''سامحنا يا عادلى'' صفحه جديدة أسسها بعض الشباب على الموقع الاجتماعي ''فيس بوك'' ، كتب مؤسس الصفحة وعلى طريقة ''عبلة كامل'' في فيلم "خالتي فرنسا" حين كانت تمتهن ''التعديد'' فقال ''خونة الوطن قدموك كبش فداء علشان يداروا على السفاح الأكبر، يا حارس أمن مصر، ياللي منعت الإخوان من قتل ولادنا، ياللي خليت كل مجرم يفكر ألف مرة قبل يا يجرم، ياللي باصينلك في فلوس مكافآتك على إخلاصك وتفانيك في حماية مصر، ظلمناك يا عادلي، سامحنا''.
الكثير من الشباب لم يصدقوا كون الصفحة جادة وأكدوا إنها ساخرة وعنوانها المستفز ما هو سوى لجمع أكبر عدد من الأعضاء الذين سيستفزهم العنوان، محمد الديب كان أحدهم فقال: "اللى عمل الصفحه دى عمل كده عشان يلم الشعب المصرى هنا عشان عارفهم بيكرهوه"، اما "أميرة رأفت" فقالت "تصدق انك انسان مستفز ومش طبيعي بجد، يا اما كنت نايم بقالك 13 سنة ولسة صاحي، او انت ابنه بقى ولا مراتة وزعلانين على مصيرة الاسود".
ولكن المسئول عن الصفحة لم يجيب حتى الآن على تساؤلات الاعضاء، سواء كان يقصد من صفحته السخرية ام انه جاد في طلبه من العادلى السماح، كما انه لوحظ الا يوجد شخص واحد حتى يدافع عن الوزير السابق وإنما الجميع في حالة هجوم شديد حتى ان بعضهم ردد عبارات خارجة تعبيراً عن غضبة من الصفحة وعنوانها وعدم إعلان الأدمن انها ساخرة.
سعاد جلال ايضاً سخرت من الصفحة فقالت: "انا عندى فكره إحنا نعمل جروب انا اسف لكل اللى سارقنى"، بينما تحدثت "منى احمد" بجدية فقالت "لو الصفحة دي هزار تقيل مش وقت دعابات ثقيلة خالص، دلوقتي في حركة مضادة بتحاول تجهض الثورة، حتى بيماطلوا في محاكمة مجرمين النظام أمثال العادلي مفروض ده أكتر وقت نكون جادين فيه".
