[size=21]بسم الله الرحمن الرحيم
مش ده كلامك برضه؟!!! اه بس كل قاعدة و ليها استثناء...
السلام عليكم ورحمة الله وبركاته
ياريت قبل ما تقرأ الموضوع تقعد ع الجنب إللي بيريحك وقوللي
ياترى إحنا مقتنعين بآرائنا عشان هي فعلا صح..ولا عشان إحنا عايزين كده؟؟!!
قبل ماتجاوبوا
شوفوا العك ده..أمثلة بسيطة من الحياة اليومية:
مش ده كلامك برضه؟!!! اه بس كل قاعدة و ليها استثناء...
السلام عليكم ورحمة الله وبركاته
ياريت قبل ما تقرأ الموضوع تقعد ع الجنب إللي بيريحك وقوللي
ياترى إحنا مقتنعين بآرائنا عشان هي فعلا صح..ولا عشان إحنا عايزين كده؟؟!!
قبل ماتجاوبوا
شوفوا العك ده..أمثلة بسيطة من الحياة اليومية:
عندك مثلا واحد تلاقيه بيبخل هيقولك أنا صح ((القرش الأبيض بينفع في اليوم الأسود))
تلاقي نفس الشخص فـ موقف تاني بيصرف بعبط..بردو هيقولك أنا صح ((إصرف مافي الجيب يأتيك مافي الغيب))
وفي الحالتين هو مقتنع برأيه إنه صح وعلى حق عشان هو عايز كده
طب سيبكوا من العك إللي أنا قولته ده..وشوفوا العك ده من واقع حياتنا:
يجي يحبك دخلتي مزاجه بقى..هيغنيلك (مش قادر على بعدك ثانية أبدا أبدا ياحبيبي) ..الواد مخلص بيخلصلك إفرحي وزغرتي
يجي يسيبك زهق منك خلاص..هيغنيلك (أنا خارج من حياتك عشان ما أظلمكيش معايا) ..الواد بيضحي عشانك غطيه وصوتي
يا سلاااااااام إشتراكي بكلمة..وباعك بكلمة..وفي الحالتين هو كان صح وعلى حق عشان هو عايز كده
طب سيبكوا بردو من العك ده..وشوفوا الأعك منه من واقع حياتنا:
واحد يجي يتكلملك في موضوع أو قضية معينة..ويعملك من البحر طحينة ويقعد يفتيلك..ويحسسك إن هو إللي فاهم ومافيش زيه
يجي وقت ما يتحط هو في الموقف نفسه..تلاقيه إتصرف تصرف مش قد كلامه الأولاني خالص
هتقوله..الله مش ده كلامك بردو
هيقولك..آه بس في إستثناءات والوضع دلوقتي كذا وأنا كان قصدي كذا
المهم هيجيلك من يمين وشمال ويحور من هنا وهنا..وهوببا يطلع نفسه صح وعلى حق بردو عشان هو عايز كده
يوووووه آراء وكلام كتير بنقوله..بنقوله على أساس إن هو المنطق وهو الصح
وفـ الحقيقة بيكون هو المنطق إللي بيساير رغبتنا مش أكتر
ولما المنطق ده مايجيش على هوانا مايبقاش في نظرنا منطق
ولو إقتنعنا بالمنطق عشان بيوافق هوانا..وجه فـ يوم المنطق ده عاكس هوانا
ساعتها هنكسر المنطق ده..وعشان نبرر لنفسنا هنعتبر المنطق ده قاعدة
ولكل قاعدة شواذ..وتحت هذا البند إلعب براحتك وهتبقى دايما أنت الصح ومعاك الحق
وكل سنة بقى وأنت طيب
تفتكروا ده تفسيره إيه !!!
ياترى حيل الدفاع النفسي اللا شعورية جوانا بتساعدنا إننا نختلق المبررات إللي تخلينا ننسب الصح لكل ما يساير رغباتنا؟
ولا إحنا بننسب الصح لكل ما يساير رغبتنا عن وعي وإدراك كامل؟
وسواء كده أو كده..تفتكروا بالمنظر ده حد فينا ممكن يكون فعلا على حق؟
وطبقا لكده..هل يبقى صاحب الحق هو الطرف الأقدر على إثبات إن ما يساير رغبته هو الصح؟
وطبقا لكده..هل تبقى الدنيا دي مجرد لعبة بنلعبها والبقاء للأقوى وبس؟
عمرك حصل موقف معاك حسيت إن حقك ضاع لمجرد إنك ماعرفتش تلعبها صح وصوت الضلال كان أقوى..ولا أنت دايما الأقوى وبتعرف تلعبها صح؟؟؟