حبيبتى مين
ا ميت أهلا وسهلا تفضــل اقعد على اي طرابيزة انت تحبهــا., بس شكلك أنت اول مرة تنورنــا..]خد بالك القعدة بمشاريب ...] ,اه صح بقلك ايه... أنت لازم تسجــل عندناعلشان تبقي حبيبنــا , بالزوق بالعافية هتسجــل ..ماتبصليش كده بقلك على الطلاق لتسجل يلا دووس هنا وسجل ولازم تشارك.كمـان.هينزلك خصم عالمشاريب لما تشارك معـانا
فريق الاداره
magic.......ابو تريكه
اضـغـط [URL="http://vvv3vvv.blogspot.com/"]هـنـا[/URL] لـدخـول فـى [URL="http://vvv3vvv.blogspot.com/"]عـالـم غـريـب[/URL]اضغط هنا لدخول فى عالم غريب


حبيبتى مين
ا ميت أهلا وسهلا تفضــل اقعد على اي طرابيزة انت تحبهــا., بس شكلك أنت اول مرة تنورنــا..]خد بالك القعدة بمشاريب ...] ,اه صح بقلك ايه... أنت لازم تسجــل عندناعلشان تبقي حبيبنــا , بالزوق بالعافية هتسجــل ..ماتبصليش كده بقلك على الطلاق لتسجل يلا دووس هنا وسجل ولازم تشارك.كمـان.هينزلك خصم عالمشاريب لما تشارك معـانا
فريق الاداره
magic.......ابو تريكه
اضـغـط [URL="http://vvv3vvv.blogspot.com/"]هـنـا[/URL] لـدخـول فـى [URL="http://vvv3vvv.blogspot.com/"]عـالـم غـريـب[/URL]اضغط هنا لدخول فى عالم غريب

حبيبتى مين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دخول


رحلة شاب مشتت من الشك لليقين .. قصه واقعيه مطروحه للمناقشه

power_settings_newقم بتسجيل الدخول للرد
+5
mero
أسماء
abdo
جوهرة الأحبة
magic
9 مشترك

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرحلة شاب مشتت من الشك لليقين .. قصه واقعيه مطروحه للمناقشهالخميس مارس 04, 2010 3:52 pm

more_horiz
يكم يا رجاله .. منورين الدنيا
رحلة شاب مشتت من الشك لليقين .. قصه واقعيه مطروحه للمناقشه Biggrin
كل الشباب اللي بتستخدم النت اكيد اتعرض مره واحده علي الاقل لموقع بيهاجم الاسلام
او يسب الاسلام صح!!!!!!!
مسالتش نفسك هل دي مصادفه ولا ايه بالضبط؟!!
وبعد كام مره تستغفر ربك وتقفل الصفحه
تيجي مره كدا وابليس-لعنه الله- يلعب في دماغك ويقولك
متيجي نشوف الناس ديه بتقول ايه؟!!
والنتيجه الحتميه الل بتطلع بيها كام سؤال في دماغك عن الاسلام
طيب تسال مين؟!!! احسن حد يقول عليا ملحد وارتديت
لا اسكت ياد احسن لك
لكن الساب ده قرر انوا ميسكوتش
وقرر انوا يدور علي الحقيقه
تعالي نعرف ايه اللي حصل معاه . . .


القصه جميله جدا ومفيده جدا

وجاوبت علي اسئله كتير جدا كانت بتدور في بالي

لقيت انوا لازم اجيب القصه دي هنا ونتناقش فيها

هكتب القصه علي هيئه 22 حلقه

وعايز تفاعل من الناس وتناقشني في القصه وتقول رايها



نبدأ بسم الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 04, 2010 4:01 pm

more_horiz

الحلقة الأولى
{ وانا كان مالى }
رحلة شاب مشتت من الشك لليقين .. قصه واقعيه مطروحه للمناقشه Wacko

رحلة شاب مشتت من الشك لليقين .. قصه واقعيه مطروحه للمناقشه Fantasticpo2


الأول الايمان كان شديد جدا..وخاصة فى مرحلة الثانوية العامة..كالعادة صلاة في الجامع

مش عارف ليه كنت فاكر ان الصلاة ماكنش ليها علاقة بالثانوية؟؟

أو كنت باحاول أقنع نفسي بكده

بس مع الأسف مع أول سنة فى الكلية..بطلت صلاة فى الجامع..مش بس كده..بطلت صلاة خالص

بس ماقدرتش..كنت فعلا تعبان من غير صلاة..وفى السنة الثانية عدت بقوة للصلاه والحمد لله

وعدت لقراتى في الدين مرة أخرى بعد أن كنت قد تركتها منذ الصف لأول الثانوى

واستمررت هكذا حتى السنة الرابعة

اذن..أستطيع أن أقول أن الأصل فى كان مؤمنا جدا..ولكن ما حدث بعد ذلك كان مرعبا

مرعبا الى أقصى درجة..ربنا يغفرلي ويسامحنى

كنت زي أى مسلم في الدنيا..مؤمن بالفطرة ان أى حاجة تانية غير الاسلام غلط

وماينفعش غير الاسلام..ولفيت لفيت ورجعت لنفس النقطة..

واتأكدت وبصمت بالعشرة ان ماينفعش غير الآسلام

البداية كانت فى سنة رابعة..ساعتها أول مرة أشوف مناظرة دينية بين واحد مسلم

(الشيخ أحمد ديدات رحمه الله) وآخر مسيحى أمريكى..المناظرة عجبتنى أوى..

ولتفوق أحمد ديدات الواضح..واعشقى لدينى

شوفتها اكتر من 4 مرات رغم طولها..وكل مرة يزيد ايمانى أكتر

بصراحة الشيخ ديدات ده متمكن جدا فعلا..بس فيه حاجة....!؟

على أد ما انجذبت لهذه النوعيه من الموضوعات..على أد مابدأت افكر فى الأديان

الأخرى...وأسال نفسى..أنا مسلم ليه؟؟

عشان أهلى مسلمين؟؟

طب ماهوا لو كانوا حاجة تانية كنت بقيت زيهم!!!

وبدأت أسأل نفسى..ليه المسيحين مسيحين؟؟

ليه ميفكروش فى الاسلام؟؟

رد عليا واحد انجليزي على النت(مانا أصلى بقيت أكلم الأجانب في الموضوع ده كتير)

قال لى اشمعنا؟؟ماتفكر انت فى حاجة تانية غير الاسلام!!

بينى وبينكم اكتشفت انها انانيه انى اقول لواحد فكر في ديني

من غير ما أفكر انا كمان!!(عايز أعرف رأيكم في الجزء ده خاصة)؟

وبدأت بالفعل تنظيم أفكارى..وأثناء هذا التنظيم..حدثت مفاجأة!!
رحلة شاب مشتت من الشك لليقين .. قصه واقعيه مطروحه للمناقشه Fantasticpo2

ما هو التنظيم..وما هى المفاجأة؟؟
الحلقة القادمة انشاء الله
رحلة شاب مشتت من الشك لليقين .. قصه واقعيه مطروحه للمناقشه Smile
لا اله الا الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 04, 2010 9:43 pm

more_horiz
الحلقه الثانيه



{ الموضوع خرج من ايدى }


رحلة شاب مشتت من الشك لليقين .. قصه واقعيه مطروحه للمناقشه Fantasticpo2



زى ما اتفقنا..بدأت أرتب أفكارى..و قابلتنى مفاجأة..ّ



بالنسبة لترتيب الأفكار..كان كالتالى:ّ



1-انا مسلم ليه؟؟عشان أهلى مسلمين....اجابة غير مقنعة



2-هل فى احتمال ولو بنسبة واحد فى المليون انى أعيش مسلم وأراعى ربنا فى كل حاجة ويوم القيامة



افاجأ ان اليهود أو النصارى على حق و بالسلامة على جهنم؟؟



3-الشيطان صورلي ساعتها ان ممكن



4-اذن لابد من اجابة سريعة على اسئلتى عشان لو الموت خطفنى دلوقتى..



مش حاحصل اى حاجة..لامسلم ولا مسيحى ولا يهودى..يمكن يئرفوا منى يوم القيامة!!..



مين ده؟؟د اللى ماكانش عارفلوا دين..ياعععع!!

ّ

5-حال المسلمين اليومين دول زى مانتوا شايفين..والمسيحين



برده زى مانتوا شايفين..هل هذا يدل علي شئ؟؟



6-العالم المتقدم مسيحى..بس مش مسيحى بس..ده يهودى كمان..لأ..مش بس كده..



البوذيين والهندوس وغيرها من ديانات شرق آسيا أكثر تقدما..



هل يدل هذا على شئ؟؟



آه طبعا..ان مش ده النقطة اللى أحكم بيها على صحة العقيدة



7-طب وبقية الديانات؟؟الناس اللى هناك ده(اليابانيين و الصينيين و خلافهم) أكثر اهل الأرض تقدما واحتراما



وجدية متدينين بالديانات الغريبة دى مش ده ممكن يكون نابع من صدق عقيدتهم؟؟



وخاصة انى معرفش اى حاجة عنها؟؟ليه ياتري مافكرش فيها؟؟



(خلوا بالكم ان الشيطان دلوقتى بعتنى لمكان بعيد جدا)



8-بس بالنسبة للديانات ده الأمر بسيط..أنا مش ممكن أسجد لبقرة!!!



ولا لتمثال الحاج بوذا!!!ّده فى حد ذاته قمة التخلف..



طب ليه الناس ده متقدمة؟؟أكيد فيه عوامل تانية..عرفتها بعدين..وحاقولهلكم انشاء الله فى آخر حلقة..



9-اذن الموضوع تم حصره فى ثلاث أديان..يا بلاش..كده أسهل بكتير



10- نتوكل علي الله ونبدأ ..حاتبقى رحلة شاقة رحلة شاب مشتت من الشك لليقين .. قصه واقعيه مطروحه للمناقشه Fantasticpo2


آه صحيح ماقلتش المفاجأة اللى قابلتنى..

الحلقة الجاية ان شاء الله..

رحلة شاب مشتت من الشك لليقين .. قصه واقعيه مطروحه للمناقشه Smile

لا اله الا الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 04, 2010 10:17 pm

more_horiz
محمد رسول الله

ان شاء الله مستنين المفاجأة

وادينى متابعه

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 8:29 pm

more_horiz


السلام عليكم ورحمة الله

نورتنا النهاردة يا اخ سعيد ماجيك

هوا فية حاجة صغيرة أريد أن أنبهك عليها قبل الخوض في تلك المذكرات

تأكد أنك تتجدث عن موضوع ستحاسب بسببة يوم القيامة لانك لو أخفقت في أي توضيح في هذا الجانب

أحيانا يأخذ بة بعض الناس ببعض الافكار الذي ستتدونها والله اعلم بما يحدث في النهاية

المهم الخلاصة

اعلم أن أخر الاديان السماوية -- هوا الاسلام

واخر الانبياء : الرسول محمد صلى الله علية وسلم

وأعلم أن اليهود والنصاري لو كانو يتبعون رسلهم على حق لآعتنقو الاسلام بلا أعتراض

لان انبيائهم عليهم السلام جميعا ينتمون الى الاسلام كما ورد في الاحاديث والنصوص الشرعية

المهم سير على بركة الله

ونتمنى لك نهاية موفقة في هذا الموضوع ان شاء الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 9:14 pm

more_horiz
شكرا على المورور يا ايمى وعلى متبعتك
عبده حبيبى


عايز اقولكوا ان القصه دى اللى حكاها شاب على

موقع عمرو خالد من فتره طويله

وانا خدتها كوبى عندى

لانها فعلا تستحق

انى احتفظ

بيها

رحلة شاب مشتت من الشك لليقين .. قصه واقعيه مطروحه للمناقشه Smile

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 9:38 pm

more_horiz
الحلقة الثالثة

{ كده بجد خطر..!!! }


رحلة شاب مشتت من الشك لليقين .. قصه واقعيه مطروحه للمناقشه Fantasticpo2

اول ما بدأت المشوار قلت لنفسى ياواد انت حاتتعب نفسك ليه؟؟



دى حلقة زغلول النجار لوحدها كفيلة بان شارون يعلن اسلامه ويبقى من كبار الدعاه!!



