بس مع الولد شلاطة وابوة همبكة مش هتقدر تغمض عنيك .. ( مع الأعتذار لروتانا سينما ) ..تعالوا كدة نشوف كلامهم اية : ـــ
الابن: بابا... كلمت اونكل كعبورة الى حيمتحنى
الاب: ايوة
الابن: قوله انى مش مذاكر اى حاجة خالص
الاب: حاضر
الابن: و قوله انى معرفش اى حاجة فى العملى
الاب: قولتله و قالى مش حيدخلك على عيانين خالص
الابن:و قوله انى مش حقدر اصحى بدرى لانى هاسهر طول الليل ياريت مايندهنيش فى الاول زى مبيعملو معايا كل مرة
الاب: حاضر ...حقوله يندهك فى الاخر
الابن: لا مش عاوز اتاخر عشان خارج بعد الامتحان مع صاحبتى
الاب: مش كفاية انك حتمتحن فى يوم غير يومك
الابن: وانا ذنبى ايه حد قال انكو تعملوا الامتحان فى وقت رحلة شرم الشيخ
الاب: طب نعملك ايه؟ عاوز تمتحن امتى؟
الابن: قوله يستنى منى رنة عالموبايل... لما ارن يندهلى
الاب: حاضر يا مغلبنى
الابن: انا؟ مش كفاية ضيعتونى فى النظرى و مجبتوش كل الاسئلة
الاب: جايبلك 9 اسئلة من 10 و مش عاجبك
الابن: جايبهالى قبل الامتحان باسبوعين بس و كنت ساعتها فى الرحلة و كمان الاسئلة طويلة ملحقتش اكتبها
الاب: ماحنا مصعبينها عشان باقى الطلبة ميحلوش و بعدين مانا جيتلك اللجنة و مديت الوقت لما غمزتلى و لمينا الورق
فى باقى اللجان
الابن: طب مبرضه فى عيال عفاريت بيكتبوا بسرعة و مذاكرين كل حاجة
الاب: ماحنا عشان كدة جايبين اسئلة فى حاجات ملغية و كمان حيروحوا فين من الشفوى و الإكس راى و الإ سى جى..
دة يومهم بنعمل امتحان جد عكس يومكو الى مبنصححش فيه
الابن: اومال كنتو عايزين تصححوا كمان دانا معرفش فيهم اى حاجة.. بعدين مدام الشفوى و العملى حسموا الموضوع
تقرفونى بمذاكره كام سؤال نظرى و تقعدونى فى البيت اسبوع قبل الامتحان ليه؟
الاب: ضمان.. و كمان لان بعض الدكاترة طيبين بيدوا الطلبة الشطار درجات كويسة فى الشفوى
الابن: بابا.. متقوله يدينى الاسئلة الى حيسئلهالى عشان اعرفها احسن كل مرة مجاوبش ولا سؤال و شكلى بيبقى وحش
الاب: انا قلتله ميسالكش خالص
الابن: ينفع انى مروحش الامتحان خالص بدل تعب الاعصاب الى ببقى فيه
الاب: لا يا حبيب ماما .... لازم تروح
ليلة الامتحان دي ليلة صعبة جدًا الواحد مننا بيبقي خايف اوي ومذعور منها ويفضل حابس نفسة كدا في الروم ..