حبيبتى مين
ا ميت أهلا وسهلا تفضــل اقعد على اي طرابيزة انت تحبهــا., بس شكلك أنت اول مرة تنورنــا..]خد بالك القعدة بمشاريب ...] ,اه صح بقلك ايه... أنت لازم تسجــل عندناعلشان تبقي حبيبنــا , بالزوق بالعافية هتسجــل ..ماتبصليش كده بقلك على الطلاق لتسجل يلا دووس هنا وسجل ولازم تشارك.كمـان.هينزلك خصم عالمشاريب لما تشارك معـانا
فريق الاداره
magic.......ابو تريكه
اضـغـط [URL="http://vvv3vvv.blogspot.com/"]هـنـا[/URL] لـدخـول فـى [URL="http://vvv3vvv.blogspot.com/"]عـالـم غـريـب[/URL]اضغط هنا لدخول فى عالم غريب
المواضيع الأخيرة
» خلاص هتبعد
من طرف ابو تريكه الأربعاء أبريل 27, 2016 3:01 pm

» ورجعنا تاني من جديد ميين معايا هنا
من طرف ابو تريكه الأربعاء أبريل 27, 2016 2:56 pm

» تنويه من منتدى حبيبتي مين\\هموووووووسة
من طرف نغم السبت مايو 02, 2015 8:04 am

» رحلة وادى الريان فقط 135 ج مع إيجيبت سول ترافيل
من طرف egyptsol الثلاثاء ديسمبر 02, 2014 9:08 am

» اللواء محسن الفحام يكتب : الهجره الغير شرعيه رحلات بين الياس والرجاء
من طرف ميرو الثلاثاء يوليو 29, 2014 2:10 am

» اللواء محسن الفحام يكتب : أفرجوا عن قانون تنظيم المظاهرات
من طرف ميرو الثلاثاء يوليو 29, 2014 2:09 am

» اللواء محسن الفحام يكتب : الاضرابات الفئويه وتأثيرها علي الامن القومي المصري
من طرف ميرو الثلاثاء يوليو 29, 2014 2:08 am

» اللواء محسن الفحام يكتب : نحو عهد جديد في العلاقة بين الشرطة والشعب
من طرف ميرو الثلاثاء يوليو 29, 2014 2:07 am

» اللواء محسن الفحام يكتب : نحو عهد جديد في العلاقة بين الشرطة والشعب
من طرف ميرو الثلاثاء يوليو 29, 2014 2:06 am

» دع القلق وابدا حياتك من جديد
من طرف طعم البيوت الأحد مايو 18, 2014 10:14 am

» موقع للادعية والاذكار
من طرف طعم البيوت الأحد أبريل 27, 2014 12:00 pm

» فاكيوم هواء بافضل الاسعار
من طرف تايجر باك الإثنين أبريل 14, 2014 9:46 am

» عندما تموت الحياه
من طرف mawada samy السبت فبراير 08, 2014 4:36 pm

» تحميل دعاء الانبياء للقارئ صلاح الجمل
من طرف alaaking الأحد ديسمبر 29, 2013 2:16 pm

» كلمات باللهجة الجزائرية و معناها الكل يدخل و .......؟؟
من طرف lou bna الخميس نوفمبر 14, 2013 10:35 pm

» مشاهدة نقل مباراة الهلال والشباب بث مباشر 1/11/2013 Al Hilal v Al Shabab
من طرف Livoo الجمعة نوفمبر 01, 2013 1:10 pm

» للجريئين والجريئـآت فقــط ..!أتمنى التفااااعل من جميع الاعضاء
من طرف ايمن محمد العالم الثلاثاء أكتوبر 22, 2013 10:35 pm

» الحب الضائع
من طرف ايمن محمد العالم الثلاثاء أكتوبر 22, 2013 10:28 pm

أفضل 10 أعضاء في هذا المنتدى
ابو تريكه - 9612
 
طعم البيوت - 4353
 
هموسة - 4351
 
abdo - 3190
 
safy - 2535
 
سينا - 2495
 
arch_mona - 2470
 
magic - 2286
 
fo2sh - 2178
 
rewan - 2068
 

المتواجدون الآن ؟
ككل هناك 24 عُضو متصل حالياً :: 0 عضو مُسجل, 0 عُضو مُختفي و 24 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 241 بتاريخ الأحد يناير 22, 2012 4:54 pm
دخول

لقد نسيت كلمة السر

منتدى البرامج
 

 

 

 

 

  

 

 

 

 

 

 
بحـث
 
 

نتائج البحث
 


Rechercher بحث متقدم

الزوار

"سي السيد" ضرب الجل × شعره

استعرض الموضوع السابق استعرض الموضوع التالي اذهب الى الأسفل

"سي السيد" ضرب الجل × شعره

مُساهمة من طرف fo2sh في الخميس يوليو 30, 2009 10:47 pm


حسناً، أنتم تعلمون أن التاريخ يعيد نفسه ولو عدنا بالزمن للخلف
لوجدنا من يتشابهون معنا تماماً بدرجة تجعلنا نظن أننا copy و paste ..ممن سبقونا!
فتعالوا ننقل أشهر أبطال الأفلام القديمة إلى عصرنا الذى نحياه
لنشاركهم أحداثاً جديدة علينا وعليهم ذات طابع كوميدي، وأحياناً تراجيدي
حسب طبيعة الأحداث!