كفاية كم المعجزات اللى في القرآن.. بس الشيطان الله يلعنه..ماسبنيش "انت ايه اللى ضمنك ان القرآن



ده صحيح؟؟



ومين اللى قالك ان ده اللى نزل على سيدنا محمد صلى الله عليه وسلم؟؟



وحتى لو كان صحيح وماتغيرش منه حاجه..مين اللى قالك ان الكتب التانيه اتحرفت؟؟



هو انت شوفت حاجة بعنيك؟؟



كله كلام بتسمعه و بتقرأه.. لكن عمرك ماحاولت تتأكد من صحته



سمعت عن تناقضات الكتب التانية .. بس ماحاولتش تتأكد بنفسك



ازاى تكون متأكد كده من كلام أقرب واحد فيهم كان عايش من 1400 سنة؟؟



واشمعنا يعنى انت مؤمن ان القرآن ماتحرفش و الباقى اتحرفوا؟؟



هى مش كتب سماوية برده؟؟ ليه ربنا ماحفظهاش هى كمان؟؟



ثم وايه يعنى موضوع المعجزات؟؟ ما أكيد الكتب التانيه فيها معجزات



ثم انت عمال تقرأ فى كتب اسلامية طول عمرك وتقرأ فى كلام بيتآل على المسيحية



ليه مابتقرأش فى حاجه بتتقال على الاسلام؟؟مش تشوف الناس ده وجهة نظرها ايه؟؟



وايه يعنى المناظرات؟؟ أكيد هما كمان عندهم حاجات زى دي



وهكذا..شوفتواالشيطان عمل فيا ايه؟؟..لا وغيركده كتير..بس أنا مش عايز أطول



وكانت المشكلة للى بتواجهنى هى ازاى أحكم على الدين ان هو ده الدين الصحيح؟؟



فكرت كتير قوى قوى قوى..وتوصلت لحاجة كانت هى أفضل حاجة عملتها فى الموضوع قولت لنفسى



انا أعرف فى الاسلام..والاسلام باقى منه قرآن وسنة..السنة والأحاديث عليها جدل من حيث صحتها



واحنا نفسنا يامسلمين مصنفين الأحاديث لضعيفة وحسنة وموضوعة و و وحاجات كتير



ده غير ان ربنا ماتعهدش بحفظها بشهادتنا احنا يامسلمين



اذن لا أضع السنة والأحاديث كقوام رئيسى للحكم على الاسلام



يعنى لما يقابلنى حد يقول لى الرسول بتاعكم عمل كذا وكذا..وفيه حديث صحيح بيقول ان موسى ضرب



عزرائيل على عينه صفهالو..يبقى ده مايساهمش بأى حال من الأحوال فى انى أشك فى الاسلام



يبقى لو حاقرأ فى حاجات بتتهم الاسلام..يبقى لازم الغلط اللى حد يطلعهولى يكون فى القرآن..مش فى



حاجة تانية والعكس بالعكس.. يعنى اللى حاقراه ضد المسيحية واليهودية لازم يكون الغلط فى الانجيل أو



التوراه نفسها



ولما الاقيه فعلا غلط..أفكر فيه شوية بعقلى بدون تحيز وأحاول اجد له مبرر..ولو ماعرفتش ابحث فى تفسير



الحتة ده..وسهل انى الاقى حد يبررهالى فى القرآن..الشيوخ مليين الجوامع والكتب مغرقة الدنيا



بس فى المسيحية حتكون مشكلة..مش حروح لقس اسأله طبعا



طب وفى اليهودية..حاجيب حاخام يهودى من آنى داهيه؟؟



يبقى حاعتمد على عقلى بقدر كبير فى الحكم على الأمور..ومش هاتحيز لحاجة..حالغى كل



عواطفى..وربنا يستر وقلت لنفسى ياترى أبدأ منين



أول حاجة لازم يكون فيه عدل..القرآن لغته العربيه..بس الانجيل و التوراه أساسا عبرى و يونانى



يبقى عشان أعدل..يبقى لازم أتجاهل الاعجاز اللغوى فى القرآن..عشان يمكن يكون التوراه والانجيل فيهم



اعجاز لغوى عمرى ماحوصلله..(ماتقلقوش..القرآن مليان معجزات) ماشى كده؟؟



ومن هنا ورايح..حاسيب عقلى يحكم



انا دلوقتى أمام ثلاث كتب..معايا واحد..أجيب التانيين منين؟؟



بسيطه أوى..مغرقين النت فى كل داهيه..وأول مره لحظتها أعرف المفاجأه دى:



المسيحين بيؤمنوا بحاجه اسمها الكتاب المقدس..وده مقسومة الى قسمين أساسيين



1-العهد القديم(التوراه) 39 سفر او قسم او كتابّ



2-العهد الجديد(الانجيل)27 سفر او قسم او كتابّ



يعنى المجموع 66..ده غير 7 اسفار ممنوعين عند بعض الطوائف المسيحية



ماعلينا من الطوائف..انا مايهمنيش غير الكتاب المقدس نفسه.. لا ارسوزكس ولا بروتستانت ولا اى حاجة



وعشان افهمكم التقسيمه..:



احنا عندنا مثلا اجزاء..وسور..وآيات.......



هم عندهم اسفار..واصحاحات..وأعداد



وكل سفر له اسم..يعنى لمل أقول مثلا: متى(1\2)..يعنى سفر متى(أول سفر فى العهد الجديد) الاصحاح



الأول العدد الأول..مفهوم؟؟



عشان حنتكلم بالشكل ده كتير بعد كده


رحلة شاب مشتت من الشك لليقين .. قصه واقعيه مطروحه للمناقشه Fantasticpo2


أنا دخلت فى الجد..كده أقدر اقول لكم المفاجأة اللى قابلتنى



بس مش المره دى..المره الجايه ان شاء الله



نتقابل الحلقة القادمه انشاء الله

انتظرونى عشان الجد حايبدأ

لا اله الا الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 10:02 pm

more_horiz


استمر يا مان انا اتشديت للقصة دي ولازم اجيب اخرها

الموضوع في غاية الاهمية

لا اله الا الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 10:32 pm

more_horiz
استمر يا ماجيك عشان فعلا قصة مشوقة

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالجمعة مارس 05, 2010 11:13 pm

more_horiz
شكرا جدااااااااا على المتابعه يا عبده

وان شاء الله نكمل يا فله سعيد جدااااااا بتوجودك فى الموضوع


descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 3:02 pm

more_horiz
زى ماشوفتم..الموضوع اقتصر على كتاب واحد..اللى هو الكتاب المقدس..

عشان فيه التوراه (من أسفار العهد القديم)..والعهد الجديد (الانجيل)...

وعشان أكون اكثر تحديدا..العهد القديم المقصود بيه الأسفار اللى قبل سيدنا عيسى..

يعنى أسفار سيدنا موسى اللى هم اول خمسة فى العهد القديم

(التكوين, الخروج, الاويين, التثنية ،العدد)..وكتب الأنبياء والمزامير (الزابور)

والعهد الحديد وهو مجموع ما كُتب من أسفار بعد مجيء المسيح وعدد أسفاره ( 27 ) سفراً..

ويحتوى على الأناجيل الأربعة(متى, مرقس, لوقا. يوحنا)...

ده بالاضافة لجزء يسمى أعمال الرسل.. وجزء تانى رسالات المسيحيين بيؤمنو بالاتنين..

بس الاختلاف بينهم وبين اليهود فى التفكير بس..الموضوع ماكنش كده زمان..!

الحكاية ان التوراه فيها منهج حياه..اما الانجيل مافيهوش منهج.. ده فيه وجدانيات ايمان..

يعنى لوحده ماينفعش للمعيشه ولما المسيحين انتبهوا للموضوع ده.. حطوهم على بعض..

عشان كده تلاحظوا ان ربنا دائما يقول.. "وعندهم التوراه".. عشان فيها فعلا أحكام و مناهج..

وده نقطة سابقة لأوانها عرفتها بعدين..ّ

نرجع لحكايتنا..

مابدأتش بالكتاب المقدس.. بدأت بحاجة تانية.. قلت ادور أشوف هم كمان بيقولو ايه..

والنت مليان بلاوى.. واكتشفت لأول مرة.. الحملة الشنيعة ده..

حملة على الاسلام في كل حتة.. وفي كل مكان.. وبكل اللغات..

يقودها نصارى او ناس تدعى انها نصارى.. (بس انا أعتقد انهم يهود) وأكتر حاجة بالعربى..

كأنها موجهة لينا..وساعتها حسيت انها موجهه ليا انا مخصوص..

وتعالوا نبدأ سوا.. وصلنى email بداية البحث بدأ بـ:

وده نسخة من نص ال email

""صور لسفينة نوح عليه السلام بعد أن عثرت عليها بعثة الآثار و من المعاينة الأولية وجد أن عمر السفينة

يصل إلى أكثر من 100 ألف سنة... تقول بعثة الآثار أنهم وجدواالسفينة على جبل الجودي في تركيا ...

وقد ذكر الإنجيل أن السفينة رست على على جبل أرارات طبعا كان هناك بعثة مسيحية تنقب عن هذه

السفينة... وكانت خيبتهم كبيرة عندما وجدت السفينة على جبل الجودي ومما لاشك فيه أن هذا يمثل

ضربة موجعة لمصداقية الإنجيل ومما زاد غضبهم أن القرآن لم يخطيء في تحديد موقع سفينة نوح عليه

السلام جبل الجودي هو الموقع الذي حدده القرآن الكريم ليثبت فعلا أنه معجزة من الله وأنه دين الحق في

سورة هود الآية يقول تعالى(وقِيلَ يَا أَرْضُ ابْلَعِي مَاءكِ وَيَا سَمَاءأَقْلِعِي وَغِيضَ الْمَاء وَقُضِيَ

الأَمْرُ وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ)ّ
وفي سورة هود الآية 49 يقول تعالى (تِلْكَ مِنْ أَنبَاء الْغَيْبِ نُوحِيهَا إِلَيْكَ مَا كُنتَ تَعْلَمُهَا أَنتَ

وَلاَ قَوْمُكَ مِن قَبْلِ هَذَا فَاصْبِرْ إِنَّ الْعَاقِبَةَ لِلْمُتَّقِين)""
ده نص ال email

وكان معاه الصور كمان.. قلت كويس قوى.. بدايه كويسة لصالح الاسلام.. بس برده.. ماتضمنش..

لازم تتأكد بنفسك وفضلت أدور اسبوع على حقيقة الموضوع ده.. وساعتها..

قابلتنى المفاجأة اللى كنت باقللكم عليها..مفاجأة طيرت النوم من عينى!!

بس مش حاقولها المره ده المرة الجاية انشاء الله

ياترى ايه المفاجأة اللى قابلتنى؟؟ ده سؤال الحلقه

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 9:39 pm

more_horiz


استمر من فضلك

شكرااااااا

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 9:49 pm

more_horiz
استمر يا ماجيك
بجد الموضوع مشوق جدا
رحلة شاب مشتت من الشك لليقين .. قصه واقعيه مطروحه للمناقشه 330-Thanks

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 9:58 pm

more_horiz
5






طبعا زهقتو منى شوية..معلش..أومال لما ادخل فى المفاجآت الكبيرة.. حاتعملوا فيا ايه؟؟

الحلقه ده مخصوص عشان المفاجأة.. بس باحبذ انى ماقولهاش المرة ده عشان............
























خلاص ماتزعاقوش..

حاقولها اهه.. طبعا.. تابعتوا اللى حصل .. وأرجوا انكم تراجعوا نص الemail اللى وصلنى راجعتوه..؟

وفهمتوه؟؟

انا بقه حبيت أتأكد من الكلام ده بنفسى وقابلتنى المفاجأة دي..

المسيحيين واليهود عاملين باللو فى كل حته السفينة موجودة على جبال أراراط!!!!..

لا ومش كده وبس..

دول كاتبين زى ماحنا كاتبين كمان.. !!!!!!!

والغريبة..انها نفس الصور..فتحت تانى الصور الى وصلتنى..ودققت فيها.. ولقيت الكلام ده مكتوب عليها:

"and on the seventh month, on the seventeenth day of the month, the ark rested upon the

mountains of ararat"(gen 8:4)

وده ترجمة الكلام ده

(ّوَاسْتَقَرَّ الْفُلْكُ عَلَى جِبَالِ أَرَارَاطَ فِي الْيَوْمِ السَّابِعَ عَشَرَ مِنَ الشَّهْرِ السَّابِعِ لِلطُّوفَانِ)

تكوين(8\4)

يعنى حتى الصورة الى بعتنهالى المسلمين فى الemail واخدينها منهم زى ما هي..

طب انا أعمل ايه دلوقتى؟؟ اصدق مين؟؟

ده بدايه مش كويسة ابدا..لازم أدور أكتر عشان أوصل للحقيقة.. وفضلت أدور ومافيش فايدة..

كل المواقع العلمية بتقول جبال أراراط.. مش الجودى.. لأ... انا كده دماغى حاتضرب..انا قلت حاحكم عقلى

ومش حابقى ظالم..ولو حكمت عقلى فى الموقف ده حاتبقى مشكلة... يارب انقذنى أنا عايز أوصلك

بقيت مش عارف أعمل ايه.. كل الدنيا.. بتقول أرارات.. واحنا بنقول الجودى..

وحتى ال email اللى وصلنى.. خد الصور وحط عليها كلام من دماغه؟؟

وهى دي النقطه اللى أنا عايز أوصلها يا جماعة.. مهما كنت بتحب دينك.. اوعى.. اوعى.. اوعى.. تدعيله

بالكدب... مهما كنت واثق ان كدبتك مش حاتتكشف.. اوعى.. لان هذا يفقدك الحجة والمصداقية وموضوع

أرارات ولا الجودى ده.. انا عرفتو بعدين.. وحاقوله فى وقته انشاء الله .. المهم.. بالنسبة لموضوع الemail

انا عايزكوا تتخيلوا حالتى النفسية كانت عامله ازاى؟؟

كان ممكن ساعتها انتحر او يحصلى حاجة..أخاف أسأل أى حد..يقولولى انت كافر..

