طفل توه فهم
وش معنى الحياة
ليلة العيد
مع اصحابه
كل واحد منهم يقول
ابوي اشترى لي ملابس
واشترى لي العاب
.
.
رجع للبيت وسأل
يمه وينه ابوي
تلعثمت امه
صمت من امه
تنظر له
دمعه ... وسط عينه
تضمه
تقبل جبينه
حبيبي
انا ابوك
وانا امك
انا دنياك
ويرجع يردد
انا احبك يمه
بس وينه ابوي
تخفي دمعه في عينها عنه
تقول ابوك هناك في الجنه
طيب متى بيجي
وليش ماشترى لي مثل اصحابي
ثيابي ...وألعابي
ليش يمه
وتضمه
وبصوتها المبحوح...
وبقلبها المجروح
تقول انا ابوك
انا ابوك
انا ابوك ياروح الروح
طفل واقتنع
ان امه يعني ابوه
.
.
.
صبح العيد بساحة قدام المسجد
مع العيال يلعب
وللفرحه يستعد
الامام يصلي ثم يخطب
يطلعون الرجال...
أصحابه من عنده يتفرقون
لابوانهم يركضون
كل طفل يروح لأبوه
هو واقف
كل طفل يضم ابوه
وهو شايف
.
.
.
طفل يتيم توه فهم
وش معنى العيد...
ماهو بس ثوب جديد
طفل توه فهم
وش معنى السعاده
طفل توه فهم
انه يتيم
بكرا العيد ... اليوم العيد
بالنسبه للطفل مايهم