حبيبتى مين
ا ميت أهلا وسهلا تفضــل اقعد على اي طرابيزة انت تحبهــا., بس شكلك أنت اول مرة تنورنــا..]خد بالك القعدة بمشاريب ...] ,اه صح بقلك ايه... أنت لازم تسجــل عندناعلشان تبقي حبيبنــا , بالزوق بالعافية هتسجــل ..ماتبصليش كده بقلك على الطلاق لتسجل يلا دووس هنا وسجل ولازم تشارك.كمـان.هينزلك خصم عالمشاريب لما تشارك معـانا
فريق الاداره
magic.......ابو تريكه
اضـغـط [URL="http://vvv3vvv.blogspot.com/"]هـنـا[/URL] لـدخـول فـى [URL="http://vvv3vvv.blogspot.com/"]عـالـم غـريـب[/URL]اضغط هنا لدخول فى عالم غريب
المواضيع الأخيرة
» خلاص هتبعد
من طرف ابو تريكه الأربعاء أبريل 27, 2016 3:01 pm

» ورجعنا تاني من جديد ميين معايا هنا
من طرف ابو تريكه الأربعاء أبريل 27, 2016 2:56 pm

» تنويه من منتدى حبيبتي مين\\هموووووووسة
من طرف نغم السبت مايو 02, 2015 8:04 am

» رحلة وادى الريان فقط 135 ج مع إيجيبت سول ترافيل
من طرف egyptsol الثلاثاء ديسمبر 02, 2014 9:08 am

» اللواء محسن الفحام يكتب : الهجره الغير شرعيه رحلات بين الياس والرجاء
من طرف ميرو الثلاثاء يوليو 29, 2014 2:10 am

» اللواء محسن الفحام يكتب : أفرجوا عن قانون تنظيم المظاهرات
من طرف ميرو الثلاثاء يوليو 29, 2014 2:09 am

» اللواء محسن الفحام يكتب : الاضرابات الفئويه وتأثيرها علي الامن القومي المصري
من طرف ميرو الثلاثاء يوليو 29, 2014 2:08 am

» اللواء محسن الفحام يكتب : نحو عهد جديد في العلاقة بين الشرطة والشعب
من طرف ميرو الثلاثاء يوليو 29, 2014 2:07 am

» اللواء محسن الفحام يكتب : نحو عهد جديد في العلاقة بين الشرطة والشعب
من طرف ميرو الثلاثاء يوليو 29, 2014 2:06 am

» دع القلق وابدا حياتك من جديد
من طرف طعم البيوت الأحد مايو 18, 2014 10:14 am

» موقع للادعية والاذكار
من طرف طعم البيوت الأحد أبريل 27, 2014 12:00 pm

» فاكيوم هواء بافضل الاسعار
من طرف تايجر باك الإثنين أبريل 14, 2014 9:46 am

» عندما تموت الحياه
من طرف mawada samy السبت فبراير 08, 2014 4:36 pm

» تحميل دعاء الانبياء للقارئ صلاح الجمل
من طرف alaaking الأحد ديسمبر 29, 2013 2:16 pm

» كلمات باللهجة الجزائرية و معناها الكل يدخل و .......؟؟
من طرف lou bna الخميس نوفمبر 14, 2013 10:35 pm

» مشاهدة نقل مباراة الهلال والشباب بث مباشر 1/11/2013 Al Hilal v Al Shabab
من طرف Livoo الجمعة نوفمبر 01, 2013 1:10 pm

» للجريئين والجريئـآت فقــط ..!أتمنى التفااااعل من جميع الاعضاء
من طرف ايمن محمد العالم الثلاثاء أكتوبر 22, 2013 10:35 pm

» الحب الضائع
من طرف ايمن محمد العالم الثلاثاء أكتوبر 22, 2013 10:28 pm

أفضل 10 أعضاء في هذا المنتدى
ابو تريكه - 9612
 
طعم البيوت - 4353
 
هموسة - 4351
 
abdo - 3190
 
safy - 2535
 
سينا - 2495
 
arch_mona - 2470
 
magic - 2286
 
fo2sh - 2178
 
rewan - 2068
 

المتواجدون الآن ؟
ككل هناك 26 عُضو متصل حالياً :: 0 عضو مُسجل, 0 عُضو مُختفي و 26 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 241 بتاريخ الأحد يناير 22, 2012 4:54 pm
دخول

لقد نسيت كلمة السر

منتدى البرامج
 

 

 

 

 

  

 

 

 

 

 

 
بحـث
 
 

نتائج البحث
 


Rechercher بحث متقدم

الزوار

بحبك والله بحبك انتي ليه مش عايزه تصدقي ؟

استعرض الموضوع السابق استعرض الموضوع التالي اذهب الى الأسفل

بحبك والله بحبك انتي ليه مش عايزه تصدقي ؟

مُساهمة من طرف sara في الأحد ديسمبر 13, 2009 6:13 am

( فى الجامعة ))


هو - بحبك

هي = طيب

هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

--------------------------------------------------------------------------

(( فى البيت ))



هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى

--------------------------------------------------------------------------

(( على التليفون ))



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل

--------------------------------------------------------------------------

(( فى البيت ))



هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده

--------------------------------------------------------------------------

(( فى السينما ))


هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

--------------------------------------------------------------------------

(( فى البيت ))



هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى

--------------------------------------------------------------------------


(( فى الجامعة ))



هو - ها يا حبيبتى..تحبى نروح فين النهارده؟

هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك

sara
عضو فعال
عضو فعال


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف memo في الأحد ديسمبر 13, 2009 6:32 pm

والله انا مش عارف اقلك ايه
بس مش كل الشباب كده
فى شباب محترمين وعندهم اخلاق وبيخافو على البنت شكل اختهم


بس موضوع جميل تسلم ايدك

memo
مشرف قسم اسلامنا
مشرف قسم اسلامنا

تعاليق : مااحلى الحياه فى طاعة الله
فداك ابى وامى يارسول الله


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف فتاة الرحمان في الإثنين ديسمبر 21, 2009 1:58 pm

ههههههههههههه
على فكره الكلام ده ماهو الا عدم تمسك بالدين لو فيه ناس كده بجد ربنا يثبتنا ويستر على الاسلام اكتر حاجه بحمد ربنا عليها انى ازهريه والحمد لله انى مش بشوف الحاجات دى بسمع عنها كانها حواديت وبس

فتاة الرحمان
مشرف قسم اسلامنا
مشرف قسم اسلامنا

تعاليق :







معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف Beckham في الإثنين ديسمبر 21, 2009 7:41 pm

على راى ميمو
مش كل الشباب كدا في شباب محترمة
بس الموضوع دا مفيد جدا للبنات ولازم يتعلمو منة وميخلوش اى شاب يضحك على عقلهم بكلمتين.
وميرسى جدا على الموضوع

Beckham
فارس الاحلام
فارس  الاحلام

تعاليق : every one in the world has love, but I'm


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف BEBA في السبت ديسمبر 26, 2009 1:48 am

ومش هصدق لانة لو بيحبني يجي لبيتي
دة رايي من اول لحظة

BEBA
عضوجديد منورنا
عضوجديد منورنا


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف أسماء في السبت ديسمبر 26, 2009 5:04 pm

[center] [color=red] هو فعلا مش كل الشباب كدة وبردوة مش كل البنات كدة

يعنى متهيالى البنت اللى فى الموضوع دى يعنى سورى شكلها

عبيطة بس فعلا زى ما قالت فتاة الرحمن اننا لازم نرجع

ونتمسك اكتر بدينا ومبدانا وقيمنا لان دول اللى بايقين لينا

تسلم ايدك سارة[
/color] [/center][b]



أسماء
مراقب عام
مراقب عام

تعاليق : لا تتوقع من الناس كل شىء................


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف بنوته شقية في الأحد ديسمبر 27, 2009 1:11 am

زى ما فى شباب كدة بتستهتر بمشاعر البنات فى كمان بنات بتستهتر بمشاعر الولاد
بس برضو مننساش ان فى بنات وولاد بيحبو بجد وبيوصلو بحبهم للنور
وحقيقة موضوع هايل




سأل ولد رجل حكيم ما هى حقيقة الحب ؟
قال : اذهب للحديقة واحضر لى اجمل زهرة
ذهب الولد للحديقة ولمنة عاد خالى اليدين
فقال : وجدت اجمل زهرة ولكنى واصلت البحث على امل العثور على اجمل منها
وبعدها ادركت انى قد تجاهلت الاحسن وعندما عدت لاخدها لم اجدها
فقال الحكيم :هذة هى حقيقة الحب لا تقدرة عندما يكون بين يديك ولكنك ندرك قيمتة عندما تفقدة

دائما : لا تضع احد فوق قدرة .. فسوق يضعك تحت قدرك.. ودائما: ضع قلبك تحت (قدمك) حتى لا يضعة غيرك

تحت .. قدمة
لو يعلم الحب بمقدار( حبى لك) لتمنى الحب ان يكون حبيبى

بنوته شقية
مشرفه قسم ماوراء الطبيعه
مشرفه قسم ماوراء الطبيعه


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف dragon في الأحد يناير 31, 2010 6:38 pm

والله كلامكو جميل
بس انا لما بحب بحب بجد
مفيش حد
هههههههههههههههههههههههه
dragon


[center]


انتى عايزة الدنيا
: تبقى فأيدك انتى

ايوة عايزة توملكينى: لو قدرتى
والحكاية خلاص بتخلص: لو فهمتى
يالا ضيعى وضيعينى: وضياعيها
[/center]

dragon
سفير الحب
سفير الحب

تعاليق : تاخد مش ليك تدفع مش عليك



معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بحبك والله بحبك انتي ليه مش عايزه تصدقي ؟

مُساهمة من طرف mero في الإثنين فبراير 01, 2010 8:05 pm

تسلمي يا سارة دايما متألقه
بس بجد مش كل الشباب كده ولا كل البنات كده
بس طبعا القصة دي موجوده وباستمرار بس من ده درس مفيد لكل بنت

وقبل كل حاجة لازم نخاف ربنا سواء كان ولد او بنت

وربنا يبعد عننا هذه المواقف


عفواً نيوتن ! فأنا سر الجاذبية



mero
عضو خمس نجوم
عضو خمس نجوم


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى