أمثال فلسطينية
إذا انت أمير و أنا أمير ، مين بيسوق الحمير ؟
عاشر المصلي بتصلي و عاشر المغني بتغني
بكره بنقعد عالحيطة وبنسمع الزيطة
لو كان الزلام بشواربهم لكان الصرصور أزلمهم
(يعني المرجلة )
صار للشرشوحة مرجوحة و لأبو بريص قبقاب
الإبن الوسخ بجيب لأهله المسبه
إذا قولنالها اطبخي بتقول مريضه
بس اذا قولنالها تعي كلي بتقول وين معلقتي العريضة ؟
الطول طول نخلة والعقل عقل سخلة
اللي بدري بدري واللي ما بدري بيقول كف عدس
كوم حجار ولا هالجار
ضلك ورا العيار ( الكذاب ) لباب الدار
مين بشهد للعروس ؟..إمها و خالتها و عشره من حارتها
لولاكي يا جارتي لفقعت مرارتي!
ما حد بقول عن زيته عكر
يوم إلك ويوم عليك، دير بالك فتح عينيك !
ضحكة عنزة على باب مسلخة
عدل سابقا من قبل همس الياسمين في الإثنين يناير 17, 2011 11:32 am عدل 1 مرات