فى هذه المرة تعالوا نضع راحلنا العملاق نجيب محفوظ في هذا الزمن، ونضع بين يديه الأوراق والأقلام، ليعيد كتابة ثلاثيته العظيمة "بين القصرين" و"قصر الشوق" و"السكرية". فما التعديلات التي ستطرأ عليها؟ وأي ملامح جديدة ستظهر في شخصيات العمل؟ ومن هي الشخصيات الجديدة التي سيفرضها العصر؟!
***

بعد أن ضرب زلزال 92 الشهير أرجاء المحروسة، تصدعت بيوت حي منطقة "الحسين" الشهيرة، واضطر الحاج "أحمد عبد الجواد" أن يأخذ زوجته "أمينة" -في بداية زواجهما- للانتقال إلى أرض جديدة "لُقطة" اشتراها من تحويشة العمر في منطقة "فيصل" التي كانت كلها مجرد أراضٍ زراعية، حولها الزحف العمراني، والزيادة السكانية إلى منطقة سكن..
ولأن "أحمد عبد الجواد" الشهير بـ "سى السيد"، كان زير نساء، ورجل الليالي الحمراء مع الغانيات والراقصات، ضمن شلة أبناء الحظ، وعشاق ليالي الأُنس والفرفشة، الذين يسيرون في بيوتهم، أمام زوجاتهم وأبنائهم على الصراط المستقيم؛ بينما يخلعون الطرابيش ويفكون الأزرار في بيوت العوالم، اختار "سي السيد" الأرض الجديدة خصيصاً في شارع "العريش" أحد أشهر الشوارع بين فيصل والهرم؛ حتى يكون قريباً من كازينوهات الهرم السياحية التي تقدم كل أنواع الكيف والحب واللهو والذي منه، طالما كانت محفظة الزبون منتفخة بأوراق البنكنوت.
هكذا تربى أبناء "أحمد عبد الجواد" في المنزل الجديد بفيصل، مع أب مزدوج الشخصية، وأم طيبة مخلصة؛ لكنها عديمة الشخصية؛ لذا كان من الطبيعي أمام هذا التناقض بين أب فاسد، وأم طيبة، أن يخرج الأبناء بشخصيات متضاربة ومفككة.
فـالابن الأصغر "كمال" كان شيطاناً مريداً، معجون بمياه عفاريت، لذا كان دائم سرقة وصلات الـ"ADSL" الموجودة على السطح ليدخل لجهاز الكمبيوتر لديه خط إنترنت مجاني، بعد أن رفض والده أن يشترك مع الجيران في وصلة نت خوفاً على أخلاق أولاده؛ لكن "ياسين" -الابن الأكبر لـ"أحمد عبد الجواد" من طليقته "هنية"- اكتشف الملعوب، وهدد "كمال" بفضح أمره أمام والده؛ إلا إذا تركه يدخل المواقع الإباحية كما يحلو له؛ فنظر له كمال بخبث وقال بفرحة:
"هو شرط صعب وبيخالف أخلاقي بس أنا موافق؛ بشرط إنك تسيبنى أتفرج معاك، مش علشان مش واثق فيك يا ياسين يا أخويا لا سمح الله؛ بس لازم يكون فيه حد معاك علشان يراقب لك الجو ويلحق ينبهك لو بابا جه على غفلة"!
فاحتضنه "ياسين" بشدة وعانقه وهو يقول: "بيس يا مان"؛ لكن كلاهما لم ينتبه لوجود الأخت الكبرى "خديجة" التي سمعت اتفاقهما السري، وذهبت مسرعة إلى أختها الصغرى "عائشة"، وقالت لها بفرحة عارمة:
"الواد كمال اتفق مع أخوكي ياسين يسرقوا خط إنترنت من الجيران ويوصلوه على جهاز الكمبيوتر اللي جوه، وأنا سمعتهم وهما مش واخدين بالهم، وعرفت إنهم ناويين يدخلوا على المواقع الإباحية ويحمّلوا بلاوي سودا".
فما كان من "عائشة" إلا أن "هبدت" على صدرها بخوف وقلق وهي تقول برعب:
"يا مصيبتي.. لازم نلحق نقول لبابا وماما بسرعة".. لكن "خديجة" قالت لها بصرامة:
"بابا مين وماما إيه يا عبيطة.. إحنا هنستغل النت اللي عندنا ونعمل لنفسنا إيميل، وندخل على الشات بالنهار، وهما برة البيت علشان نتعرف على شباب روشين ونضيفهم ع الماسنجر، ونقضيها، يمكن ربنا يفك عقدة النحس اللي أنا وأنتِ فيها، ونتجوز بقى".
فضحكت "عائشة"، وقالت وهي تغمز :"قشطة".
***
أما "فهمي" الابن الأكبر من "أمينة"؛ فقد أخذته دوامة السياسة، حتى صار يجلس يومياً على مقاهي وسط البلد مع أصدقائه من الشباب المتحمس، حتى صاح فيهم ذات يوم:
"إحنا مش ممكن نسيب سعد باشا زغلول في الحيرة اللي هو فيها دي، أنا رحت له من يومين في بيت الأمة لقيته عمال يغني.. طهقان، مخنوق، متضايق.. مجروح، مدبوح، مش فايق، ومرة واحدة مسك اللحاف وقعد ينادى على صفية هانم، ويقول لها غطيني وصوتي عليا يا صفية.. ما فيش فايدة"..
علشان كده نصحته إنه لازم يهدي اللعب شوية، علشان يبطلوا يعتقلوه في الرايحة والجاية.. أيْنَعم الشعب بيعتبره بطل في كل مرة يعتقلوه فيها، بس إيش ياخد الريح م البلاط.. لازم نشتغل باستراتيجية جديدة يا إخوانّا، ونستغل استسلام السلطنة العثمانية يوم 30 أكتوبر سنة 1918 في معركة خان طوماي، ونعلن استقلال مصر التام عن السلطنة العثمانية، والوصاية الإنجليزية". وفجأة انفجر أصدقاؤه من الضحك، وصاح فيه أحدهم وهو يتكلم بصعوبة من فرط الضحك:
"سعد زغلول مين يا عم الله يخرب بيتك، هتضّحّك علينا بتوع حركة كفاية.. أنت جبت الكلام ده منين؟"
فالتفت له "فهمي" بدهشة شديدة وأجاب:
"أستاذ نجيب محفوظ هو اللي بيقول مش أنا".
فضحك صديقه وتابع:
"طب اخلع بس الطربوش وخليك مع إبراهيم عيسى شوية.. إحنا دلوقت في الألفية التالتة.. يعني أزهى عصور الديموقراطية المحمية من قوات الأمن المركزى. وعلى كل متظاهر استخدام واقي ضد العصيان، ومضاد صواعق كهربية".
فعقد "فهمى" حاجبيه وتساءل: "طب والإنجليز يا جماعة، والملك، وكلاب السرايا، كل دول راحوا فين؟"
فقال له أصدقاؤه في نفاذ صبر:
"ما تفوق بقى يا فهمي من اللي أنت فيه ده.. كفاية بقى كفاية!"