ماكنتش عارف أعمل ايه؟؟

سيبت موضوع السفينة خالص واتجهت بعقل مشوش وقلب محطم الى جزئية أخرى.. الى الحاجات اللى

هم بيقولوها علينا.. والغلطات اللى هم مطلعنهلنا..

المهم.. زى ما اتفقنا مش حابص على أى غلطات يطلعوها فى الروايات والأحاديث الشريفة.. انا كمسلم..

مؤمن بيها.. بس عارف انها عرضة للتحريف..

يعنى لازم الغلط او التناقض أو الشئ الغير منطقى يكون فى القرآن

حابدأ كده رحلة جديده..رحله يا اما حاتقضى عليا.. يا اما حاتفوقنى..ادعولى..


بالمناسبة..حد يعرف حقيقة موضوع سفينة نوح؟؟

انا آسف مش حاقوله دلوقتى عشان تبقوا عايشين معايا لحظة بلحظة..

اللى يعرف يتفضل يقول..وانا برده حاقول فى الآخر ان شاء الله.

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 10:04 pm

more_horiz
تسلم يا ماجيك
رحلة شاب مشتت من الشك لليقين .. قصه واقعيه مطروحه للمناقشه 330-Thanks

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالسبت مارس 06, 2010 10:44 pm

more_horiz


ياسعيد

خلي المناقشة لاخر الحلقات افضل

كلنا بنشوف الموضوع ومهتمين بية

وان شاء الله هيكون النقاش علية كتير جدا

استمر انت وعايزين نوصل للنهاية

وبعدين نتناقش استمر

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأحد مارس 07, 2010 7:00 am

more_horiz

الحلقة السادسة(المقياس)






انا دلوقتى مشوش..مش فاهم حاجة وادينى داخل على مرحلة جامدة قوى

حاشوف بالظبط بيقولوا علينا ايه.. ومش حاسمع كلام حد.. انا دلوقتى مابصدقش أى حد

وحاحط قوانين حامشى عليها فى البحث بتاعى..

1-ممنوع آخد رأى حد..أنا حاسأل أسئلة محددة وعايز اجابات مقنعة بدون محاولات اقناع وحاحكم انا بعقلى

2- لو كنت حاسأل حد يبقى حاسأل كل واحد فى دينه و مش حادى فرصة لحد يقنعنى..

كل اللى عليه انه يجاوبنى ويسيب موضوع الاقتناع ده ليا انا

3-انا عندى دلوقتى كتابين واحد منهم أكيد هو اللى صح.. ماينفعش الاتنين

4-طبعا عشان كل واحد فيهم بيقول كلام غير التانى

5-الاعجاز فى الكتاب المقدس شئ طبيعى لو لقيته ومش نقطة على حساب القرآن ولا حاجة...

وده عشان القرآن بيقول انه اتحرف.. يعنى برده لسه فيه ريحه من كلام ربنا

6-طب أعرف منين انهى كتاب اللى صح فيهم؟؟..
بسيطة..

حسب كلام النصارى.. ان القرآن مش كلام الله.. عشان لو كان كلام الله كانوا لازم يؤمنوا بيه..وطالما انه

مش كلام ربنا.. يبقى لازم فيه أخطاء وتناقضات.. وحاجات هبله ماتصدرش من اله

وحسب كلامنا يا مسلمين.. ان الكتاب المقدس محرف.. وده يخلى التوازن الالهى يختل.. يبقى لازم فيه

أخطاء وتناقضات.. وحاجات هبله ماتصدرش من اله

شوفتوا تعبت اد ايه عشان أوصل لقانون يحكملى اذا كان ده كلام ربنا ولا لاء؟؟

وطبعا القانون ده موجود فى القرآن وكان يغنينى عن التفكير بمنتهى البساطه

بسم الله ارحمن الرحيم

"افلا يتدبرون القرآن.. ولو كان من عند غير الله لوجدوا فيه اختلافا كثيرا"

شايفين العظمة؟؟ ماتتخيلوش سعادتى كانت اد ايه لما توصلت بعقلى لحاجة فى القرآن..

بس انا قلت ايه؟؟؟ حاصبر شوية واتلمس الحقائق بإديه

ودلوقتى.. هدوَر على المتناقضات.. الكتاب اللى يطلع فيه غلطة أو تناقض أو كلام أهبل.. يبقى خلاص..

الصراع اتحسم.. لاحظوا ياجماعه انى ماقطعتش الصلاه ولو للحظة واحده.. بس قلبى كان عليه غبار

ساعتها.. ودلوقتى بقة.. ومن الحلقة القادمة انشاء الله.. يبدأ الجد.. وتتوالى المفاجآت.. بدأت أشوف

بتعمق هما بيقولوا ايه علينا.. ودى كانت فعلا اكتر مرحلة عقلى اتشوش فيها.. الله لايرجعها


المفاجآت جت وحده ورا التانية.. لدرجة انى ماكنتش هاقدر استحمل.. المفاجآت جت على 4 مراحل:

1-مرحلة هما بيقولوا علينا ايه؟؟

2-مرحلة احنا بنقول عليهم ايه؟؟

3-مرحلة هم عندهم فعلا ايه؟؟

4-مرحلة احنا عندنا فعلا ايه؟؟

ومعادنا المرة الجاية مع أول مفاجأة فى أول مرحلة.. ابقوا سدّوا ودانكم وغمّوا عنيكم..

واللى ايمانوا ضعيف يستنى لاخر الحلقات واللى ايمانوا قوى يفكر بعقلوا ويطلع الغلط قبل ما أقوله فى الآخر.


descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأحد مارس 07, 2010 8:19 pm

more_horiz
الحلقة السابعة (سورة النورين)





حد سمع فيكم عن اسم السوره دي قبل كده؟؟ طب دوروا فى المصحف تانى واتأكدوا..

مفيش!!! صح؟؟ طبعا مفيش!!!!

ده كانت أول حاجة قابلتنى من الحاجات اللى بيقولوها علينا

موقع منيل بنيلة (هم طبعا مواقع ماتتعدش.. بس ده أول واحد تعمقت فيه)

طبعا مستحيل أقول أسماء المواقع ده وأنصحكم ماتدوروش.. اسمعوا حكايتى للآخر.. وبعديها اعملوا اللى

انتوا عايزينه ... المهم..ّنزلت ملف من الموقع ده.. عبارة عن ملف كتابة من النوع pdf وده عنوانه

((القرآن بين العصمة والتحريف))

وطبعا بادئ الاستاذ اندراوس (المؤلف) بالترحيب بالمسلمين.. وان المسلمين

بيتهموهم ليل ونهار بان كتابهم محرف.. و و و.. الخ

أول فصل بدأ يتكلم فيه عن القراءآت المختلفة للقرآن.. وبيقول ازاى تقولوا ماتحرفش.. وازاى تقولوا فيه

قراءات؟؟

قلت فى عقل بالى ايه يعنى.. موضوع القراءات ده معروف من زمان والقرآن نزل على سبعة أحرف فعلا

وهى قراءات مختلفة وليست نصوص مختلفة ... ثم بدأ يتعرض لآحاديث على ألسنة الصحابة والصديقين

والسيدة عائشة رضى الله عنها تثبت ان القرآن قد نقص منه الكثير

لن أتحدث عن مدى صحة هذه الاحاديث..فأنا لم أبحث عنها..فقد قلت لكم..لقد وضعت المبادئ التى

سأمشى عليها..ّعايزين شككونى فى الاسلام والقرآن؟؟

يبقى من القرآن نفسه

الأحاديث أنا كمسم مؤمن بيها آه..بس مش محفوظة..يعنى لو زنقت عليا أوى حقلك مش صحيح!!!!ّ

أنا مؤمن بحاجة واحدة.."انا نحن نزلنا الذكر وانا له لحافظون"ّ

عايزين تبوظوها؟؟يبقى من القرآن..مش من أى حاجة تانيه..ّوزى مايكون الراجل عارف

وكان المعاد مع سورة النورين..ّ التحدى فى القرآن واضح.."سورة من مثله"ّ

ولو كانت سورة النورين دي من مثله يبقى كده خطر..ّ

المهم بدأت أقرأ السوره المزعومه..ّالحاج أندراوس بيقول..ان السورة ده بيؤمن

بيها الشيعه على انها من القرآن..ولكن السنيين حذفوها!!!!ّ

والتحدى مكتوب كده بالنص..ّلو كانت سورة من القرآن..يبقى حتة "انا نحن نزلنا الذكر وانا

له لحافظون" راحت(معاذ الله) عشان كده يبقى فيه تحريف ونقصانّ

ولو ماكانتش من القرآن..يبقى حتة"فأتوا بسورة من مثله" باظت(معاذ الله) على

أساس انها شبه القرآن فى الألفاظ والصيغةّ طبعا اكراما للشيعة..النور التانى اللى هو سيدنا على!!

ّايه رأيكم فى الورطه دي ؟؟انا مش حاكتبلم السوره انا مش ناقص بلاوى..ّ

بس حاكتبلكم منها الآيات اللى أثبت لنفسى بيها ادعاء هذه السوره..ّ

1-آمنوا بالنورين أنزلناهما يتلوان عليكم آياتى ويحذرانكم عذاب يوم عظيم

2-ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..وكرمناه على أهلك أجمعين
دول الآيتين..هم كفيلين انكم تحكموا على الأسلوب

(على فكره..بعد ما فقت لنفسى تانى اكتشفت ركاكة الأسلوب..وكأن ربنا كان مغمينى شويه..بس الحمد

لله)ّ

المهم ان أسلوبها ساعتها حسيت انه زى...مش قادر أقولها..افهموها انتوا..بس والله العظيم زى مايكون

وحى جالى..هو يعنى لما ربنا يقول سوره من مثله..هو القرآن ألفاظ وبس؟؟

دور شويه فيها..ّوالحمد لله..اكتشفت الغلط من الآيتين دول..وساعتها..لاقيتها ركيكة ضعيفة..لاترقى تماما

للمقارنة أساسا!!!ّ طبعا انا اكتشفت الغلط بعدين..وحقولوا فى وقته انشاء الله..ها..ايه رأيكم فى مفاجأة

النهارده؟؟..ّ

طبعا انا دماغى دلوقتى بايظه..ّ اللى بوظهالى مش السوره المزعومه أكتر من انى اكتشفت انى اللى

بنقوله..هما كمان بيقولوه..ّاحنا بنقول على كتابهم محرف..اتاريهم مش ساكتين..وبيردوا كمان..ّوسؤال كبر

فى دماغى؟؟ميين الصح؟؟مين الكداب(طبعا مش احنا)ّ

قمت بعديها صليت ..ودعيت..يارب انا عايزك..وانا عارف انك بتحب اللى عايزك ..ماتطولش عليا الموضوع

ده..وماتعتبرنيش من الكافرين أنا عارف ان الاسلام صح..بس انا فيا حاجة غلط..ساعدنى يارب

الحلقة الجايه معادنا مع مفاجأة مدويه..ّ

انتظرونى..وادعولى..ّ

لا اله الا الله

نشاهد فى الحلقه القادمة:ّ


1-يانهار اسود؟؟كان شيخ وبعدين...؟؟

2-لا..دى ناس دارسة كويس أوى

3-أمك مصريه مسيحيه؟؟

4-مش عارفه أقولك ايه..بس أنا درست اسلام..ومش عارفه المفروض اقولك الكلام ده ولا لا؟؟

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأحد مارس 07, 2010 8:31 pm

more_horiz



اخي العزيز :
اعلم جيدا بدون مفاجآت ان دستورنا هوا الفرآن الشربف

وهوا حقيقة ولا تبديل ولا تحويل

حتى ان تقوم الساعة

اليوم اكملت لكم دينكم واتممت عليكم نعمتي ورضيت لكم الاسلام دينا

رفعت الاقلام وجفت الصحف

استمر يا اخي العزيز

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأحد مارس 07, 2010 9:51 pm

more_horiz

لحلقة الثامنة (الفيل ما الفيل..وما أدراك ما الفيل)..؟







قبل ما أبدأ فى أحداث الحلقة دي .. أحب أوضح حاجة.. واللى حاقوله دلوقتى ده اجتهادى أنا الشخصى

والله أعلم بصحته.. عايز أقول حاجة.. ان زمان العرب كانوا قوم فصاحة وبلاغة..

ومع ذلك ماقدروش يقلدوا القرآن فى أى حاجة.. ولما حاولوا.. زى شوية الناس اللى ادعت النبوه زى

مسيلمة الكذاب والأسود العنسى.. طلعوا كلام مايقولوش عيل صغير بالعكس..

كلام فى غاية العته.. وقالوا عليه قرآن!!!! زى مثلا

الفيل ما الفيل.. وما أدراك ما الفيل.. له ذنب وبيل... وخرطوم طويل!!!!! شوفتوا

الهبل؟؟؟

لكن نلاحظ فى الآيات بتاعة سورة النورين المزعومه.. انها أكثر حبكه.. بل قد تنطوى على البعض.. وقد

تساءلت فى نفسى لماذا؟؟

لماذا أيام فصاحة يقولوا كلام أهبل.. ودلوقتى يكون التقليد أحسن شوية؟؟ ايه الحكمة؟؟؟

فكرت كتير فى الموضوع ده.. ووصلت لحل واحد.. وياريت أسمع آراءكم..

نحن نعلم أن القرآن ملئ بالمعجزات من جميع الأنواع وفى جميع النواحى.. بس زمان.. كان الجانب اللغوى..

هو الجانب الوحيد المدرك من الاعجاز القرآنى.. ولو ربنا كان ساب حد يقول كلام محبوك شويه..

حتى لو كان ملئ بالاخطاء العلمية وغيرها اللى ماكنش حد حاياخد باله من وجودها اساسا..

كانت بقت حتة "سورة من مثله" انضربت(معاذ الله)..

وده ماكنش ممكن يحصل.. أما الان.. فقد تطورت الدنيا.. وأصبح موضوع "سورة من مثله"

ماينطبقش على الاعجاز اللغوى (الذى لايمكن محاكاته) فقط.. بل أيضا على باقى المعجزات.. علميا وفقهيا

ونفسيا (حيث أن سماع القرآن يؤدى الى سكون الأعضاء وهدوء الأعصاب).. يعنى من الآخر.. مستحيل

يكون فيه سورة من مثله أبدا عشان كده سورة النورين المزعومة.. حتى لو كانت شبه القرآن فى الألفاظ

(وطبعا هى لا تمت له بصلة.. بس بقول لو).. يبقى برده مش من مثله.. ناقصها حاجات كتير يارب تكونوا

فهمتونى!!!!؟

ده كان اجتهادى فى محاولة تفسير (ليه زمان قالوا كلام عبيط.. ودلوقتى الكلام أقل عبطا.. مع ان المفروض

العكس)؟؟ ياريت أسمع آراءكم

ده طبعا غير الأخطاء الى حاوضحهالكم ان شاء الله فى الآخر فى الآيتين المزعومتين الى كتبتهم.. المهم..

احنا وقفنا المرة اللى فاتت فيين؟؟

آه بعدما قريت أول حجة بيقولوها علينا

وطبعا لا أخفى عليكم.. كنت منهار.. الشيطان الله يحرقه أكتر ماهو محروق.. لعب فى دماغى لعبة الموت!!!

واستمريت فى البحث وراء مايقولون.. طبعا فيه شبهات عبيطه بيحاولوا يقولوها لاترقى الى مستوى الشبهة

ولا تستطيع اقناع طفل صغير بها.. فمثلا

بعضهم يثيرون الشبهات حول الاية التى تقول

"فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئاً فَرِيّاً. يَا أُخْتَ هَارُونَ مَا كَانَ أَبُوكِ اِمْرَأَ سَوْءٍ وَمَا كَانَتْ أُمُّكِ بَغِيا"

فكيف يقول القرآن إنها بنت عمران أبي موسى النبي وإنها أخت هارون، مع أن بينها وبين عمران وهارون

وموسى ألف وستمائة سنة؟!

ويمكنك أن تتخيل أى رد.. فيمكن أن يكون صحيحا.. يمكنك أن تتخيل أن والدها اسمه عمران.. ولها أخ اسمه

هارون.. ومن يدريك؟؟

يمكنك أن تتخيل أن المقصود بأنها تنحدر من نسلهم فهى أخت هارون لأنها من نسله.. والمقصود أنها من

نسل شريف.. وغيرها من التبريرات التى تريح العقل دون مجهود

وهكذا وجدتهم (بيهجّصوا) كتير أوى أوى أوى.. وده ريح أعصابى شويه.. بس مايمنعش أن في حاجات تانيه

كانت بتيجى على الجرح.. وماكنتش بعرف أرد عليها.. بس كنت بجمع كل حاجة معرفهاش عشان أستعد

للسؤال وفضلت كده.. لحد ماقابلتنى الصفحة ده

حوار صريح حول الإسلام

خادم الرب: بولس عبد المسيح (الشيخ محمد النجار سابقاً)!!!!!!!!!!!!!!!!!!

يانهار اسود!!!؟؟ كان شيخ وبعدين...!!!؟؟؟

ده كان عنوان الصفحة.. وعلى فكرة.. اكتشفت بعد كده حاجات من ده كتير يعنى زى احنا مابنسمع عن

ناس بتسلم هم كمان بيسمعوا عن مسلمين بيتنصروا.. لأ.. وبيتهودوا كمان!!!

وأكتر ماحنا بنسمع كمان وبدت أقرأ الصفحة .. ويارتنى ماقريت... أسلوب ساحر.. قوى.. دارس.. فاهم..

خلانى أمشى معاه للآخر

مش حاقدر أقولكم طبعا خادم الرب ده قال ايه.. سواء كان الكلام ده حقيقى ولا لا.. بس حاعرض جزء صغير

من كلامه:

"أما كتابي هذا (هل الإسلام من عند الله) فهو حصيلة محاوراتي هنا في بلدي أجريته مع إخوة مسلمين

من جنسيات مختلفة، وأشكر الله أنني أحتفظ بصداقة معظمهم رغم التباين الكبير بين آراء كل منا، لكن هذا

لم يمنع حدوث احتكاكات مع بعضهم وحدوث تصرفات مؤلمة من جانبهم,, وقد حاول أحدهم خنقي بيده،

وآخر هددني بالقتل، ناهيك على السيل العارم من الشتائم الجارحة، لكني أحب الجميع, والمسيحية التي

آمنت بها تعلمني أن المحبة تحتمل كل شيء من أجل بلوغ الهدف وهو الله، أسمى هدف يمكن أن يبلغه

الإنسان - وقد وضع الله في قلبي محبة كبيرة جداً لإخوتي المسلمين، ليس ذلك فحسب بل ما هو أبعد

من ذلك، فلقد شاء الله أن يختارني للتبشير لهم بالرب يسوع المخلص الوحيد والذي لا يوجد أحد غيره

ينبغي به أن يخلص الإنسان؟ فهذه هي رسالتي تجاههم، والتي لأجلها أعيش ولأجلها أيضاً سأموت حينما

يحين الوقت وهو الآن صار قريباً جداً عن أي وقت مضى - لأن ما كنت أقوله هامساً صرت أنادي به بصوت

عالٍ"

دي كانت المقدمة.. فلم يسعنى الا انى أمشى وراه للأخر..

يانهار اسود.. الراجل ده يا اما كان مسلم فعلا.. ياما مستشرق من الجامدين قوى اللى عارفين بيقولوا ايه

لا.. دى ناس دارسة كويس أوى وطبعا كان تركيزه كله.. على جزئين رئيسين:

1-القتال والحروب فى الاسلام

2-التحريف فى القرآن مستندا فى ذلك على أحاديث للصحابة والتابعين
(وطبعا ده حنتجاهله لاسباب قلناها قبلا)

أما جزء القتال.. فلن أحدثكم عن الأسلوب ولا عن الطريقة التى تناول بها الموضوع.. وخاصة حينما تعرض

للايات التى تحث المؤمنين على القتال فى القرآن ورغم قراءاتى السابقة.. وفهمى لموضوع القتال من أجل

اعلاء كلمة الحق.. الا انه استطاع ان يضربنى فى مقتل وللعلم. كانت هذه هى أكثر النقاط استحواذا على

عقلى وقد تطلب منى الأمر مجهودا قاتلا ودعاءا مستمرا حتى أستطيع أعادة فهمها من جديد.. والحمد

لله.. وسأشرح لكم موضوع القتل والجزية.. وسأثبت لكم أنشاء الله.. أنها بالفعل.. حق واقع.. وسنة الهيه

على البشر..

لا اله الا الله

نشاهد فى الحلقه القادمة:
------------------------

1-أمك مصريه مسيحيه؟؟

2-مش عارفه أقولك ايه..بس أنا درست اسلام..ومش عارفه المفروض اقولك الكلام ده ولا لا؟؟

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالإثنين مارس 08, 2010 8:30 pm

more_horiz


اول مخالفة في هذا الحلقة

هيا ان شيخ ويتحول الى دين اخر


هذة المعلومة غير منطقية على الاطلاق

ومهما اتو من دلائل لا تدخل عقولنا كمسلمين

لاننا نعلم لو جائو لنا بكل ما يبهر العقول لالا يتحول مسلم الى ديانة اخري

وتلك المعلومة التى ازعموها عن تلك الشخص

هيا لعبة من بنات افكارهم من اجل تساوي الاديان بحيث يقولون الدين متساوي عند الطرفين

ناس تأسلم منهم

وآخرين يتركون الاسلام

ولاكن هيهات هيهات لما يقولون ويزعمون

شكرااا لك استمر يا صديقي

النهاية بدئت بشاريها تظهر

شكرااا

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالإثنين مارس 08, 2010 9:33 pm

more_horiz

الحلقة التاسعة(شوية فوقان)؟





وقفنا لحد فين؟


لحد ما الحاج خادم الرب بولس (محمد سابقا) لعب لى فى دماغى.. وكركبها فوق راسى وانتوا عارفين..

أنا ماكنتش ناقص ... المهم واتفقنا على ان اسلوبه كان ساحر فعلا وكان دارس فعلا وكان النقط اللى

بيتكلم من منطلقها .. نقطتين

1-القتال وكيف يكون هناك دين لله.. ينتشر بالفتوحات والمعارك.. بدلا من الحب والتسامح.. وذكر ليؤكد ذلك

آيات القتال.. ورحله مع الفتوحات.. وما فعله قادة المسلمين لنشر الاسلام وأحب أن أقول لكم أن الأسلوب

هو قوة هذا الرجل فلو عندك اللباقة الكاملة.. تستطيع أن تقنع من تشاء بأى شئ دون أن يدرى

فمثلا لو اتنين مخطوبين والحماتين مابيزوروش بعض كالعادة لو قعدت مع أم العريس حاتقنعك ان أم العروسة

المفروض هى اللى تزورها وتتصل بيها وتسلم عليها ولو قعدت مع أم العروسة.. حاتقنعك ان أم العريس

هى اللى تزورها وتتصل بيها وتسلم عليها بس بمجرد تغيير أسلوب الكلام والحكاية.. مع قليل من الكذب

وهذا مافعله هذا الرجل.. بأسلوب شيطانى غريب.. وبذكر نفس الحقائق.. استطاع أن يحول هذه الفتوحات

فى فكرى من بطولات الى جرائم رغم أنى أقرا سيرة هذه الفتوحات منذ نعومة أظافرى طبعا لست بحاجة

لان أقول لكم ان ربنا فتح عليا وطير الكلام الفاضى ده من دماغى ومش كده وبس..

دى الفتوحات ده حاكلمكم عليها وعلى حكمتها وحاسبتلكم بالدليل القاطع.. ان الاسلام(واقسم بالله على

هذا) هو دين البراءة كلها براءة الأطفال آه والله.. مافيش على وجه الأرض كلها دين.. يقول للمؤمنين.

(اذا استجار بكم الكافر فأجيروه)؟!؟

2-النقطة التانيه.. هى حتة ان القرآن اللى معانا مش كامل..ان فيه آيات كاملة ناقصة

وطبعا هو عايز يوصل لان القرآن اتحرف.. وده معناه انه مش كلام ربنا وعرض شوية آيات برده كالعادة..

بس آيات مفقوسة المره ده شويه وتعرض فيها لنقطة جيدة فعلا

وهى أن المصدر الرئيسى للقرآن.. الذى أخذت منه كل المصاحف.. هو مصحف عثمان (موجود بمتحف فى

تركيا) هذا المصحف مكتوب بدون نقط.. فلم تكن النقط قد وضعت بعد فى اللغة العربية ووضعت النقاط بعد

ذلك.. والسؤال الذى يطرحه السيد المبجل هو:

كيف نضمن أن الكلام واحد,, فمثلا يمكنك أن تقول (اذا جاءكم فاسق بنبأ فتبينوا)

ويمكن أن تقول (فتثبتوا) .. فكيف تضمن أن ما وصلك صحيح؟؟

كيف يكون القرآن محفوظ بعد ذلك؟؟

وهذه النقطة سأرد عليها الآن لاهميتها

أولا:- القرآن تم جمعه فى عهد عثمان بن عفان رضى الله عنه.. وتحت اشراف

كبار الصحابة وهم اناس حفظوا القرآن عن ظهر قلب.. وكان كل واحد منهم كفيل بكتابته بمفرده ولكن هذا

لم يحدث فكانت كل آيه يجب ان يوافق عليها اثنان من كبار الصحابة حفظة القرآن.. اذا اختلفا فى حرف. .يتم

الاحتكام الى اثنان غيرهم ليؤكدوا كلام أحدهم(وهذا الاختلاف لم يحدث) فلا مجال اطلاقا ان تهرب آيه من

بين أيديهم وبالتالى.. مصحف عثمان الموجود بتركيا.. هو كل القرآن الذى أتى به محمد صلى الله عليه

وسلم.. دون نقصان اولم يصدق الله حين قال (انا له لحافظون) ؟؟

ثانيا :-جزئية التنقيط القرآن ليس معتمدا على قراءته..بل معتمد على سماعه

والدليل على هذا أحكام التلاوه المختلفة والوقف والمد والاضغام و و و.. موال كبير

كل ده منين؟؟

من سماعه.. وليس من قراءته اذن هو محفوظ فى مصحف واحد.. وأحكام قراءته ثابته فى كل المصاحف..

بل ومحفوظ فى الصدور قبل ذلك اولم يصدق الله حين قال (انا له لحافظون) ؟؟

ثالثا:-لماذا أحرق سيدناعثمان بقية المصاحف التى كانت موجوده؟؟

الأخ بولس بيقول عشان كانت فيها نصوص مختلفة.. كذب والله والحقيقة أنها كانت مكتوبة بتقاليد أكثر منها

بلغة.. بمعنى لما أكتبلكم ma3lesh أكيد حتفهموا انى أقصد اكتب معلش .. مش أى حاجة تانيه.. وانا

كاتبها كده عشان النطق.. وممكن جدا ناس كتير ماتفهمش

وهو ده اللى حصل بالظبط كانت كل قبيله عشان تحافظ على لهجة قريش (اللهجة التى نزل بها القرآن)

فكانت بتضطر انها تكتب بطريقتها الخاصة.. عشان تحافظ على النطق وده خلى سيدنا عثمان يقلق..عشان

على المدى الطويل حس ان ده ممكن يؤدى الى تحريف.. فأمر بحرق كل هذه المصاحف.. وكتابته بخط

قانونى.. أظن مافيش حرص أكتر من كده

اولم يصدق الله حين قال (انا له لحافظون) ؟؟

رابعا:-القراءات المختلفة.. وده بقى مافيهاش أى مشاكل. وحانقول فيها حتة تبينوا وتثبتوا. وحاكلمكم عليها فى الآخر ان شاء الله

طبعا الصفحة دي ماكانتش الوحيدة اللى أنا قريتها.. فيه حاجات من ده كتير.. أربع شهور متصلة من العك

ده.. لما خلاص.. كنت محتاج معجزه الهيه عشان أستعيد ثقتى فى الاسلام تانى وطبعا كانت فيه شبهات

كتير قوى اتجمعت فى دماغى.. وكنت حاشيلها عشان أسأل فيها وحبقى أقولكم فى الآخر ان شاء الله

أمثلة منها والرد عليها وصدقوا او ماتصدقوش

حصلت المعجزة.. فى أحداثها ماهياش معجزة بس وقت حدوثها هو المعجزة الحقيقية

فمع استمرار صلاتى ودعائى وبكائى لله عز وجل.. استجاب لى.. وبدأت الأمور تتضح.. ولكن بالتدريج مع

صديقة كندية.. أعرفها منذ أكثر من عام.. ومرة قالت لى ان امها مصرية مسيحية طبعا مافوتش الفرصة..

حبها لمصر وللمسلمين وكرهها لليهود.. جعلنى أتجرأ.. وأصارحها بما يجول بخاطرى وكان الرد مفاجاة

مفاجأة الى أبعد الحدود قالت لى مش عارفه أقولك ايه.. بس أنا درست اسلام.. ومش عارفه المفروض

اقولك الكلام ده ولا لا؟؟ و..و

الحلقة الجاية بقى ان شاء الله

ماتنسونيش

لا اله الا الله
نشاهد فى الحلقه القادمة:ّ


1-صدقنى يا حسام..لازم تراجع نفسك

2-ايه ده؟؟مافيش حد فاهم دينه فيكوا خالص؟؟

3-انت سامع اللى أنا سامعه يامحمد!!!!!!!!!!!!؟؟؟

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالإثنين مارس 08, 2010 9:41 pm

more_horiz
ياجامد يامجيكو

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالثلاثاء مارس 09, 2010 12:35 am

more_horiz
الله ينور
رحلة شاب مشتت من الشك لليقين .. قصه واقعيه مطروحه للمناقشه 0163

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالثلاثاء مارس 09, 2010 7:21 pm

more_horiz


كمل ياسعيد كمل الحكاية

انا معاك للاخر

وربنا يستر

سبحان الله وبحمدة سبحان الله العظيم

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالثلاثاء مارس 09, 2010 7:43 pm

more_horiz
الحلقة العاشرة (عودة مقبولة)؟





اتفقنا انى فضلت حوالى 4 شهور أقرأ فى الانتقادات التى يوجهها غير المسلمين..أو فى الغالب اليهود

وباللغة العربية الى الاسلام وطبعا بعض هذه الانتقادات شككنى فى نفسى والغريبة ان أشهر انتقاد

بيوجهوا للمسلمين..اللى هو بتاع تعدد زوجات الرسول عليه الصلاة والسلام..

وزواجه من أمنا عائشة وهى بنت9 سنين..عمرى مافكرت فيه!!!!؟ ولا أثر فيا اطلاقا..حد يعرف ليه؟؟

تمام عشان أنا قولتكم المبادئ اللى أنا ماشى عليهاعايزين تشككونى فى الاسلام..يبقى من

القرآن..ماتلعبوش على أى حاجة تانية

( وانشاء الله..الجزئية ده خاصة(تعدد الزوجات..وأمنا عائشة..والحديث القائل"حبّب الى من الدنيا

النساءوالطيب") حارد عليها رد يشفى الصدور انشاء الله..بس فى الآخر برده وخاصة..أنكم و قرأتم مايقولون

عن الرسول..وعن أمى عائشة رضى الله عنها..وكلامهم اللى أقل حاجة يتوصف بيها انه قليل الأدب عن

حياة الرسول الخاصة جدا..ممكن تولعوا من الغضب حاكم الكلام فى الحاجات ده عندهم سهل

قوى..مافيش كسوف..وحايتكسفو ليه؟؟

اذا كان عندهم ربنا مغرق الدنيا كلام عن الحاجات ده فى التوراه

اذا كان عندهم سيدنا لوط زنى بابنتيه دون أن يعلم(تكوين 19\30-3!!!!؟ معاذ الله

ماعلينا.أنا ماكنتش لسه عرفت عنهم حاجات كتير..كان كل اللى قريته فى كتبهم..اللى حبوا

يقروهولى..الكلام الحلو المحترم..نكمل حكاية البنت الكندية أنا كنت فعلا تعبان..وحكيتلها على تفكيرى وكان

ردها مفاجئ وغريب الى أقصى درجة قالت لى مش عارفه أقولك ايه..بس أنا درست اسلام..ومش عارفه

المفروض اقولك الكلام ده ولا لا؟؟

أنا قلت أكيد بتشاور عقلها فى الاسلام قلتلها ايه..بتفكرى فى الاسلام ولا حاجة؟؟

قالتلى بالعكس..!! أنا مسيحية حتى النخاع..وأعشق مسيحيتى الى أبعد الحدود..ولايمكن أن يساورنى

الشك فيها

قلتلها طب ايه اللى حاتقوليه قالت عشان تبقى عارف..كل أصحاب وحبايب وجيران ماما فى

مصر..مسلمين..وماما هى اللى حببتنى فى المسلمين..وكرهتنى فى اليهود..وانا اتربيت على كده أنا

عارفة كويس ان الاسلام مش بالصورة الى وصللنا..بالعكس..أنا عارفة انه عكس كده تماما وعارفة ان

الاختلاف مابينا وبينكم فى جزئية نبوة عيسى(نبى ولا ابن الله)..بس أنا مش شايفة ان ده..يعمل الصراعات

ده كلها وعشان تبقى عارف..أنا بحترم تعاليم الاسلام جدا زى الحجاب والخمر والقمار..وشايفة ان الحجاب

خاصة ده أكبر حماية للمرأة اللى أنا عايزة أقولهولك..انى درست اسلام وكل الدراسات بتقول انه أسرع

ديانة فى الانتشار ومع عام 2030..حاتبقى أغلبية الغرب..مسلمة!!!!!!!!!

ايه ده؟؟؟!!!؟؟؟ قلتلها طب مافكرتيش فى الاسلام ليه يا لارا؟؟ قالتلى..مافيش سبب محدد.أكتر من انى

بحب مسيحيتى قلتلها مش ممكن تكونى غلط؟؟ قالتلى ممكن طبعا قلتلها طب والحل ساعتها؟؟

قالتلى i don't know! ماكملتش كلام معاها فى الموضوع ده..عشان كانت بتتنرفز شويه..بس أنا اخدت

منها طرف الخيط آدى أول نقطه اهه باعتراف الغرب الاسلام بينتشر من غير ما حد يعمل حاجة لا بحد

السيف..ولا بقتال ..ولا غصب عن حد..سامع ياحج بولس(أو محمد النجار؟؟)..؟يعنى الاسلام طالع

طالع..بقتال أو من غير..واسعداه..وافرحتاه من 6 شهور مافرحتش كده ربنا يكرمك يا لارا(اسمها)..هو ده

التفكير السليم لو اليهود يبعدوا عننا..حايبقى كل المسيحين زيها كده..ونعيش كويسين..وتبقى لغة الحوار

والاقناع هى السائدة بدون لا كره ولا حساسيه لكن اليهود منهم لله..خاربين الدنيا..حتى التوراه المحرفة

بتاعتهم..هى أكتر حاجة مبوظة المسيحية

(عشان زى ماقلتلكم التوراه والانجيل فى كتاب واحد اسمه الكتاب المقدس)!؟

ربنا يهديكى يا لارا أنا دلوقتى أمامى مأموريه هامه أفتح الكتاب المقدس نفسه وياصابت..ياخابت ..كنت

خايف قوى وكان لازم حاجة تحصل تشجعنى..وماتخوفنيش وطبعا زى ماتوقعتوا..؟حصلت الحاجة حاجة

ماكنتش أتخيلها فى الوقت ده مخصوص انها تحصل..رغم انى كنت مستنيها كنت راكب الأتوبيس ومسافر أنا

وواحد صاحبى أسمه محمد واحنا قاعدين..طلع الأتوبيس قس قعد ورانا علطول..ومحدش كان جنبه

الأتوبيس كان فاضى تقريبا السواق شغل شريط قرآن الأول..أنا مابحبش القارئ ده..وحاسس ان صوته مش

حلو..وواخد بالى من اللى ورايا ماكنتش عايز أحس انه قرفان من صوت الراجل..ولا عايز أحس بيه بيقول ايه

القرف ده فقلت لمحمد(صاحبى) أنا ماباطقش القارئ ده(عشان أخينا يعرف ان القارئ هو اللى وحش)؟

وبعد ما القرآن خلّص شغل السواق شريط خطبه وكانت المفاجأة انت سامع اللى أنا سامعه

يامحمد؟؟سامع ومش مصدق ياحسام اللى ورانا كل لما يجى اسم الرسول يقول بصوت واطى عليه أفضل

الصلاة والسلام !!!!!!!! ايه ده؟؟ مش ممكن طبعا حاسيب لخيالكم كل واحد يفكر ده معناه ايه والمهم..

أنا كنت حاسس بايه وكان لازم أدخل بنفسى جوه الكتاب المقدس جه وقت كده وبفكركم مش عايز حد

يقنعنى أنا اللى حافكر واقتنع بنفسى وقبل ما حد يسأل عنها لارا مسيحية حتى النخاع وبدعيلها

بالهدايه..عشان هى فعلا من أعز أصدقائى..ادعولها معايا وادعوا لكل مسيحين مصر والعالم العربى انهم

يفوقوا لحركات اليهود زيها..واحنا كمان مش عايزين حد من بره يقول لنا عندكم فتنه احنا عايشين مع

بعض..وحانفضل كده احنا مابنهينش فى حد..وأنا ضد ان حد يحاول ينقض الانجيل بالاهانات..

(زى ما هم بيعملوا)..لأ اذكر حقائق..وسيب الباقى لعقل المستمع وده كل اللى حاعمله حارد على أهانات

وجهت لينا.وتشكيكات اتشككت في القرآن.وحاذكر حقائق انشاء الله وماتنسوش أن أبا بكر رضى الله عنه

حزن لهزيمة الروم على يد الفرس..لأن الروم مسيحين أى أصحاب كتاب أما بقى اليهود.والتوراه.فدول بقى

موالهم طويل انا حبدأ بقى..حاشوف الكتاب المقدس نفسه وحاسيب لعقلى الحكم ياترى ميين كلام

ربنا؟؟

ماتنسسوش انى متجاهل الاعجاز اللغوى فى القرآن لأسباب عادلة وأول حاجة قابلتنى قبل حتى مافتح

الكتاب المقدس كانت كالعادة مفاجأة مفاجأة بكل المقاييس حاجة لا كانت على البال ولا على الخاطر

فوجئت بان النص بتاع...

ادعولى

واستنونى

لا اله الا الله

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالثلاثاء مارس 09, 2010 10:10 pm

more_horiz


استمر يا سعيد

الموضوع كبر

وبقى شيق

استمر

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأربعاء مارس 10, 2010 12:18 am

more_horiz
رحلة شاب مشتت من الشك لليقين .. قصه واقعيه مطروحه للمناقشه 202215 رحلة شاب مشتت من الشك لليقين .. قصه واقعيه مطروحه للمناقشه 129668رحلة شاب مشتت من الشك لليقين .. قصه واقعيه مطروحه للمناقشه 202215

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأربعاء مارس 10, 2010 10:23 pm

more_horiz

11

لحلقة الحادية عشرة (الموقف اتحسن تماما)؟






راجعوا الحلقة الأخيرة.. فى آخرها كده حتلاقوا الكلام ده:

انا حبدأ بقى.. حاشوف الكتاب المقدس نفسه وحاسيب لعقلى الحكم ياترى ميين كلام ربنا؟؟

ماتنسسوش انى متجاهل الاعجاز اللغوى فى القرآن لأسباب عادلة وأول حاجة قابلتنى قبل حتى مافتح

الكتاب المقدس كانت كالعادة مفاجأة مفاجأة بكل المقاييس حاجة لا كانت على البال ولا على الخاطر

فوجئت بان الموضوع كان بسيط ومفاجئ فى نفس الوقت أنا طبعا عشان أبدأ بالترتيب..

