أحيانا بحكي مع أصدقاء أجانب ، من تركيا ، اسبانيا ، لندن وفرنسا ، والولايات المتحدة على وجه الخصوص .
بستغرب انو لما بيحكي معك عن فلسطين بيعرفش شو هي الضفة الغربية
ولا شو هي
غزة ...ولا وين بتيجي القدس ورغم هيك بيكون متعاطف معك لدرجة انك بتحسو
فلسطيني
.
أولاً : أكيد مشكور على مشاعره تجاه بلدي
ثانياً : يعني اذا حدا منكم دارس علوم سياسية يا ريت يساعدني ويجاوبني على استفساراتي اللي هي :
يعني ما شاء الله احنا معتبرين حالنا دولة زي بقية هالدول
ولنا سفارات
وسفراء على قفى من يشيل ، يعني ما ظل ولا نقطة في العالم الا وفتحنا فيها
سفارة
وحطينا سفير .. طيب كل هالسفارات
وكل سفارة فيها سفير وملحق ثقافي
وملحق سياسي
وملحق اجتماعي وملحق عسكري وسكرتيرة ومراسل
ومساعد السفير
ومستشار مساعد السفير ، وسكرتيرة مستشار مساعد السفير ، كلهم شو دورهم
بالزبط ؟؟
شو بيعملو في السفارات ؟؟
شو شغلهم ؟؟ بقبضوا رواتب وبتنزهوا
وبروحو وبيجو
ونسوانهم وبناتهم واولادهم
بدرسوا في مدارس خاصة
وكل واحد له شوفير خاص ولعيلتو شوفير خاص ،،
طيب شو دورهم في تعريف الناس بفلسطين ؟؟
شو دورهم في تثقيف الشعوب اللي ما بتعرف عنا اشي
حتى يصيرو يعرفو انو الضفة
اشي وغزة اشي ؟؟
شو دورهم حتى يثقفوا الناس ويعلموهم انو القدس مش في الضفة
الغربية ؟؟
شو دورهم بإنهم يعلموا الناس انو ابن الضفة بقدرش يروح على
الناصرة بدون تصريح ، ان طلعلوا تصريح طبعاً ؟؟
وانو ابن القدس بقدرش
يدخل على غزة ؟؟
وانو بنت رام الله صعبة تروح على الأقصى إلا بتصريح؟
وانو ابن الخليل بقدرش يزور البحر الابيض المتوسط اللي هو حدودنا الغربية وفيه مدن حيفا ويافا وعكا
بقدرش يدخلها الا بألف ورقة وختم من الوزارات كلها
هاد لو عرفوا اصلا انو الساحل الفلسطيني مش في ايد الفلسطينيين
حتى يبطلوا الاجانب يحكولي ليش قاعدة ليش ما تروحي على غزة
؟؟
شو دور سفاراتنا في اخبار الاجانب انو فلسطين محتلة اصلا ؟؟
شو دورهم في
تثقيف الناس واخبارهم انو فلسطين بلد محتل من قبل اسرائيل مش العكس ؟؟
شو دور السفارات في تثقيف الناس وتعليمهم شو يعني اراضي 48 ؟؟
شو دورهم انهم يعلموا الناس انو علمنا بتكون من الألوان ( الابيض والاسود
والاخضر والاحمر ) ؟
وانو الاقصى من المقدسات الاسلامية مش معلم يهودي ؟
ليش العالم بتفتح سفارات أصلاً ؟؟
احنا بنضحك على حالنا وبنعد سفراء ؟؟؟
يعني لما نفتح مبنى ونسميه سفارة فلسطين في مونتينيغرو ، خلص يعني هيك
كسبنا اهل مونتينيغرو ؟؟
يعني الموضوع بس انو نستأجر مبنى ونعلق عليه هالعلم
وخلص ؟؟
جاوبوني يا جماعة العلوم السياسية دخيل الله ، احكولي انو انا بفهمش في امور السفارات بس جاوبوني
قربت انجن يعني
همووووووووووووسة