ازاى يتكلم عنك اللى قاعد فى التكييف
اللى بيقبض بالدولار اللى بيجيلو الرغيف
ملفوف فى سلوفانه بدقيق امريكانا
وانت تاكل عيش بالسوس عيش بالطوب عيش مقلوب
لا ويقلك التطور فى الخطه الخمسية الجاية
ولما تغرق العباره يقلك امسحها فيا
اصلو هرب مش لاقيينو طب ليه من الاول سايبينو
وسبحانك يا عظيم لما يكسب المنتخب
وتلاقى السكر غلى هيوزنوه بالدهب
يقلك اصلى الناس اللى بتشجع مصت القصب
كقاينا منكو بقى ورونو عرض كتافكو
خلى عندك دم بقى كفايه اللى فى كرشكو
واحد والشعب بيموت رايح قال يتجوزلى
ويقلك شفافيه دى حكومة ميه ميه
طب عبرو اهالينا ونزلو بصو فى الميه
واشربو من نيلها شويه وورونا ازاى هتغنولها
وخشو مستشفياتها شوفو ازاى هتصقفولها
مش تقلى دا تحريضى بتنجانى ولاصعيدى
دا ظلمى دا استعبادى دكتاتورى و تهديدى
انزل اركب ميكروباص اتوبيس ولا ترام
واتشعبط ولا ورينى ازاى هتوصل فى معادك
شوف مديرك بيزعقلك بيلعن يوم ميلادك
شوف ورقتك يوم معاشك تتلف زى الصاروخ
ويقولولك روح هناك روح تعالى ولو منفوخ
هفتح درجى وقدر انت تمن ترييح النفوخ
ريح قلبك ريح قلبى ريح قلب الطهقانين
سيبها وامشى سيبنى وامشى سيبنا نبقى مواطنين
سيبنى اختار مرة سيبنى
سيبنى اجرب التغيير
خلى الشرطة تحترمنى خلينى احس بتقدير
خلينى اجرب حظى خلينى ماعيش مهموم
خلينى اروح بيتى مش حامل هم النوم