فكان لازم أبدأ بالعهد القديم.. بس برده قلت أقرأ فكرة عامة عن الكتاب المقدس بعهديه.. الجديد(الانجيل)

والقديم(أسفار ماقبل المسيح)

المسيحين بيؤمنوا بحاجه اسمها الكتاب المقدس.. وده مقسومة الى قسمين أساسيين:

1-العهد القديم(التوراه وأسفار ما قبل عيسى صلى الله عليه وسلم) 39 سفر او قسم او كتاب

2-العهد الجديد(الانجيل)27 سفر او قسم او كتابّ يعنى المجموع 66..

ده غير 7 اسفار ممنوعين عند بعض الطوائف المسيحية

ماعلينا من الطوائف ... وعشان افهمكم التقسيمه: احنا عندنا مثلا اجزاء.. وسور.. وآيات ... هم عندهم

اسفار.. واصحاحات.. وأعداد وكل سفر له اسم..

يعنى لما أقول مثلا: متى(1\2).. يعنى سفر متى(أول سفر فى العهد الجديد) الاصحاح الأول العدد الثانى..

مفهوم؟؟

عشان حنتكلم بالشكل ده كتير بعد كده وطبعا دراستى كده اتحددت فى ديانتين.. اليهوديه والمسيحية..

وبشكل عام المسيحية.. عشان بتحتوى التوراه

طبعا فيه ناس بتقولى ياعم ايه المفاجأة لما قريت معلومات عن الكتاب المقدس كاتبينها باديهم هم..

لقيت الحقيقة التاريخية ... ده مافيش نص أصلى للعهد الجديد!!!!!!!!!!!!!!!!!!!!!!!!

اسمعوا

لاحظوا تقاسيم العهد الجديد الأربعة الأساسية

1-انجيل متى

2-انجيل مرقس

3-انجيل لوقا

4-انجيل يوحنا
أما باقى ال 27 سفرا فهى رسائل لتلاميذ عيسى.. وأعمال الرسل أين انجيل عيسى؟؟؟؟؟؟؟!!!!؟؟؟؟؟؟

ده ايه البدايه دي؟؟؟

طب احنا عندنا القرآن بيتم تدوينه من أيام الرسول عليه الصلاة والسلام..

وكان فيه نسخة رئيسية مع أمنا حفصة زوجة الرسول عليه الصلاة والسلام..

ده غير ان كل الصحابة كانو من حفظة القرآن.. ومع ذلك معتمدوش على كده وبس..

كان فيه اجراءات صارمة اتكلمنا عليها

واسمعوا الحقيقة التاريخية دي كمان.. وأتحدى حد يقول غير كده

بدأت كتابة الأناجيل فى الفترة بين 60م الى 100م..

يعنى بعد من 30 الى 70 سنة من رفع المسيح!!!!!؟

واسمعوا ده كمان أقدم المخطوطات التى عثر عليها والتى تعتبر اللبنة الأولى للعهد الجديد..

تعود لعام 200م!!!؟

يعنى بدأت كتابته بعد 30 سنة من الرفع..

وأقدم حاجة فاضلة بعد 170 سنة من الرفع!!!!!!!؟

وده والله ماهو كلامنا.. ده كلامهم هم وخدوا ده كمان النسخ الأصلية مفقوده..

ولايوجد سوى المخطوطات المذكورة وده كمان انجيل متى لغته الأساسية يرجح انها الآراميه..

وطبعا لاوجود لها.. الموجود هو الترجمات اليونانية لمترجم مجهول كل ده بلسانهم هم والله يعنى المطلوب

منى عشان أبقى مسيحي..انى أومن بكتاب اتكتب بعد رفع الى قاله بـ متوسط 40سنه ..

واتقال بلسان ناس تانيه.. ونصه الأصلى مفقود.. وأقدم مخطوطه موجوده تعود لسنة200م..

وانه مافيهوش حرف ناقص ولا متحرف!!!!!!!!؟

لأ.. ومش كده وبس من هو لوقا الذى كتب أحد الأناجيل الأربعه؟؟..

هو تلميذ بولس.. الذى هو تلميذ لبرنابا.. الذى هو تلميذ لعيسى(وللصدق..الحتة ده قرأتها فى كتب

اسلامية..بس مفيش اعتراض عليها من المسيحيين)؟

و من هو مرقس ؟؟ هو كاتب انجيل مرقس.. وليس تلميذ لعيسى.. بل تلميذ

للحوارى بطرس

طب وبقيت ال 27 سفر بتوع العهد الجديد

لالالا.. دول بقى بتوع تلاميذ سيدنا عيسى وتلاميذ تلاميذه كمان..

المفروض ان هم كتبوها بوحى من الله..!!؟ وانا بتساءل؟؟ الله؟؟

طب كل واحد ربنا أوحالوا.. عشان يكتب أنجيل اللى جابوا عيسى.. برده..فين انجيل عيسى؟؟؟؟

هل أنا بشتم؟؟ هل أنا بأقل أدبى؟؟؟

أنا ماباقولش غير الحقائق.. وسايب كل واحد وعقله وأقسم بالله العظيم.. ده كله كلامهم..

غير الحتة اللى أنا أشرت اليها ده كده حتى قبل ما أقرأ ولا كلمه.. وكل ده عن العهد الجديد..

طب والقديم؟؟

لا.. ده بقى مواله موال.. مش بتاع اليهود أساسا؟؟

لازم يكون مواله موال رغم كل ده.. بس برده أنا قلت ايه؟؟..

ماليش دعوة بأى حاجة بتتقآل.. أنا أدخل جوة الكتاب المقدس نفسه..

هو نفسه مش يمكن متى ولا بولس .. ولا .. ولا .. قالوا فعلا كلام صح؟؟ وربنا أوحالهم؟؟

حاحكم ازاى من الكتاب نفسه.. وحبدأ بالترتيب من العهد القديم وأحب أقول لكم..

أن أكبر غلطة وقع فيها المسيحين.. انهم حطوا العهد القديم مع الجديد حانعرف ليه

على فكرة. أنا قرأتهم من على الكمبيوتر.. ماهم مغرقين النت.. يعنى عينى باظت أنا بدور على ايه؟؟

فاكرين؟؟ تناقضات.. وغلطات.. وكلام أهبل

طبعا أنا معرفتش أطلع فى القرآن بنفسى.. فشوفت هم مطلعين ايه.. وعندى حصيلة جيدة مما لم أستطع

فهمه وقتها من القرآن وطبعا لو معرفتش أطلع بنفسى برده هنا.. حاشوف المسلمين بيقولوا ايه..

بس ماحتاجتش أنا لكده ومش حاخش فيه الحلقة ده عشان حاقول لكم دلوقتى على حاجة مستنينها من

زمان..

سورة النورين المزعومة كنت باكلم واحد مسلم على النت.. وقولتلوا على موضوع

السور المزعومة دي .. وازاى انا حاسس ان فيها شبه من القرآن..

وازاى أنا خايف ان حتة "سورة من مثله" تكون مش صح

أو"انا له لحافظون" تكون مش سليمة ماهى السوره ده بتلعب على الحتة ده

وعلى فكرة.. السور المزعومة كتير.. وانا قرأت منهم كتير.. بس كله مفقوس.. ومعلقش فى دماغى غير

السوره دي عشان هى أكتر واحده محبوكة فيهم من حيث اللغة

(هكذا خيل لى ولكنها طبعا لا محبوكة ولا نيلة)

قاللى بحروف كبيرة كأنه بيصرخ فيا "مستحيل مستحيل مستحيل" قلت له ليه ؟؟

قالى لا هى من مثله ولا نيلة..قلت له ليه؟

قالى لو عندك كراسة نضيفة.. كل ورقها أبيض ومتسطر وكل الأسئلة اللى فيها متجاوبة صح.. والكراسة ده

بتاعة تلميذ مجتهد ليك... وناس بيكرهوه كتير قبل كده حولوا يضيفوا ليها ورق من عندهم عشان يثبتوا ان

الولد غلط وأعداؤه كتير..وبعدين جالك واحد صاحبه معاه ورقة كده خطها يشبه خط الولد.. بس انت شاكك

فيه.. وانت عارف ان اللى جابلك الورقه ده بيكره صاحب الكراسة.. وبعدين تلاقى الورقة بتكسر النظام بتاع

الكراسة.. حتصدق ان الورقة ده تبع الكراسة؟؟

قلتلوا لأ... قالى بالتالى تبقى كراسة الولد ماتحرفتش.. والورقة المزعومة مش من مثلها صح؟؟ قلتلوا صح

قاللى وهو نفس الكلام بالظبط.. قلتلوا ازاى؟؟

قالى كلام ماقدرش أقولوا دلوقتى.. عشان كده الحلقة ده طولت قوى.. وأخاف أن حد يشوف طولها يكسل

يقراها ماتخافوش أنا كنت أشرت الى حاجات أقولها الحلقة دي .. بس الوقت سرقنى فى جزئية واحده

منها.. بتاعة النص الأصلى مفقود أوعوا تزعلوا انتظرونى ..

وادعولي



descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالأربعاء مارس 10, 2010 11:41 pm

more_horiz


منتظرين يا سعيد

وفعلا هيا الحلقة طويلة شوية

بس مفيدة

نريد النهاية على اي وجة ستنتهي

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 11, 2010 12:07 am

more_horiz
رحلة شاب مشتت من الشك لليقين .. قصه واقعيه مطروحه للمناقشه W6w_w6w_2005042717201615adc204

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 11, 2010 5:03 am

more_horiz
الله عليك ياماجيكو ملك الروائع بس لو كنا مشينا على الاتفاق كل يومين حلقه او كل يوم الموضوع كان

اصبح مشوق اكثر

بجد تسلم ايديك رائع

وانا لو منك اتمهل فى بقيه الحلقات واطرح موضيع للنقاش
جوا الموضوع من اجل استفاده الجميع

ويقرو القصه كامله متابعك من الاول للاخر

بس لو انت مكانو كنت هتعمل زيو ولا هيكون ليك وجهه نظر اخرى

وباترى حطيت نفسك مكانو قبل كدا

ياريت كلنا نجاوب على السؤال

وياريتك تطلع اسئله من الحلقات
كل حلقه بسؤال

ومتابع معاك

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 18, 2010 2:48 pm

more_horiz
12


الحلقة الثانية عشرة (ومزيد من التحسن)؟







مش حاطول عليكم..حابدأ علطول حاعيد حتة صغيرة

كنت باكلم واحد مسلم على النت.. وقلتلوا على موضوع السور المزعومة ده.. وازاى انا حاسس ان فيها

شبه من القرآن.. وازاى أنا خايف ان حتة "سورة من مثله" تكون مش صح أو

"انا له لحافظون" تكون مش سليمة ماهى السوره ده بتلعب على الحتة ده

وعلى فكرة.. السور المزعومة كتير.. وانا قرأت منهم كتير.. بس كله مفقوس.. ومعلقش فى دماغى غير

السوره ده عشان هى أكتر واحده محبوكة فيهم من حيث اللغة

(هكذا خيل لى ولكنها طبعا لا محبوكة ولا نيلة)

قاللى بحروف كبيرة كأنه بيصرخ فيا "مستحيل مستحيل مستحيل"

قلت له ليه؟

قالى لا هى من مثله ولا نيلة.. قلت له ليه؟

قالى لو عندك كراسة نضيفة.. كل ورقها أبيض ومتسطر وكل الأسئلة اللى فيها متجاوبة صح..

والكراسة ده بتاعة تلميذ مجتهد ليك. وناس كتير بيكرهوه وقبل كده حاولوا يضيفوا ليها ورق من عندهم

عشان يثبتوا ان الولد غلط وأعداؤه كتير.. وبعدين جالك واحد صاحبه معاه ورقة كده خطها يشبه خط الولد..

بس انت شاكك فيه.. وانت عارف ان اللى جابلك الورقه ده بيكره صاحب الكراسة..

وبعدين تلاقى الورقة بتكسر النظام بتاع الكراسة.. حتصدق ان الورقة ده تبع الكراسة؟

قلتلوا لأ .. قالى بالتالى تبقى كراسة الولد ماتحرفتش.. والورقة المزعومة مش من مثلها صح؟؟

قلتلوا صح قالى وهو نفس الكلام بالظبط.. قلتلوا ازاى؟؟

قالى القرآن ده هو الكراسة النضيفة اللى عايزين يوسخوها.. ويحطونا قدام خيارين:

1-محرف..

2-ممكن يتكتب زيه قلتله وضح أكتر

قالى : بص.. أنا حتاجاهل حتة انها اساسا اسلوبها متخلف عقليا.. وانا مش عارف ازاى انت بتقول ان

اسلوبها فيه شبه من القرآن.. ماشى ياسيدى أنا معاك.. بس هل ده كفايه انها تكون سورة من مثله؟؟؟

انت فاكر القرآن ألفاظ ومعانى وبس؟؟..

