هي مين مصر دي
لو كنت عاوز تعرف وقبل ما فكرك يروح لبعيد اقري وأنت تعرف
اللي يقولك مصر دي أمي واللي قال مصر دي هبة النيل ولو أنت رجعت حبة كتير بالزمن لمراحلنا البدائية هتلاقيهم قالولنا أنها تتوسط العالم يحدها شمالاً البحر المتوسط ومارينا وشرقاً البحر الأحمر والغردقة وتتطلع بالمرة علي شرم ........ عدي بقي علي السريع وطل علي كتب التاريخ هتلاقي جملتين من تراثنا التعليمي الأولي أنها مقبرة الغزاة ..... والتانية الأشهر بقي مصر يعني حضارة ........... حضارة 7000 سنة ها عرفتوا مين مصر دي أنا عن نفسي ما عرفتش مين هي
طب لو مصر فعلا أمي امال اسمها مش مكتوب في شهادة الميلاد ليه
طب بلاش لو هي هبة النيل يبقي بقي دول بتوع المصب يبقوا ايه يعني سعاد وسوسن النيل
ولا هي موقع في كتب الجغرافيا بس معلش بقي مارينا مش ع الخريطة
نخش بقي علي المقبرة مقبرة الغزاة دي بقي تفوقنا عليها بمراحل احنا بعون الله قضينا علي الغزاة تماما وبقينا فاضين.................. تفرغنا للشعب
مصر هي الحضارة طب والحضارة دي بتشوفها في ايه نقول أهرامات أبو الهول الأقصر وأسوان طب سؤال امتي اخر مرة زرت الحاجات دي
مصر يا سادة مش موجودة ....... ما تستغربوش واستنوا بس عليا
تعرفوا مصر ايه مصر دي بيتك الصغير مصر صحابك الجدعان واللي مش جدعان برده مصر جيرانك الغلسين مصر هي زحمة الشارع مصر تحسها في دفا الشمس تسمعها في جوووووووووووون تقشعر جسمك كله في ماتش .
بس برده مصر ممكن تشوفها في حد اتظلم او حد ظالم أو فاسد او في بطالة أو تحرش أو ...... أو ....... أو......... افتكر أن عمرك ما تغلب إنك تكمل اقولك لو زهقت وما عرفتش تكمل افتح التلفزيون علي اي توك شو وانت تعرف تحس فجأة الدنيا اتقلبت أسود في رصاصي ده بدون مبالغة تحس أن لو النهاردة مظلم يبقي بكره في أحسن الظروف هيكون مظلم اس 2
تعرفوا عمر ماكانت مشكلة حياتنا سوداويتها إنما في حبة الناس اللي عاوزيين يقنعوك أن مافيش فيها ألوان تانية
من الاخر ..... مصر بتاعتك وانت اللي بتقرر ازاي تشوفها عاوزشكلها ايه ؟؟؟؟ قرر وابدأ بنفسك ومن نفسك ولما كل واحد فينا يحلي مصر اللي حواليه ساعتها ممكن كلنا نشوفها أحلي
اعمل مصر اللي أنت عاوزها وابدأ من دلوقتي
لو كنت عاوز تعرف وقبل ما فكرك يروح لبعيد اقري وأنت تعرف
اللي يقولك مصر دي أمي واللي قال مصر دي هبة النيل ولو أنت رجعت حبة كتير بالزمن لمراحلنا البدائية هتلاقيهم قالولنا أنها تتوسط العالم يحدها شمالاً البحر المتوسط ومارينا وشرقاً البحر الأحمر والغردقة وتتطلع بالمرة علي شرم ........ عدي بقي علي السريع وطل علي كتب التاريخ هتلاقي جملتين من تراثنا التعليمي الأولي أنها مقبرة الغزاة ..... والتانية الأشهر بقي مصر يعني حضارة ........... حضارة 7000 سنة ها عرفتوا مين مصر دي أنا عن نفسي ما عرفتش مين هي
طب لو مصر فعلا أمي امال اسمها مش مكتوب في شهادة الميلاد ليه
طب بلاش لو هي هبة النيل يبقي بقي دول بتوع المصب يبقوا ايه يعني سعاد وسوسن النيل
ولا هي موقع في كتب الجغرافيا بس معلش بقي مارينا مش ع الخريطة
نخش بقي علي المقبرة مقبرة الغزاة دي بقي تفوقنا عليها بمراحل احنا بعون الله قضينا علي الغزاة تماما وبقينا فاضين.................. تفرغنا للشعب
مصر هي الحضارة طب والحضارة دي بتشوفها في ايه نقول أهرامات أبو الهول الأقصر وأسوان طب سؤال امتي اخر مرة زرت الحاجات دي
مصر يا سادة مش موجودة ....... ما تستغربوش واستنوا بس عليا
تعرفوا مصر ايه مصر دي بيتك الصغير مصر صحابك الجدعان واللي مش جدعان برده مصر جيرانك الغلسين مصر هي زحمة الشارع مصر تحسها في دفا الشمس تسمعها في جوووووووووووون تقشعر جسمك كله في ماتش .
بس برده مصر ممكن تشوفها في حد اتظلم او حد ظالم أو فاسد او في بطالة أو تحرش أو ...... أو ....... أو......... افتكر أن عمرك ما تغلب إنك تكمل اقولك لو زهقت وما عرفتش تكمل افتح التلفزيون علي اي توك شو وانت تعرف تحس فجأة الدنيا اتقلبت أسود في رصاصي ده بدون مبالغة تحس أن لو النهاردة مظلم يبقي بكره في أحسن الظروف هيكون مظلم اس 2
تعرفوا عمر ماكانت مشكلة حياتنا سوداويتها إنما في حبة الناس اللي عاوزيين يقنعوك أن مافيش فيها ألوان تانية
من الاخر ..... مصر بتاعتك وانت اللي بتقرر ازاي تشوفها عاوزشكلها ايه ؟؟؟؟ قرر وابدأ بنفسك ومن نفسك ولما كل واحد فينا يحلي مصر اللي حواليه ساعتها ممكن كلنا نشوفها أحلي
اعمل مصر اللي أنت عاوزها وابدأ من دلوقتي