فانتبه بعض عساكر الأمن المركزى المارّين بجوار القهوة لكلمة "كفاية"، وأخرج كل منهم عصاه، وانقضوا على القهوة بعنف؛ بينما ترك "فهمي" وأصدقاؤه عصير الزبادي، والشيشة تفاح، وغادروا القهوة مسرعين، وقال أحدهم لـ"فهمي" غاضباً:
"الله يخرب بيتك.. عاجبك كده.. أديهم كشفونا، وكلها كام ساعة وهيوزّعوا نشرة بأوصافنا وأشكالنا على النت، ومش بعيد يحطوا مكافأة للي يبلغ عنا، ونروح فطيس".
فالتمعت عين "فهمي" ببريق عجيب، وهو يقول:
"يبقى أحسن حاجة نعمل إضراب سريع في كل أنحاء المحروسة، علشان الناس كلها تقعد في بيوتها وما حدش ينزل يدوّر علينا.. إيه رأيكم يا جماعة يكون الإضراب ده في يوم 6 أبريل الجاي؟"
فصاح فيه كل أصدقاؤه في آن واحد "هو ده".
***
نعود لـ"سي السيد" الذي يربط الكرافت بعناية وهو يدندن أمام المرآة "يااااااااااااي.. سحر عيونه ونظراته.. أول ما تلاقينا عين بعين"، وما إن لمح "أمينة" تتجه نحوه، حتى امتنع عن الدندنة، وعقد حاجبيه وهو يقول لها بصرامة:
"أنا مسافر الصين يا أمينة لمدة أسبوعين علشان أظبّط شحنة فياجرا صيني، بعد ما سوق العطارة انضرب في مصر، وما بقتش الوصفات بتاعتنا نافعة.. عايزك تخلي بالك من البيت والعيال، وتحطيهم جوا عنيكي".
فربتت "أمينة" على كتفه، وقالت وهي تناوله "الجيل" وعلى وجهها ابتسامة رقيقة:
"تروح وتيجى بالسلامة يا أبو السيد".
فالتفت لها "سي السيد" بعد أن صفف شعره بالجيل، وارتدى جاكيت البدلة، وقال بحب ورمانسية، وهو يتجه لباب الشقة:
"نايتي نايتي يا أمينة"..
فضحكت "أمينة" على استحياء، وقالت وهي تنظر للأرض في خجل:
"نايتي نايتي يا سي السيد".
وما أن انصرف "أحمد عبد الجواد" حتى أخرجت "أمينة" من أسفل الكنبة "قلة" وألقتها على الأرض بقوة، لتحطمها تحطيماً وهي تصيح:
"غور داهية لا ترجعك يا بعيد".. ثم نظرت لأولادها شذراً، وقالت لهم بصرامة: "25 سنة والراجل قاعد على قلبي مش عايز يسافر.. أخيراً غار في داهية، وساب لي فرصة أعرف أروح فيها لمحكمة الأسرة علشان أخلعه"..
إلا أن الصغير "كمال" بكى بشدة وهو يقول: "لا يا ماما"
لكن "ياسين" مال على أذنه وهمس فيها قائلاً: "سيبها تنزل علشان نعرف نقعد ع النت يا مغفل" فالتمعت عين "كمال" وتجمدت الدموع فيها، وهو يتابع قائلاً:
"اوعي تروحي من غير محامي، علشان تعرفي تخلعيه بضمير"!
فضحكت الست "أمينة" ضحكة مجلجلة وقالت وهي تربت على كتفه:
"أنا عاملة حسابي يا ولاه". وما أن ارتدت ملابسها، وغادرت المنزل مسرعة، حتى اقتحم "كمال" و"ياسين" غرفة الكمبيوتر؛ فإذا بـ "خديجة" تضع الهيدفون على أذنها وتقرب المايك من فمها وتقول بصوت مليء بالرقة والدلال:
"أنا اسمى ماهيتاب، وبابا وكيل أول وزارة على وش الترشيح إنه يكون وزير، وساكنة في المهندسين.. ها.. هتيجي تتقدم لي إمتى علشان لو كده أجهّز نفسي وأرفض ابن السفير اللي جاي يتقدم لي؟".

