لابد من ترتيب البيت ومشاركه جماعيه

انتم عارفين انى بتكلم دائما بصراحه ولا اخجل من اى وضع فيه بلدى

لابد من وقفه مع النفس حزنا بما فيه الكفايه وتوترنا وخوفنا وفرحنا

اول شئ لو حد كان بيقرئ مواضيعى السابقه هيعرف كم كنت اعانى مرارة

الا مبالاه من الشعب الذى يعانى ولا يتكلم ليس خوفا اكثر منه املا الحال يتصلح

دلوقتى كل الى بشوفه مطالب شخصيه بحته ايوخ الناس عندها حق

بس الثورة دى قامت على حب مصر ليست لمطالب شخصيه بحته

طالعين مديونين وحالتنا هم والكل عاوز اجره يزيد الاضعاف وكانهم هايخدوا

ما اخذه الوزير العلانى ويفرقوه علينا يمكن يكون كلامى خطأ بس وجه نظر

صابرنا كثير طيب ممكن نصبر كمان شويه

نفسى حال البلد يتصلح

بنيه اساسيه على حق طرق مستشفيات مصانع حقيقيه استثمار بقيود

لصالح بلدى

زراعه قويه تعالوا نشوف الى حصل ويرضيكوا

بناء الاف المزارع والمنازل على الارض الزراعيه فى هذه الاوقات وغياب الامن

فين الضمير فين القلب الى بيحب البلد عيب

ترك البلد بدون حراسه صعب ازاى امشى فى مدينه لا يقابلنى شرطى واحد

وازاى بنت تتسبت بسلاح ابيض كانت عملت ايه لو معرفتش تهرب لو كنتم شوفتوها

وهى بتجرى وبترتمى فى اول محل قابلها

ازاى اتفوه بالفاظ لشرطى بذيئه من شاب معلش فى الكلمه مغيب مخدر

هل كل الشرطه سيئين هل ليس فيهم احد يكرم فيهم من لم يطع الاوامر ومنهم من لم يرفع سلاح فى وجه اخيه

وطعن وقد سمعت هذه الواقعه على الموبايل لانى كنت بطمن على صديق وقلت له اخواتك

وفى نفس التوقيت طعن لكن لم يرفع سلاح

وغيره من وقف حائل بين زملائه والمتظاهرين هل نقابلهم بكلمه شرطه على نفسك

انا اكتر انسانه بتكره الشرطه لكن هناك قواعد للتعامل مع البشر

طيب كيف تركنا الناس دى من غير محاكمه فوريه عسكريه
لو للحكومه جنيه كانت بطلعه من عينا وتلاقى قضيه

وناس جايه تاخدك بالليل وفى الاخر تلاقى مخالفه بعشرة جنيه
ليه ده مطبقش عليهم فى توقيت اسرع

كلنا اتأزينا من المحسوبيه ومن حاجات كتير لكن نحن شعب لانشمت ولا نعيب فى احد اتمنى ذلك

نعم هو رئيس لم يستحق اى كلمة تكريم ولا غير تكريم

لكن لن نمسح ما على جدران التاريخ من اشياء لنضع اشياء جديده

لشخص اخر التاريخ تاريخ بحلوه ومره لن نكون مثل القدماء

بوضع بطولات ده لده لحد ما بقناش عارفين مين الى هزم الهكسوس

لذلك ارجو عدم السب والاهانه لحسنى مبارك لتكون ثورة نظيفة وبلاش نظيفة لان الاسم ده بنتشائم منه

المهم نريد مطالب عامه ليعم الخير مش كل شويه احتجاج علشان يزيد المرتب

فى كل حته شويه طيب ارتفع خلاص حلو ليه الطمع

اتمنى ان نكون كويسين باخلاق ممتازه وتسود روح اكتوبر والثوره

لا سرقه لا تحرش لا انفعالات

والله لو بصيتم للنيل ستروه بيضحك انظرو له وتاكدوا ستجدوا حتى المياه اصبحت اكثر صفائا

المياه حست بالحريه واتغيرت للاحسن احنا كمان نريد ذلك