أنا معاك أن زمان لما كانت الناس بتحاول تقلد القرآن.. كان بيطلع كلام غريب وعبيط.. ياترى ليه..

مع انهم زمان كانوا سادة اللغة العربية؟؟

الاجابة بسيطة.. عشان ربنا عارف ان الناس ده مش فاهمة أى معجزة من معجزات القرآن غير الناحية

اللغوية.. اللى هو نزل يتحداهم فيها اساسا.. وبالتالى..

ربنا كان لايمكن يسيب حد يقول كلمتين على بعض فيهم شبه من القرآن(مجرد شبه)..

عشان كده الكلام كان عبيط قوى.. زى مثلا (الفيل ما الفيل).. (وياضفدع ياضفدعين)..

أكيد عارف الكلام ده بس دلوقتى الموضوع اختلف.. ومعجزات القرآن مش لغوية بس..

دا شفاء(يعنى طبية).. وبيريح الأعصاب(يعنى نفسية)..

ده غير المعجزات التنبؤية.. ده طبعا غير المعجزات العلمية..

وكل كل ده كوم.. والاعجاز اللغوى ده كوم تانى.. صح؟؟

قلتله : صح قاللى طيب ..احنا الأول نضرب النقطة الأولى.. ونقول ان السوره ده مش من القرآن.. وبالتالى..

القرآن مش متحرف.. وجزئية "انا له لحافظون" سليمة يبقى ماقدامهمش غير

حتة "فأتوا بسورة من مثله" .. هى اللى فاضلة..

وانا اقولك.. عشان تبقى من مثله فى زمن كل يوم بتظهر فيه كل يوم معجزة جديدة..

يبقى لازم يكون باين عليها أى شبهه من المعجزات..

مش شبه القرآن فى الألفاظ وبس (مع انها لا شبهه ولا ليها صلة بيه أساسا)

قلتله:ايه علاقة ده بحكاية الكراسة بتاعة الولد؟

قالى: بص ياسيدى.. السورة المزعومة ده وغيرها من السور.. عامله زى الورقة اللى زمايل الولد بتحاول

تحطها فى الكراسة بتاعته.. مع انها مش منها عشان بتكسر نظامها وأى سورة حاتتحط فى المصحف

زيادة.. حاتكسر الدراسة اللى عملها الدكتور طارق السويدان ده

ذكرت كلمة دنيا 115 مرة ...............وذكرت كلمة آخرة 115 مرة

ذكرت كلمة ملائكة 88 مرة................ذكرت كلمة شياطين 88 مرة

كلمة الناس50 مرة ..............................كلمة الانبياء 50 مرة

كلمة صلاح50 مرة .............................كلمة فساد50 مرة

كلمة ابليس11 مرة ................كلمة الاستعاذة من ابليس11مرة

كلمة مسلمين 41 مرة...............................كلمة جهاد 41 مرة

كلمة زكاة 32 مرة...................................كلمة بركة 32 مرة

كلمة رجل 24 مرة........................................كلمة امرأة24 مرة الصلاة خمس مرات في القران والفروض اليومية 5 ...

.ذكرت الشهور 12 مرة في القران والسنة12 شهر...

ذكر اليوم 365 مرة في القران وعدد ايام السنة 365 يوم.

ذكرت كلمت كلمة بحر في القران 32 مرة.

.ذكرت كلمة ارض في القران 13 مرة نسبة عدد ذكر الكلمات بالنسبة الى مجموع ذكر عدد كلمتي بحر او ارض

:32/(32+13)*100=71.111

نسبة ذكر كلمة ارض بالنسبة لكلمة بحر:13/(32+13)*100=28.888

النسب الفعلية لنسبة مسطح البحر واليابسة للسطح الاجمالي لمسطح كوكب الارض الذي نعيش فيه من

معجزات القرآن...

طبعا أنا صدمت...

الراجل حللى المشكلة بطريقة فى منتهى البساطة

انتوا عارفين ان لو فرضنا ان القرآن اتشال منه سور زى ما أعداء الاسلام بيقولوا..

وبعد ماتتشال منه السور.. نفاجأ بالاعجاز العددى ده معناه ايه؟؟

معناه ان اللى حرّفوا القرآن.. وشالوا منه السور والآيات اللى هم بيفتروها علينا دول عباقرة!!!!

عباقرة أكثر من سيدنا محمد نفسه اللى قال الكلام عشان يخلوا القرآن فيه هذا الاعجاز فى الميزان

الكلامى.. وطبعا معاذ الله وبما ان لايمكن ان يكون سيدنا محمد أو أى حد تانى يفضل يحسب الكلام اللى

حايقوله فى كتاب ضخم بحيث انه يطلع الاعجاز ده.. يبقى ده كلام ربنا بدون شك

لازم اللى قال الكلام ده.. يكون عارف.. ومافيش حد عنده علم أكتر من ربنا سبحانه وتعالى..

مش كده ولا ايه؟؟

وطبعا مع أول بصه على السورة..لقيت الآيتين دول

1-آمنوا بالنورين أنزلناهما يتلوان عليكم آياتى ويحذرانكم عذاب يوم عظيم

2-ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..

وكرمناه على أهلك أجمعين

وطبعا تلاحظوا ان كلمة "يوم" موجودة فى كل آية مره..

يعنى العدد يكون 367..وده يكسر المعجزة

طب ياترى ايه الأقرب للتصديق؟؟.

ان المعجزة تفضل ماشيه مع باقى المعجزات المذكورة؟؟

ولا تتكسر لسبب مشكوك فيه؟؟

أنا حاسبلكم الجواب.. بس أنا طبعا صدقت ان السورة مزعومة ولاشك وأخيرا وبعد طول غياب..

ضحكت من قلبى الموقف كده اتحسن تماما وعايز أنبهكم لحاجة..

لو عملوا أى حاجة بحيث انهم مايكسروش الاعجاز ده..

أكيد حنكتشف حاجة تانيه يكسروها.. القرآن أكتر حاجة متوازنة فى الدنيا ده

ودلوقتى جه وقت انى أقرأ السورة المزعومه ده تانى ياععععععع ايه القرف ده

ولا تشبه القرآن ولا فيها من ريحته.. وساعتها حسيت ان الفيل ما الفيل أحسن منها!!!!!!!

آه والله.. كل ما ايمانك يزيد.. كل لما تاخد بالك من العكّ..

طب مانا كنت كويس.. ليه دخلت عليا فى الأول؟؟..

الله أعلم..يمكن عشان أمر بالتجربة ده.. وأحكيهالكم..

فناس تستفيد منها.. الله أعلم وأى سورة دلوقتى مزعومة لما تقع قدامى.. أفقسها في ساعتها..

بيبان عليها..

عارفين ليه؟؟

عشان مش شبه القرآن.. يعنى مش من مثله وصدق الله العظيم حين تحداهم وقال

"فليأتوا بسورة من مثله"

وحين قال "انا نحن نزلنا الذكر..وانا له لحافظون"

وساعتها ابتدت سذاجة السور المزعومة تبان.. عشان يبان الغرض من وضعها يعنى مثلا

السوره اللى بنتكلم عليها ده.. المفروض ان الشيعه بيؤمنوا بيها عشان موضوع سيدنا على..

طب بصه كده للآية دي: ان عليا لمن المتقين.. وانا لنوفينه حقه يوم الدين.. وما نحن عن ظلمه بغافلين.. وكرمناه على أهلك أجمعين..................

الخطاب موجه لمين؟؟

لسيدنا محمد طبعا عشان بيقللوا "وكرمناه على أهلك أجمعين"..

مش كده طب حد يعرف ايه الظلم اللى تعرضلوا سيدنا على

"وما نحن عن ظلمه بغافلين" ومخلّى الشيعة زعلانين من السنّيين؟؟

ان بعد وفاة الرسول.. الخلافة راحت لأبوبكر,, ثم عمر,, ثم عثمان (رضى الله عنهم جميعا)..

رغم ان سيدنا على كان من آل البيت.. وناس كتير كانت شايفة انه أحق واحد بالخلافة..

وده سبب كره كثير من طوائف الشيعه لأبي بكر وعمر

يعنى السبب أو الظلم كان بعد الرسول مايموت.. مش قبليها حد لقطها؟؟ حد خد بالو؟؟

أنا بحترم ذكاءكم..

واللى خد بالو يقول يارب أكون قدرت أوصللكم الجزئيه ده.. هى صعبه شويه..بس برده سهله

وده بقى معاد فتح التوراه(العهد القديم)

عشان أبص فيه أنا كنت عادل كفايه.. وكان لازم أدى لكل حاجة حقها.. مين عارف..

مش يمكن بعد ده كله.. برده تكون الكتب ده ماتحرفتش واحنا على باطل؟؟ (معاذ الله)؟؟

حاشوف بنفسى.. وأنا كنت واثق من حاجة.. ان طالما ربنا عايزنا نعبده.. ي

بقى لازم يسهل الطريق علينا لما نيجى ندور عليه يعنى

1-لو القرآن مش صح؟؟يبقى بعقلى المتواضع ممكن أطلع فيه غلطات أو تناقضات

أو كلام أهبل وملقيش رد عليه

2-ولو الكتب التانيه مش صح.. يبقى بعقلى المتواضع ممكن أطلع فيه غلطات أو تناقضات

أو كلام أهبل وملقيش رد عليه


يعنى انشاء الله الموضوع والحق يظهر فى الفترة الجايه

وكان فى الفترة ده معايا كثير من الإتهامات للقرآن.. جمعتها من كتابتهم..

وماكنتش عارف أرد عليها.. بس واحدة واحده.. كنت بلاقى اجابات مقنعة..

من الشعراوى أو عمرو خالد أو ناس كتير قوى قوى

وانشاء الله فى الآخر خالص.. حاخصص حلقة أو أكثر عشان أديلكم أمثلة من الاتهامات ده والرد عليها

وده مثال

" وَهُوَ الَّذِي فِي السَّمَاء إِلَهٌ وَفِي الْأَرْضِ إِلَهٌ وَهُوَ الْحَكِيمُ الْعَلِيمُ {84 الزخرف.

كان الاتهام منهم ايه؟؟

فى اللغة العربيه.. لما تقول "قابلت الضيف..وأكرمت الضيف"

تعرف ان الضيف واحد.. لكن اما تقول"قابلت ضيفا.. وأكرمت ضيفا"

تعرف ان الضيف ده غير الضيف ده..

طب ازاى القرآن يقول "وَهُوَ الَّذِي فِي السَّمَاء إِلَهٌ وَفِي الْأَرْضِ إِلَه"؟؟؟

مش ده معناه انهم الهين؟؟ وبعترافكم؟؟

وبكده تكونوا بتقولوا نفس كلام المسيحين؟

يسوع هو الله فى الصورة البشرية؟؟يعنى اله فى الأرض؟؟

ده كان الاتهام.. وعلى فكرة.. ده من أقوى الاتهامات..

بس الشعراوى بقى الله يرحمه.. لحقنى فيها حبقى أقولكم عليها وعلى غيرها بعدين

ادعولى

لا اله الا الله
نشاهد فى الحلقه القادمة:


1-ايه ده؟؟ايه الأنوار ده كلها

2-وَرَأَى الرَّبُّ أَنَّ شَرَّ الإِنْسَانِ قَدْ كَثُرَ فِي الأَرْضِ، وَأَنَّ كُلَّ تَصَوُّرِ فِكْرِ قَلْبِهِ يَتَّسِمُ دَائِماً بِالإِثْمِ، 6فَمَلأَ قَلبَهُ الأَسَفُ وَالْحُزْنُ لأَنَّهُ خَلَقَ الإِنْسَانَ تكوين(6\5)!!!!!!!!!!

3-ياه..أخيرا عرفت موضوع السفينة


descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس مارس 18, 2010 4:00 pm

more_horiz
اخيرا ياماجيكو رجعت متابعك يامان


استمر

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس يوليو 08, 2010 4:50 pm

more_horiz
الحلقه الثالثة عشرة

{ احذروا اللعب بالألفاظ !!!! }


رحلة شاب مشتت من الشك لليقين .. قصه واقعيه مطروحه للمناقشه Fantasticpo2

حابدأ فى العهد القديم.. يعنى التوراه وأسفار ماقبل عيسى.. يعنى اليهود
وما أدراكم ما اليهود .. وحقولكم نبذه عن العهد القديم
بس أحب أوضح نقطة
الكتاب المقدس محرف.. وده مايمنعش ان فيه كثير من الهدى والنور والمعجزات
يعنى لسه فيه ريحة من كلام ربنا الغلط جه من التحريف

نبدأ بقه
يتكون العهد القديم من مجموعة ضخمة من الأسفار منها :

أسفار موسى الخمسة وهي : ( التكوين - الخروج - العدد - التثنية - اللاويون) .
الأسفار التاريخية أو أسفار الأنبياء مثل : ( يشوع - القضاة - راعوث ....وغيرها ) وهي تسعة أسفار.
أسفار السبي وهي : ( عزرا - نحميا - أستير ).
الأسفار الشعرية وهي : ( أيوب - المزامير - الأمثال - الجامعة - نشيد الأناشيد) .
الكتب النبوية أو التنبوآت وهي : ( اشعياء - ارميا - مراثي ارميا - حزقيال - دانيال )
(6) الأنبياء الصغار ومنها : ( هوشع - عاموس - زكريا - حبقوق - يونان ) وهي إثنا عشر سفرا.

