أحس ايامي ان تعود
أحس ايامي معدوده
وحزني فتّت احلامي
أحس اعصابي مشدوده
وكثرت فيني الامي
احس وكثر احساسي دمرني وتعبني
وتكبر فيني آهاتي وكل الحزن تشّربني
غرقت في بحر غرباتي
غرقت بعالمن منسي
غرقت في بحر دمعاتي
ومات الحس في حسي
نسيت كل مسراتي
تساوى يومي مع امسي
عرفت انها نهاياتي
وابي ارثيني في نفسي
ابي اكتب كتاباتي
وازخرف فيها عبراتي
واعبر عن شهاداتي
لذاك اللي هوى حرفي
واقدم له امتناناتي
واقدم له تحياتي
لانه حبني لذاتي
بهدوئي وقمة العصفي
وشرفني بردوده
وعطر كل صفحاتي
وعبرلي عن اعجابه
ودخلني متاهاته
ولا ذوقني صدوده
ودار بكل مداراتي
وخلاني من احبابه
ومن اجمل حكاياته
ابي اصحى وانا بقربه
واعيش العمر لجل حبه
ولكن للاسف عمري
احس بقرب نهاياته
ابي يعذرلي قصوري
وابي يرثيني فأبياته
واذا غمض انا جفني
يكون اخر شخص شفته
واذا غطوني في كفني
يظل احلى عمر عشته
امانه يالغلا اذكرني
ولاتنساني مع حروفي
ابيك دايم تعشقني
لجل ارتاح ويقل خوفي
وتدعيلي بالرحمه
وتتحسب على حزني
ولو تهت بالزحمه
امانه بس اذكرني
ابي ارتاح في قبري
لان الحزن ياعمري
قتل فيني راحاتي
وعشقّني جراحاتي
تحياتي/سينا العاشق الاول الى الرومانسية