أخويا يا بطرس يا حنا يا غالى يا يوسف يا عيسى يا أبوالمجد عالى
أخويا يا أمجد يا عبدالمسيح يا وليم يا مينا يا مرقص يا والى
أخويا يا كل اللى مؤمن بعيسى وموسى ومحمد يا مصرى يا غالى
تعالوا نسامح وننسى جراحنا تعالوا ننوّر سواد الليالى
تعالوا نقرب من الإنسانية وقلبى وقلوبكم من الحقد خالى
تعالوا نمهد جسور المودة ونور المحبة فى طريقنا يلالى
وقولوا لمادلين وماريا وأليس وقولوا لمريم بنورك تعالى
وحطوا إيديكو على إيدين خديجة وأشوف المحبة اللى عايشة فى خيالى
إخواتى يا أقباط يا نور العنين ياغاليين حقيقى على المسلمين
صلاتى وصلاتكم بتكمل بعيسى وعيسى ومحمد من المرسلين
ومريم تجلت فى آية كريمة فى قرآن منزل وبيه مؤمنين
وبينى وبينكم مودة وأخوة واحنا لمصر الحبيبة جناحين
تعالوا نزيح الشيطان من قلوبنا وننسى الوساوس فى دنيا ودين
تعالوا معايا نوحد صفوفنا ونبعد بروحنا عن المجرمين
تعالوا معايا ايديا فى إيديكم ونبقى بقلوبنا سوا مخلصين
تعالوا عشان مصر تفرح معانا دا مصر حزينة بقالها سنين
ضحك ليه علينا الشيطان يا حبايبى وطريق الشيطان فيه معاصى وويل
وليه الشيطان خد ولادنا فى طريقه وليه خلى ليل الحبايب طويل
وليه حط بذرة نزاع فى حياتنا وليه الشيطان يبقى قدوة ودليل
وليه ننسى كل المحبة اللى بينا وبستان حياتنا اللى طارح جميل
وننسى الإخاء اللى جمع قلوبنا وشعورنا اللى كان كل لحظة نبيل
نسينا إن مصر بتنده علينا وبتنادى أحمد معاه ميخائيل
تعالوا ننشف دموعها بإيدينا وبلاش تانى دمع عينيها يسيل
وحتموت بحسرة إذا احنا اتخاصمنا وحتعيش سعيدة بلقانا الجميل
أخويا يا أمجد يا عبدالمسيح يا وليم يا مينا يا مرقص يا والى
أخويا يا كل اللى مؤمن بعيسى وموسى ومحمد يا مصرى يا غالى
تعالوا نسامح وننسى جراحنا تعالوا ننوّر سواد الليالى
تعالوا نقرب من الإنسانية وقلبى وقلوبكم من الحقد خالى
تعالوا نمهد جسور المودة ونور المحبة فى طريقنا يلالى
وقولوا لمادلين وماريا وأليس وقولوا لمريم بنورك تعالى
وحطوا إيديكو على إيدين خديجة وأشوف المحبة اللى عايشة فى خيالى
إخواتى يا أقباط يا نور العنين ياغاليين حقيقى على المسلمين
صلاتى وصلاتكم بتكمل بعيسى وعيسى ومحمد من المرسلين
ومريم تجلت فى آية كريمة فى قرآن منزل وبيه مؤمنين
وبينى وبينكم مودة وأخوة واحنا لمصر الحبيبة جناحين
تعالوا نزيح الشيطان من قلوبنا وننسى الوساوس فى دنيا ودين
تعالوا معايا نوحد صفوفنا ونبعد بروحنا عن المجرمين
تعالوا معايا ايديا فى إيديكم ونبقى بقلوبنا سوا مخلصين
تعالوا عشان مصر تفرح معانا دا مصر حزينة بقالها سنين
ضحك ليه علينا الشيطان يا حبايبى وطريق الشيطان فيه معاصى وويل
وليه الشيطان خد ولادنا فى طريقه وليه خلى ليل الحبايب طويل
وليه حط بذرة نزاع فى حياتنا وليه الشيطان يبقى قدوة ودليل
وليه ننسى كل المحبة اللى بينا وبستان حياتنا اللى طارح جميل
وننسى الإخاء اللى جمع قلوبنا وشعورنا اللى كان كل لحظة نبيل
نسينا إن مصر بتنده علينا وبتنادى أحمد معاه ميخائيل
تعالوا ننشف دموعها بإيدينا وبلاش تانى دمع عينيها يسيل
وحتموت بحسرة إذا احنا اتخاصمنا وحتعيش سعيدة بلقانا الجميل