ويجب الاشارة هنا ان اليهود يؤمنوا بالخمسة أسفار الأولى المنسوبة الى موسى.. وبعض الطوائف السامرية تزيد عليها سفر يشوع

وبدأت القراءة.. اللغة هى العربية طبعا.. والأسلوب قد يضحكك أحيانا..
ولكنى التمست العذر لذلك.. عشان اللغة الأصلية عبرانية.. وأنا معرفش
عبراية.. ويمكن يكون القراءة باللغة العبرية ليها تأثير مختلف تماما زى
لما تيجى تقرأ القرآن بلغة تانية.. ماتحسش فيها بسجع ولا قافية.. عشان
لغته الأصليه عربيه بس والله.. وأنا قرأت كثير من القرآن بالانجليزية.. له
قدسيته.. حتى وهو بلغة أجنبية.. اسمعوا كده

God is He Who raised the heavens without any
pillars that ye can see; is firmly established on the throne (of
authority); He has subjected the sun and the moon (to his Law)! Each
one runs (its course) for a term appointed. He doth regulate all
affairs, explaining the signs in detail, that ye may believe with
certainty in the meeting with your Lord.
الرعد
(( اللّهُ
الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ثُمَّ اسْتَوَى
عَلَى الْعَرْشِ وَسَخَّرَ الشَّمْسَ وَالْقَمَرَ كُلٌّ يَجْرِي لأَجَلٍ
مُّسَمًّى يُدَبِّرُ الأَمْرَ يُفَصِّلُ الآيَاتِ لَعَلَّكُم بِلِقَاء
رَبِّكُمْ تُوقِنُون ))

حتى بالانجليزى.. فيه حاجة تخوف.. سبحان الله التمست العذر للغة اللى بقرأ بيها التوراه وقريت
أول حاجة خالص..
سفر التكوين وأول مره ألاحظ الى حاقولوا ده
مافيش كلمة واحده فى أسفار موسى كلها (وفى باقى الكتاب المقدس).. تقول ان ربنا هو اللى قال
أو ان موسى هو اللى قال!!!!!!!!!!!!!!!!!!!؟
كله بصيغة الحكاية.. يعنى فيه واحد بيحكى.!!!؟
خلق الله.. فعل الله.. قال الرب لموسى.. قال موسى للرب..!!!!
طب كلمه واحده حتى تدل على ان القائل هو الله.. مافيش!!!!!!
كله بصيغة الغائب.. وكله بصيغة الحكاية

احنا عندنا آيات كتير فعلا فيها الكلام عن الله بصيغة الغائب
(الله لا اله الا هو الحو القيوم)
مثلا بس صيغة الكلام واضحة.. والسياق باين منه ان الله قائل هذا الكلام
وبعدين من قوة اللغة العربية.. انك بعض الأحيان تتكلم بصيغة الغائب وتكون تقصد نفسك يعنى مثلا
لما تحب تشتم نفسك.. وتكون عايز تسيب اقناع أكبر فى اللى بيسمعك.. فأسلوب الغائب أفضل من ضمير المتكلم
"حسام جبان..حسام محطم..حسام وغد..حسام انتهى..حسام زفت"
وهكذا.. ده أكثر اقناعا من انك تقول أنا كذا وأنا كذا.. هل ده معناه ان المستمع حيفهم حسام

تانى؟؟؟؟؟؟؟؟؟

مثال تانى لما يكون فيه واحد انت نصحته بنصيحه وهو معملش بيها.. واتريقت
على دماغه.... لو حبيت تلومه,, مش لما تقوله (الكلام ده اتقالك قبل كده)..
فيها تهكم أكتر من لما تقول له (انا قلتلك)؟؟؟

وانت ساعتها لما تقولوا كده حايفهم علطول انك بتفكروا انك نصحته وهو ده
الأسلوب القرآنى الذى نوع بين اسلوب الغائب وضمير المتكلم.. لمزيد من
القوة والاقناع
سبحان الله الذى بيده زمام الأمور
فما بالك لو كان الله هو القائل!!!؟؟؟؟؟؟

لكن الوضع فى التوراه مختلف.. كله بصيغة الغائب.. وحتى لو لقي حاجة بصيغة المتكلم.. حتلاقيها بتقول.. يعنى مثلا

18ثُمَّ قَالَ الرَّبُّ الإِلَهُ: "لَيْسَ مُسْتَحْسَناً أَنْ يَبْقَى
آدَمُ وَحِيداً. سَأَصْنَعُ لَهُ مُعِيناً مُشَابِهاً لَهُ تكوين(2\1

بيتهايألى فاهمنى ومن هنا ورايح.. كل الدنيا ماشيه كده... قال فعل كان هو
حتى موسى الذى من المفترض انه دوّن هذا الكتاب.. لم يقل كلمة بلسانه مثلا

11وَحَدَثَ بَعْدَ أَنْ كَبُرَ مُوسَى أَنَّهُ ذَهَبَ لِيَفْتَقِدَ
إِخْوَتَهُ الْعِبْرَانِيِّينَ وَيَشْهَدَ مَشَقَّتَهُمْ، فَلَمَحَ
رَجُلاً مِصْرِيّاً يَضْرِبُ رَجُلاً عِبْرَانِيّاً، 12فَتَلَفَّتَ
حَوْلَهُ، وَإِذْ لَمْ يَجِدْ أَحَداً هُنَاكَ قَتَلَ الْمِصْرِيَّ
وَطَمَرَهُ فِي الرَّمْلِ. خروج(2\11)

ما هذا؟؟؟
من قائل هذا الكلام؟؟
ومن الذى يحكى؟؟؟
كان يكفينى أن اكتفى بهذه النظرة السطحية.. لأقول هذا ليس كلام الله.. ولكن لم أرد أن أكون ظالما
أنا بدور على ايه؟؟
غلطات.. تناقضات.. كلام أهبل.. أصبر شويه.. يمكن برده يبقى هو كلام ربنا
اللى متحرفش وفي أول صفحة من التوراه.. لقيت أول تناقض ممكن يتشاف بالعين
المجرده.. من غير دراسات ولايحزنون
الأسفار مرتبة ترتيب زمنى .. وتقدر تقولوا عليها كتب تاريخ أكثر منها كتب للموعظه والتحذير من الآخرة
على فكرة.. التوراه كلها بجلالة أدرها.. مافيهاش سيرة للآخرة.. ولا للجنة والنار ولا العذاب والعقاب والثواب ولاحاجة
اليهود مؤمنين بايه؟؟؟
مش عارف أول حاجة.. بدأ بخلق السماء والأرض.. ومفصلهم يوم يوم ولاحظوا انتم معايا

اليوم الأول : النور"3أَمَرَ اللهُ : "لِيَكُنْ نُورٌ". فَصَارَ نُورٌ،
4وَرَأَى اللهُ النُّورَ فَاسْتَحْسَنَهُ وَفَصَلَ بَيْنَهُ وَبَيْنَ
الظَّلامِ. 5وَسَمَّى اللهُ النُّورَ نَهَاراً، أَمَّا الظَّلامُ
فَسَمَّاهُ لَيْلاً. وَهَكَذَا جَاءَ مَسَاءٌ أَعْقَبَهُ صَبَاحٌ، فَكَانَ
الْيَوْمَ الأَوَّلَ"

خلاص؟؟يعنى نفهم من كده ان الشمس اتخلقت..أمال النور جه منين؟؟؟
طب بصوا بقه

فى اليوم الرابع
(16وَخَلَقَ اللهُ نُورَيْنِ عَظِيمَيْنِ، النُّورَ الأَكْبَرَ لِيُشْرِقَ
فِي النَّهَارِ، وَالنُّورَ الأَصْغَرَ لِيُضِيءَ فِي اللَّيْلِ، كَمَا
خَلَقَ النُّجُومَ أَيْضاً. 17" )

ايه الأنوار ده كلها؟؟
يعنى ايه؟؟ لو الشمس والقمر اتخلقوا دلوقتى..
طب ايه اللى كان فى اليوم الأول

على فكرة...مايهمنيش صحة النقد للجزئية ده.. أنا اللى هممنى.. انى فعلا بعينى المجرده
ومن أول خبطة زى مابيقولوا.. وصلت لتناقض ظاهر يجب السؤال عنه
وتوالت الأحداث... مئات ومئات من الأسئلة التى تواجهنى.. ولكن بدون جواب طبعا
مش حاعرض أى حاجة فيها.. غير بعض الحاجات المؤثرة وخلاص
من هناورايح.. مش حاتكلم عنى كتير.. الصورة بدأت تتضح فى خيالى
6 شهور من قراءة الكتاب المقدس.. كفاية قوى لواحد بيدور على الحق.. انه يحكم

واسعداه... وافرحتاه.. الحمد لله ماتفتكروش ان الموضوع خلص
لالالالالالالالالالالا
لسه بدرى قوى..بس اللهجة حاتختلف شويه من واحد شاكك.. لواحد واثق... لسه
الغرض الرئيسى من كتابة الرحلة ده ماتحققش.. وهو انى اقنع المسلمين اللى
شاكين فى نفسهم
ده بقة محتاج كلام كتير خليكوا معايا.. عشان كده فعلا أقدر أقول.. ان الجد حايبدأ

بس دلوقتى بقة معاد حاجة تانيه خالص

السفينة سفينة سيدنا نوح فاكرينها؟؟؟
عمرها ماراحت من دماغى.. وكان لسه السؤال
ازاى.. تكون على أراراط.. والقرآن قال الجودى؟؟؟؟
وطبعا مع الفرحة الايمانبة اللى أنا كنت فيها ده.. ماكانش ربنا حايسبنى كده
وبالصدفة البحتة.. لقيت الحل وتخيله لقيته فيين؟؟
فى موقع تبشير!!!!!!!!!!!؟

واحد أكيد يهودى عامله... بس ماكنش واخد باله من حتة جبل الجودى طبعا مش حاقلكم على اسم أى موقع من المواقع ده.. أنا مش ناقص بلاوى

ولقيت الكلام ده

However, the video "The Discovery of Noah's
Ark" presents evidence that you can visit the remains of Noah's ark
today in Turkey, in the mountains of Ararat, 17 miles South of Mt.
Ararat at the base of Mt. Judi (Al Judi), أعتقد
الكلام مفهوم أراراط ده سلسلة جبال.من ضمنها جبل الجودى والسفينة موجودة
عند جبل الجودى تماما يعنى القرآن كان أكثر دقة فى تحديد المكان
التوراه صح
ومعنديش مانع انى أعترف انه صح.. وزى ماقلتلكم.. لسه فيه ريحه من كلام ربنا ونراجع تانى

وَاسْتَقَرَّ الْفُلْكُ عَلَى جِبَالِ أَرَارَاطَ فِي الْيَوْمِ السَّابِعَ عَشَرَ مِنَ الشَّهْرِ السَّابِعِ لِلطُّوفَانِ
تكوين(8\4)ّ

يقول تعالى
(ّوَقِيلَ يَا أَرْضُ
ابْلَعِي مَاءكِ وَيَا سَمَاءأَقْلِعِي وَغِيضَ الْمَاء وَقُضِيَ الأَم***
وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ)
سورة هود

سبحانك يا الله.. ماخلقت هذا باطلا
قد يتساءل البعض.. ليه هنا يقول أراراط.. وهنا يقول الجودى؟؟
مع العلم ان الاتنين صح؟؟
عشان تبقى الغلبة للقرآن فى النهايه.. ده وجهة نظرى ياجماعة
اللهم أنت مقلب القلوب.. ثبت قلوبنا على دينك
وهنا أحب أقول حاجة للأستاذ المسلم اللى بعتلى ال إى ميل.. وموضحش كل الحقائق
الله يسامحك ياشيخ
اللعب بالألفاظ ياجماعه.. اوعوا تلعبوا بيها.. عشان تبثوا فكرة غلط حتى لو كانت لصالح الاسلام
ماتنسوش.. الجد حايبدأ.. والردود حاتبدأ.. واللى مش واثق فيكم فى الاسلام.. عندى ليه مفاجأة صاعقة

ادعولى لو سمحتم..ده طلبى الوحيد..ادعوا من قلبكم لو سمحتم

لا اله الا الله


رحلة شاب مشتت من الشك لليقين .. قصه واقعيه مطروحه للمناقشه Fantasticpo2


نشاهد فى الحلقه القادمة:ّ

1-يااااااااااااه...المناظرة..فاكرينها

descriptionرحلة شاب مشتت من الشك لليقين .. قصه واقعيه مطروحه للمناقشه Emptyرد: رحلة شاب مشتت من الشك لليقين .. قصه واقعيه مطروحه للمناقشهالخميس يوليو 08, 2010 8:08 pm

more_horiz
الله ينور على الحلقات يا ماجيك
تحياتى ليك
اخوك
فـــــــــــ الوجود ـــــارس
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد