يا صياد الطيور يا خالي
صُباعك عن زناد الموت
انا عصفور ضعيف الحال
ولا كفّيش لعيالك قوت
انا العصفور وليف الخضره والميّه
انا المولود على كفوف الجناينيّه
بقول تغريد نغمها شديد قريب وبعيد
ياخذني الشوق على جناحو وابقى وحيد
يا صياد الطيور يا خالي...
لعود تاني لا أنا حيران
ولا محزون ولا فرحان
ولا بشبع غُنى والحان
ولا بحكي مع النِسمه
ولا بشكي من القِسمه
ولمّا الدنيا تبكيني
اقول دي مصيرها مبتسمه
وأديني سنين على ده الحال
بقاسي المر والبطّال
يا صياد الطيور يا خالي...
بشوف الصقر فارد في الهوى باعو
واتباعو نشرهم في الفضا جاعوا
طيور تانيين صُغار مساكين
جواع لكن لا هم نايمين ولا صاحيين
عشان نابو ومِخلابو تلاقي الكل احبابو
ودنيا تخاف من القوه
وجوالدنيا مش هوّ
اشوف بلبل غريب في الدوح
بيرقص رقصة المذبوح
في هفّة ريح سطه عشّه وفين حيروح...
وأديني سنين على ده الحال
بقاسي المر والبطّال
يا صياد الطيور يا خالي...
يا صياد الطيور حافظ على الخرطوش
ده ميت عصفور كمان قدّي ما يستاهلوش
حداك الصقر لو تضرب على وكره
تلاقي اللّحم متكوّم ولا بياكلوش
اوعى ارميها من ايدك طاوع وارجع
هزيل لحمي لا حيفيدك ولا ينفع
شوفلك طير تاني
واعيش انا مرتاح البال
وأديني سنين على ده الحال
بقاسي المر والبطّال
يا صياد الطيور يا خالي
باتت الاغاني في هذا الزمن تاتينا بالمضمون نفسه حب..فراق..حزن...فرح..الم...عذاب..الخ
ومن النادر جدا ان اغنيه تحتوي على هذه المعاني القويه الرائعه فهي تحاكي الواقع الصعب
الذي نعيشه فيها من العبر والتشبيهات ما يفوق التخيل
فاتمنى ان تعجبكم