بينما "عائشة" تجذب منها الهيدفون والمايك، وتقول بلهجة تفيض بالأنوثة:
"وأنا بقى أختها لي لي، وبابا شغال مستشار بعد الضهر، وعلى وش إنه يكون مهندس، وساكنة في الزمالك، وجاي يتقدم لي أخو ابن السفير اللي جاي يتقدم لأختي، ولازم تلحق تفكّر هتختار مين فينا علشان نعمل حسابنا".
فإذا بشاشة الكمبيوتر أمامهما يظهر فيها شاب بيجي بيجي، بيروح وييجي، وعلى وجهه "بشلة" مطواة، وصف أسنانه الأمامي لا يوجد به سوى سنة واحدة ذهبية، ويقول بضحكة بغيضة، وصوت أجش:
"أنا برضه مامي جايبة لي عرايس كتير كلهم لقطة، وآخر جمال، بس قلبي مرتاح لكم، وناوي أخدكم شروة واحدة أنتم الاتنين بالصلاة ع النبي".
فإذا بـ"ياسين" يصيح فجأة:
"الواد ده اسمه مليجي، ومن منشية ناصر، وعليه 3 سنين حكم غيابي في قضية بانجو.. آه يا بنات مش متربية، ماشيين على حل شعرها، ومش لاقيين ويب سايت يلمكم".
بينما يخرج "كمال" موس حلاقة من فمه، ويصيح فيهم:
"أقول لصحابي اللي في القهوة إيه.. إخواتي البنات بقوا مزز بيصطادوا عرسان من ع النت.. أنا لازم أسيح دمكم".
فاندفعت "عائشة" لتقبل يد "ياسين" وهي تقول في رعب:
"استر عليا يا أخويا لجل النبي".
بينما أخرجت "خديجة" كارت فيزا، وأعطته لـ"ياسين" بأصابع مرتعشة، وهى تقول:
"ده كارت فيزا فيه كل اللي حيلتي.. عملته في البنك الأهلي علشان أعمل شوبنج في كارفور، خده ويا دار ما دخلك شر".
فأخذه "ياسين" وفي عينيه صرامة الدنيا، ثم مال على أذن "كمال" وهمس قائلاً:
"مصلحة.. إحنا هنعمل نفسنا سامحناهم ومش هنكبر الموضوع، وإحنا أولى بالفيزا نحمّل بيها كام صورة على كام فيلم"؛ إلا أن "كمال" هز رأسه في غضب وقال:
"ما ينفعش يا ياسين.. وبعدين أنا معايا كروت فيزا مسروقة قد كده، ومش محتاج منها حاجة"؛ لكن "ياسين" قال له بحزم:
"برضه هنحتاجها في أي خروجة.. المينيمام شارج غلي في كل الكافيهات بعد الأزمة العالمية".
فهز "كمال" رأسه وقال بامتعاض:
"موافق المرة دي علشان خاطرك بس يا سون سون؛ لكن المرة الجاية مش هياكل معايا الكلام ده، وأقل واجب هنقلعهم الغوايش بتاعتهم".
وبسرعة غادرت "خديجة" و"عائشة" الغرفة، ليقفز "ياسين" و"كمال" على المقعد المواجه لشاشة الكمبيوتر، وفي عين كل منهما ابتسامة شيطانية، قبل أن يضغط "كمال" على بعض أزرار الكيبورد؛ بينما يخرج "ياسين" لسانه بنهم، وترقب. وبعد الانتهاء، من كتابة اسم الموقع، الذي دخل عليه جهاز الكمبيوتر، أخرج "كمال" سيجارة ملغمه، وغمز بعينه لـ"ياسين"، وهو يناوله إياه قائلاً بخبث: "صبّح صبح يا عم الحاج".
فأخذه "ياسين" بطرف يده دون أن تبتعد عيناه عن شاشة الكمبيوتر، وفجأة اقتحم أحدهم الباب على مصراعيه، ليصطدم الباب بالحائط في دوي عنيف؛ بينما نهض "ياسين" مسرعاً ليغطي شاشة الكمبيوتر بظهره، وكذلك فعل "كمال" وعين كل منهما تنظر برعب وتوتر تجاه القادم الذي ظل ينظر لهما جامد..
جامد..
جامد.

