نكت جااااااااااااامده اخر حاجه
ومش عايزه افكركو بالدعوات يمكن ربنا يستجيب
من حد فيكو ان عارف ان كل اللى فى المنتدى
ناس محترمين وربنا بيحبهم
وهايقبل دعواتهم انشاء الله





1-

بيقولك واحد سعودى بيسال مصرى
قاله : انتوا بتفطرو ايه
قاله : بنفطر فول
السعودى : طب بتتغدوا ايه
قاله : بنتغدا فول
السعودى : طب بتتعشوا ايه
قاله فول
السعودى : طب ايه الفرق بينكم وبينك البهايم
قاله : البحر الاحمر

2-
مره حشاشين كانو قاعدين في خيمه بس مكانش معاهم حاجه يولعو بيها

فبعتو واحد منهم يجبلهم ولاعه طلع ودخل من الناحيه التانيه !!

و قال يا جماعه لو سمحتو ممكن ولاعه

قالوله اقعد..اقعد.. احنا بعتنا واحد يجيب




3-
* اتنين مساطيل قاعدين وبعدين فى جنازة معدية عليهم ..

وعلى نفس الطريق فى عربية نقل جاية بسرعة فائقة

فالجنازة تركت الميت وجريت

وفجأه العربية ضربت فرامل وتفادت الجنازة

فالمسطول قال لصاحبه تصدق

الميت ده انكتب له عمر جديد


)))))))))))))))))))))))))))))))))))))))))))))))))))))))))))))))))))))))))))

4-
* الموساد قرر انه يشغل معاه واحد صعيدى
يكون عميل ليهم نقوا واحد اسمه هريدى وسفروه تل ابيب وقعد هناك 4 شهور يتعلم
لما اتعلم قائد الموساد قاله خلاص يا هريدى انته ارجع مصر ولم معلومات
واحنا لما نعوزها نخدها منك هريدى
قاله يعنى يا فندى ابعتهالكم في جواب
قاله قائد الموساد جواب ايه الله يخرب بيتك حتفضحنا وتودينا في داهيه
انته تقعد في بيتكم واحنا لما نعوز المعلومات
نبعتلك عميل من عندنا يقولك ازيك يا هريدى وازى امك
تعرف ان دى كلمة السر وتديه المعلومات
هريدى سافر مصر وعدت الشهور والموساد احتاج لمعلومات
فبعتوا عميل لهريدى يجيب منه المعلومات
العميل ميعرفش شكل هريدى راح على العنوان وسال
البواب هو هريدى بيه ساكن هنا
البواب قاله انهى هريدى فيهم فيه 4 هريدى هنا
العميل خاف لينكشف قاله اللى في الدور الاول
فالعميل خبط على الباب
وقال في نفسه انا اقوله كلمة السر لو هو يدينى المعلومات
لو مش هوهاشوف اللى بعده
فتحله الراجل اللى في الدور الاول
قاله ازيك يا هريدى وازى امك
قاله الراجل انت غلطان
في العنوان هريدى الداسوس في الدور الرابع



*
مرة دكتور دخل عنبر فى سراية المجانين لقى واحد بيضرب نفسة بالشبشب سأل
الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى
بعده لقى واحد بيخبط دماغة فى الحيطة قالها وده ماله قالتله اصل ده الى
اتجوزها




تلاته خرجوا فى رحلة سفاري..واحد مصري والتاني صومالي والتالت
أمريكاني..دخلو كهف وناموا..وصحيوا بعد 300سنة!..كل واحد فيهم قام رجع
بلدة..
الصومالي شغل الراديو سمع:
(الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع:
(سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان
كده احنا اخترناااااااااااااااااااه!)


صعيدي جاله مسج حلو إنبسط وضحك
إتصل باللي بعتهاوقاله: والنبي تبعتها تاني

خروف بيقول لمعزة
باء.باء.باء.باءبحبك
فالمعزة قالتله
ماء.ماء.مخطوبه


واحد ياباني فات على بقالة عشان عايز يشتري عشر علب بيبسي،

قال لبلدينا: كوميهاني سيبة موفا كالاو بيبسي

بلدينا رد عليه: بتقول عايز عشر علب إيه؟



بلدينا ماشي في جنازة

سأل واحد: هو المرحوم كان بيشتغل إيه؟

قاله : كان تربي

بلدينا قال: سبحان الله ... من حفر حفرة لأخيه وقع فيها



اتنين
مساطيل راكبين عربية خبطوا واحد فالسائق بيقول للى جمبه انزل شوفه مات ولا
لسه قاله السكران التانى تعالى يمين شوية..أيوه.. شمال شوية.. أطلع
لقدام... بس كده مات

حشاش بيقول لصاحبه :

أنا حلمت امبارح أننا بقينافنانين أنت فنان تشكيلي ..... وأنا فنان أشكيلك


صعيدي بيعد الأرقام بالانجليزي: وان، توو، ثري، فور، فايف، استغفر الله؟ سكس.


فرختين ماشيين الأولى معلقة بيضة على رقبتها.. فالتانية بتسألها أية البيضة دي؟ قالت دي صورتي وأنا صغيرة.


صعيدي ضاعت محفظته راح يدور عليها بلغ في القسم الضابط بيقولوا ما تقلقش
يا بلدينا هنجبهالك من تحت الأرض، وبعد ما خرج من القسم شاف الناس بيحفروا
للخط بتاع المترو.. الصعيدي قالهم الهمة شوية يا رجالة سودة وفيها سوستة.