو إن البنت تفكيرها قاصر و مفكرة إنه لما هيتجوزها هيعد كل يوم يعزفلها عالجيتار (مش بتشوف باباها و مامتها أدامها في البيت )
س 4 : ليه البنت لما بتيجي تقابل خطيبها أو حبيبها بالتحديد لازم بتروحله مع شلة من البنات!!
و بعدين لما حبيبها يبص على واحده صاحبتها و يشبك معاها و يسيبها تعد تشتم فيه!!
طب هو الواد لما كان بيقابلك كان بيجي لواحده..ليه بقى البنت كمان مش بتيجي لواحدها؟
و دي كمان مالهاش غير تفسيرين
التفسير الأول هو إن البنت بتختبر حبيبها و بتشوفه عينه زايغه و لا لأ عشان لو زايغة تتخانق مع صاحبتها و تعيش في وجع قلب (مش هتسيبه برضو)
التفسير التاني هو إن البنت بتخاف تروح تقابله لواحدها لحسن يخطفها
س 5 : ليه البنات بيتعبوا كتير يعني بيتظاهروا انهم تعبانين
يعني الواحد بيجيله برد مره في السنة كلها و ساعات بيبقى عرض خاص برد مره كل سنتين...البنت بقى كل ما تكلمها تقولك أنا أصلي كنت عيانه امبارح!!
يعني مناعتها ضعيفة مثلا!!
دا حتى الراجل بيموت قبلها و الستات كلهم ما شاء الله معمرين هههههههـ
يبقى مافيش غير تفسيرين
اما البنت بتدلع
أو إنها بتتشخلع
مش عايز حد يجي و يجبلي اسئلة عن الولاد
إحنا شياطين بحوافر و قرون
اشطه كدا
بس جاوبوني على الأسئلة دي يمكن نطلع بتفسيرات تانية و نغير الجدول الدوري بتاع العناصر