fo2sh
مدير عام المنتدى
مدير عام المنتدى

تعاليق : اللهم اجعلنا ممن يورثون الجنان ويبشرون بروح وريحان ورب غير غضبان(امـــــــــــيـــــــن)


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف اسكا وبس في الجمعة يوليو 31, 2009 1:52 am

ههههههههههههههههههههههههههههههههههههههههههههههههههههههههههههههههههههههههههههههههه

جامده جامده اوى يا ابن الايه يا لذينا

gtghyghjklnmuklnhj
iggbgbt8

اسكا وبس
عضو خمس نجوم
عضو خمس نجوم


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف Beckham في الجمعة يوليو 31, 2009 2:17 am

هههههههههههههههههههههه
والله بجد انت جامد

Beckham
فارس الاحلام
فارس  الاحلام

تعاليق : every one in the world has love, but I'm


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف ابو تريكه في الجمعة يوليو 31, 2009 10:51 am

جامديافؤش والله ايه الحلاوه دى يامان

ابو تريكه
الإدارة
الإدارة


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف أسماء في الإثنين أغسطس 03, 2009 12:14 am

حلو اوووووى


بس كدة مش بقى سى السيد

بقى سى هيثم

أسماء
مراقب عام
مراقب عام

تعاليق : لا تتوقع من الناس كل شىء................


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف زائر في الإثنين أغسطس 03, 2009 12:59 am

بس برده انت باشا


حبيبك
dragon

زائر
زائر


الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف ابو تريكه في الإثنين أغسطس 03, 2009 4:49 am

موضوع

ابو تريكه
الإدارة
الإدارة


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف Jaguar في الإثنين أغسطس 03, 2009 12:21 pm

ماشي يا عمور علي الموضوع الجامد ده سي السيد كاجوال هههههههههههههههههههههههه

Jaguar
Golden Lord
Golden Lord

تعاليق : إن عرسي في الأرض يوم الشهادة , ودمي فوق صدري وسام كالقلادة
عندها تصبح الجراح صلاتي, وصلاة الجراح أحلى عبادة




معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف الحب الضائع في الثلاثاء أغسطس 04, 2009 2:52 pm

هههههههههههههه

هههههههههههههههههههههههه

هههههههههههههههههههههههههههههه no comment

الحب الضائع
الحبوبه
الحبوبه


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف ابو تريكه في الثلاثاء أغسطس 04, 2009 10:50 pm

موافق المرة دي علشان خاطرك بس يا سون سون؛

ههههههههههههههههههههههههههههههههههههههههههههه

ابو تريكه
الإدارة
الإدارة


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف الفرعون العاشق في الأربعاء أغسطس 05, 2009 8:31 am

بجد جمده جدا هههههههههههههههههههههههههههههه
انا بحيك يافؤش
والله جمده
7اتع5ث7عا
الفرعون العاشق

الفرعون العاشق
المجروح بلا حدود
المجروح بلا حدود

تعاليق : يا من جرحت قلبى بسهمك القاتل وغرستهو قبل ان تعرف ماذا بى
انا لا اقول اللى شيا واحدا انى احببتك


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف fo2sh في السبت أغسطس 08, 2009 7:21 am

ماذا لو..؟
عملوها الوحوش وفتحوا جروب ع الفيس بوك!

قبل قراءة هذا الجزء عليك قراءة الجزء الأول: "ماذا لو سي السيد ضرب الجل × شعره" إن لم تكن قد قرأته.

فجأة انقلب حال الغرفة، مع ذلك الاقتحام المفاجئ من فهمي الذي عرف الأمر برمته من خديجة وعائشة بمجرد دخوله الشقة، وعندما أصبح أمام "ياسين" و"كمال" صرخ فيهما بعنف:

"هي حصّلت تشغلوا مواقع إباحية في بيت أبوكم الحاج أحمد عبد الجواد!.. وما حدش فكر في إخواته البنات الناس تقول عليهم إيه؟.. هو أنا إيه.. كيس جوافة؟!".
عندها نظر كمال شظراً لخديجة وعائشة وقال بغضب:
"يعني إحنا سترنا عليكم وأنتم رايحين تفضحونا قدام اللي يسوى وما يسواش.. طب لعلمك بقى يا فهمي.....".

