ومن تانى هاقول عاشقك
هاقول عاشق تراب ارضك
هاقول راضى اموت قبلك واموت بعدك
واموت واكتب بسيل دمى تاريخ شعبك
هاموت وهاعيش
هاموت وهاعيش وهافضل برضة يا بلادى اسير عشقك
هموت وهاقول يا ام الدنيا يا حرة مافيش زيك
ولو تتلم كل الدنيا وترضى تدوس على علمك
وينسوا مجدنا ومجدك
وينسوا حلمنا وحلمك
ويرضوا يهينوا فى شعبك
راح اصرخ برضة يا حرة مافيش زيك
ومن تانى هاقول عاشقك
هاقول للدنيا يا دنيا انا مصرى
انا مصرى برغم الكره والعدوان
انا مصرى برغم الحقد يا سعدان
انا مصرى وهاعيش مصرى واموت مصرى
بكل الفخر امجادنا دى شئ حصرى
وانا مصرى
ومن تانى هاقول عاشقك
هاقول عاشق تراب ارضك
هاقول راضى اموت قبلك
واموت بعدك
واموت واكتب بسيل دمى تاريخ شعبك
اهداء الى من يعشقها كل مصرى ويقتدى بها كل حر
(امى الحبيبة مصر)