قاطعه فهمي بثورة وهو يكرته على قفاه بقوة:
"اخرس.. أظن ناوي تقول إنهم كانوا "بيشيّتوا" مع الواد "مليجي" بتاع "منشية ناصر" عشان تسخنّي عليهم وأمسك فيهم، وأسيبكم.. أنا عرفت منهم كل حاجة، وعرفت أنكم هددتوهم إنهم لو فضحوا أمركم أنتم كمان هتلفقوا لهم فضيحة وتقلبوا عليهم الدنيا.. بس أنا مش عبيط عشان أصدقكم يا كلاب يا مغرضين يا عملاء الملك والسرايا".
هزّ ياسين رأسه وقال في أسى:
"لا العفو يا فهمي يا أخويا.. ده أنت أبو المفهومية كلها".

ثم تغيّرت لهجة ياسين إلى الوعيد وهو يضغط على حروف كلماته بشدة:
"بس أنت كمان ناوي تودي البيت كله في داهية بالسكة اللي أنت وصحابك اليساريين بتوع حركة "كفاية" ماشيين فيها.. البيت كله بما فيهم إخواتك البنات اللي أنت خايف على مستقبلهم، هيبقى مصيرهم زي مصير "عماد الكبير" بالظبط".
اختنقت الكلمات في حلق فهمي وهو يقول بصوت متحشرج:
"إن..إنتـ.. أنت بتقول إيه ياض أنت ياض".

اندفع ياسين نحوه وأمسكه من "طربوشه" لتظهر من خلفه شاشة الكمبيوتر المفتوح على الموقع إياه، فتُغمض كل من خديجة وعائشة أعينهم، بينما ينظر كمال تجاه الشاشة دون أن يُركز مع ما يحدث، في حين قال ياسين لفهمي وهو يقبض على طربوشه بقوة:
"بقول إنك ما تختلفش عننا في حاجة.. إحنا هنجيب للبيت الفضيحة، وأنت هتجيب لنا "النفخ".. يبقى لازم نتحد مع بعض ونبقى إيد واحدة.. عشان نحقق أهدافنا".
فتحت خديجة وعائشة أعينهم، وانضم لهما كمال ليقفز الجميع على ياسين ويحملوه فوق الأعناق وهم يصفّرون، ويزغردون، وقال كمال بحماس:
"ووووووووو... هو ده"!!

نظر فهمي لخديجة وعائشة بعينين ذاهلتين وسألهما:
"يعني أنتم كنتم بتشيّتوا مع الواد "مليجي" بتاع "منشية ناصر" بجد؟"

هزت خديجة وعائشة رأسيهما بابتسامة بلهاء، وقالتا في صوت واحد بلهجة تفيض بالغباء الأشبه بنهيق الحمير:
"آآآآآآآآآآآه"

بينما تابع ياسين بصرامة:
"من النهارده كلنا هننظم أوقات القعاد على الكمبيوتر، على جدول.. زي جدول مباريات كأس العالم بالظبط..خديجة وعائشة يومين، وأنا وكمال يومين، وأنت يا "فهمي" يومين، ويوم الجمعة أجازة بابا فكلنا هنحترم نفسنا فيه".

هرش فهمي في رأسه، وقال بمضض وهو يعقد حاجبيه بجدية:
"يبقى أنا اللي عليّ الدور النهارده وبكرة، وهبعت أجيب صحابي كمان، عشان نلحق نعمل "جروب" لإضراب "6 إبريل" ع الفيس بوك".

وما أن انتهى فهمي من كلامه، حتى وضع الجميع أيديهم فوق بعضها البعض، وصاحوا في وقت واحد:
"اتفقنا.. الفاتحة ع الخاين وابن الحرام".

***
من جانبها، لم تسع الدنيا فرحة الست أمينة وهي تسير في الشارع لأول مرة منذ ربع قرن، وهي تغني من قلبها "الخلع جميل.. جميل الخلع"، قبل أن تنسى نفسها وترفرف بذراعيها وسط ذهول المارة، وضحكات البعض الساخرة، بينما ظل أحدهم يخبط كفاً بكف، وفجأة.. إذ بـ"توك توك" مسرع يقترب منها بشدة، وهي لا تزال ترفرف بذراعيها، مغمضة العينين، وحاول السائق أن يضغط الفرامل، فانقلب "التوك توك" به على ذراع الست أمينة، لكنها فتحت عينيها فجأة، وتحرّكت أطرافها الأربعة في آن واحد، لتقفز بعيداً عن "التوك توك"، لكن لسوء حظها العاثر ما إن قدميها لامست الأرض، حتى استقرت على قشرة موزة، فانزلقت بعنف، وسقطت على ذراعها الذي التوى بشدة وسط صيحات وشهقات الجميع.
***
انفرد فهمي بأصدقائه "المعترضين"، وتسابقت خديجة وعائشة على عمل الشاي للأخوة المعارضين، والغمز لهم من تحت لتحت؛ أملاً في اصطياد عريس، إلا أن فهمي لاحظ ذلك، فطردهما، وصاح في الجميع:
"عيب عليكم الحركات القرعة دي.. ما حدش هنا ينسى إنه في بيتي، وبنات البيت زي إخواتكم بالظبط.. ودلوقت ركزوا معايا في الخطة اللي هننشرها في "الجروب" بخصوص الإضراب"، أول حاجة هنعملها عشان نساعد سعد باشا زغلول هي حملة مقاطعة للسلع والمنتجات الإنجليزية وفيه فتوى مؤكدة أن شراء أي سلعة إنجليزية، بتساوي في حرمانيتها ارتكاب إحدى الكبائر".
"..بعد كده هنعمل حملة إيميلات شرسة لكل مستخدمي مواقع الإنترنت، ونشرح فيها موقفنا، ومدى عجزنا وقهرنا من الإنجليز اللي جابونا الأرض، مش بس كده إحنا كمان لازم نصمم برنامج الإيميل بومبر"Email bomber" لتفجير الإيميلات الشخصية للجنود والضباط الإنجليز؛ عشان ما حدش يعرف يبعت إيميل لأهله أو صحابه وخليهم بقى يتجننوا وهم مش عارفين يتواصلوا مع أهلهم، وكمان هنقاطع الـmsn ماسنجر والياهو ماسنجر، ونصمم ماسنجر عربي يجمع المصريين والعرب فقط واللي يحاول يضيفنا من غير ما نعرفه نعمله "بلوك" على طول".
"قررنا تكوين خلايا سرية تربطها (شبكة واحدة بتجمعنا كلنا) عن طريق الفيديو كونفرانس "video conference"، بحيث يجلس الزعيم سعد زغلول في مكان سري ويدير الأمور في الخباثة مع بقيت الفدائيين".
"لازم نعمل حركات مناهضة للاستعمار، أصحاب الأسماء المعبّرة، على غرار حركة (شايفينك) و(هنحط صباعنا في عينك) وحركة (هس) وحركة (بس).."
"عمل اتفاقية مع لبنان لاستيراد بنات جميلات مالهاش حل، وتكون منهم واحدة مش حلوة ونعمل ليها 14 عملية تجميل لغاية ما تبقى شبه نانسي عجرم، وواحدة تكون أمها من المنصورة، وأبوها من لبنان، علشان تكون بديلة لهيفاء وهبي، وبعد وصول الجميلات لأرض المحروسة نضع صمام الأمان حتى لا ينفجروا في الشعب ويبقوا سلاح مضاد، وطبعاً صمام الأمان ده هو البرقع والملاية اللف ولا يتم الكشف عنهم إلا أمام الإنجليز في وقت الزنقة".
"استخدام برنامج جوجل إرث "Google earth"؛ لمسح مصر المحروسة، وكشف الثغرات في الثكنات العسكرية الإنجليزية تمهيداً للانقضاض عليها".
"اتفقنا أن يتقدّم سعد زغلول وعلي شعراوي وعبد العزيز فهمي بطلب الاستقلال من السير "ونجت" المعتمد البريطاني، ولما يرفض طلبهم يدولوا كلمتين في جنابه وواحد فيهم يتف على وشه والتاني يطلع له لسانه فطبعاً الأمور هتسخن ويقرر اعتقالهم في جزيرة سيشل".

"تأجير مجموعة من الصيّع والبلطجية والعواطلية تمهيداً ليوم 16 مارس اللي هتقوم فيه ثورة 1919 اللي هيخرج فيها الشعب كله مطالباً بالاستقلال، وساعتها يقوم البلطجية بتقطيع هدوم الستات وخصوصاً اللي جنب (نقابة الصحفيين)، وبعدها نهد الدنيا ونطالب بتحقيق دولي عاجل على سفالة وقلة أدب الإنجليز اللي وصلت بيهم الجرأة لتقطيع هدوم الحريم".

"بمجرد ما تسخن الثورة وتطلع المدافع والبنادق على المصريين الغلابة تخرج شبيهة نانسي وتغني للإنجليز (أخاصمك آه أسيبك لا) وتطلع شبيهة إليسا مع واد إنجليزي يكون أمور وتعمله موديل، وتغني معاه (أجمل إحساس)، وبعدها تطلع شبيهة هيفا وتغني (بوس الواوا) والدنيا تهدأ، وينتهز المصريون الفرصة وتخرج حركة (هس) وحركة (بس) وكل منهم يُردد في حماس وقوة "هس هس هس هس.. بس بس بس بس.." وأديها رقص ودلع الدنيا هي الشابة وأنت الجدع وتتقلب الليلة وينسى جنود الاحتلال نفسهم ونصوّرهم وهم آخر مسخرة ونخليهم يقلعوا هدومهم ويترصوا جنب بعض فَشَر معتقلات (أبو غريب)، وأهو نبقى أخدنا بتار إخوانا في العراق ونبقى فضحناهم ولبسناهم تهمة في نفس الوقت".
"بعد الثورة والإفراج عن سعد زغلول ورفاقه مش هَيَاكُل معانا الاشتغالة اللي عملوها فينا بإرسال لجنة (ملنر) لتقصي الحقائق في مصر؛ لأنها مبعوتة مخصوص للضحك على دقون اللي خلفونا وتعطيل المطالبة بالاستقلال، وأيضاً هنطلع ناصحين وهنرفض الحركة القرعة اللي ما تخلش على عيّل صغيّر لما أصدر الإنجليز في 28 فبراير 1922م تصريح باستقلال مصر وبرضه فضلوا قاعدين على قلبنا بحجة إننا صحاب وقرايب، لذلك هنرفض الاستقلال اللي كده وكده، وهنستنى تصريح 22 فبراير والذي أعطى الحق للمصريين ليكون لهم دستور وهو دستور 1923 واختيار الملك 18 فردا في لجنة وضع المبادئ للدستور، ثم افتتاحه البرلمان الجديد في إبريل 1924، عندما تألفت في عهده أول وزارة شعبية برئاسة سعد زغلول، وساعتها يضرب الزعيم سعد زغلول ضربته ويُطالب بتعديل المادة 76 من الدستور ويختار الشعب المصري لأول مرة في تاريخه زعيمه وقائده وبرضه هيبقى سعد زغلول بس الأصلي اللي في إيده مقاليد الأمور، ويعلن عدم حاجة مصر للإنجليز وإن كله تمام وكله ماشي الحال ونعيش بقى أحرار مستقلين تحت حكم بابا سعد زغلول وماما صفية زغلول "أم" المصريين (المستقلين)".
وما أن انتهى فهمي من كلامه، حتى هزّ أحدهم رأسه وقال:
"جميل جداً الكلام ده، بس سعد زغلول مات يا فهمي.. ليه مش عايز تصدّق؟".

فقال "فهمي" غاضباً:
"إحنا زعماء بلدنا مش بيموتوا يا جاهل.. أنت ما سمعتش الزعيم الراحل جمال عبد الناصر وهو بيقول في خطابه التاريخي: فإذا مات جمال عبد الناصر، فكلكم جمال عبد الناصر.. نفّذوا بس الخطة وإن شاء الله هننجح، ومش بعيد الشعوب الأجنبية يبعتوا لنا عشان نحترف عندهم وننظم لهم إضرابات على أعلى مستوى، ونوصل للعالمية".

بدأ أصدقاؤه ينفّذون الخطة، ويكتبون الخطة في جروب الفيس بوك، وما أن انتهوا حتى احتضنوا بعضهم البعض بسعادة بالغة وهم يغنوا بسعادة:
"ما شربتش من نيلها.. طب جربت تغني لها".

لتذرف خديجة دموع السعادة وهي تطهي الغذاء في المطبخ، وتقول والدموع تنهمر منها:
"عملوها الوحوش.. يا ريتني كنت معاهم.. يا ريتني كنت معاهم".

وما أن انتهى الجميع من عملهم حتى صاح أحدهم بفرحة شديدة:
"مبروك يا رجالة.. مبروك يا فهمي.. وصلتنا دلوقت أول رسالة من أول "Member" يشترك في الجروب".

انقض الجميع على شاشة الكمبيوتر؛ ليقرؤوا الرسالة، فإذا بكلماتها تقول:
"وقعتك سودا يا واد يا فهمي لما ارجع لك من الصين.. اقفل الجروب ده ورجّع كل حاجة زي ما كانت يا إما أنا بنفسي اللي هبلغ عنك.. أبوك.. أحمد عبد الجواد".

وظلّت رُكب فهمي ترتعش..
وترتعش..
وترتعش...

fo2sh
مدير عام المنتدى
مدير عام المنتدى

تعاليق : اللهم اجعلنا ممن يورثون الجنان ويبشرون بروح وريحان ورب غير غضبان(امـــــــــــيـــــــن)


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: "سي السيد" ضرب الجل × شعره

مُساهمة من طرف ابو تريكه في الثلاثاء مارس 16, 2010 4:34 am

اشطا على جروباتك يافؤش استمر يامان

فى انتظار القادم




تـمر ] اللحظـة بغيابك ..
                          عشر سـاعات ..
   
وعشر سآعات e]بحضورك ]
                                       .. مثل لحظـة ..



 اللــــهَم "
   إنَك تَـرِآه , وآنآ لآ آرَآه ..
   
        فـ إنِ رأيتَـه فرِحاً / فـ أتممِ عليَه فرحتِه
   

وإنِ رأيتـهُ مهوُماً / فـ فرِج هممممهِ



”~
تدريّ متىَ آ̷̷حس أنهإ
 ضّإقت بيا
   
               يوُم آدري ٱنَ آلدنييآ ضآيقققه بيگ . .
   وُ مَ ب يديّ حيله


ابو تريكه
الإدارة
الإدارة


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى